Isaias 8

Ang Anak ni Isaias Ingon nga Ilhanan ngadto sa Katawhan

1Unya giingnan ako sa Ginoo, “Pagkuhag usa ka dakong papan ug kuliti niining mosunod nga mga pulong, ‘Iya kini ni Mahersalalhasbas.’”#8:1 MAHERSALALHASBAS: Sa ato pa, dali ang pagpangilog, paspas ang pagpangsakmit. 2Bahin niini nagkuha akog mga saksi nga mao sila si Urias nga pari ug si Zacarias nga anak ni Jeberequias.

3Ug nakighilawas ako sa akong asawa#8:3 akong asawa: Sa Hebreo, propetang babaye. ug nanamkon siya ug nanganak ug batang lalaki. Unya miingon kanako ang Ginoo, “Nganli siyag Mahersalalhasbas 4kay sa dili pa ang bata makalitok ug ‘papa’ o ‘mama,’ sakmiton sa hari sa Asiria ang bahandi sa Damasco ug sa Samaria.”

Mosulong ang Hari sa Asiria

5Gisultihan na usab ako sa Ginoo: 6“Tungod kay gisalikway man niining mga tawhana ang mga tubig sa Siloe#8:6 TUBIG SA SILOE: Usa ka sapa nga nagdagayday gikan sa dakong tubod sa silangang bahin sa Jerusalem. nga nagdagayday ug kay nahadlok#8:6 nahadlok: Sa Hebreo, nalipay. man sila kang Hari Rezin ug kang Hari Peka, 7ipaataki ko sa hari sa Asiria ug sa iyang kasundalohan ang Juda. Mosulong sila sama sa bul-og sa tubig sa Eufrates nga moawas sa kadaplinan niini. 8Unya mopadayon kini pagbul-og sa tibuok Juda ug mosanap hangtod nga ma-tagaliog ang iyang giladmon ug matabonan ang tanan.”

Ang Dios uban kanato! Ang binuklad niyang mga pako nanalipod sa nasod.#8:8 ang tanan.” Ang Dios…nasod: o Misanap sila sa tibuok nasod. Mag-uban unta kanato ang Dios.

9Panagtigom kamo,#8:9 Panagtigom kamo: Sa Hebreo, pagtibulaag kamo; sa ubang sinulat, hibaloi ninyo. O mga katawhan, ug pagsubo kamo;

pamati ug pangandam kamong anaa sa layong kayutaan.

10Pagsabotsabot kamo

apan kawang lamang kini,

sulti bisag unsa

apan dili kini magpulos kay ania uban kanamo ang Dios.

Gipasidan-an sa Ginoo ang Propeta

11Pinaagi sa iyang gahom gipasidan-an ako sa Ginoo sa dili pagsundog sa buhat niining mga tawhana ug kini mao ang iyang gisulti kanako: 12“Ayaw#1 Ped. 3:14-15. pagpakig-abin kanila sa ilang laraw ug ayaw kahadloki ang ilang gikahadlokan. 13Apan ako, ang Ginoo nga Labing Gamhanan, maoy angay mong kahadlokan kay ako balaan man. 14Ako#1 Ped. 2:8. ang imong dalangpanan ug ang bato nga kapandulan sa mga banay sa Israel ug sa Juda, usa ka lit-ag alang sa Jerusalem. 15Daghan ang mapandol, matumba ug magupok. Malit-ag sila ug hidakpan.”

Pasidaan batok sa Pagpakisayod sa mga Patay

16Tipigi ang mensahe sa Dios ug silyohi ang pagtulon-an diha sa akong mga tinun-an. 17Misalig#Heb. 2:13. ug milaom ako sa Ginoo nga wala mahimuot sa iyang katawhan.

18Ania#Heb. 2:13. ako kauban sa mga anak nga gihatag sa Ginoo kanako. Ang Ginoo nga Labing Gamhanan nga nagpuyo sa Bukid sa Sion nagpadala kanamo ingon nga mga buhing mensahe ngadto sa katawhan sa Israel.

19Apan ang katawhan mosulti kaninyo sa pagpangayo ug mga mensahe gikan sa mga nagpunayg yamyam nga manalagna ug mga tigpakisayod sa mga espiritu. Moingon sila, “Ang mga tawo mangayo gayod ug mga mensahe gikan sa mga espiritu ug magpakisayod sa mga patay alang sa mga buhi.”

20Kinahanglan tubagon ninyo sila, “Pamati sa gitudlo sa Ginoo kaninyo! Ayaw kamo pamati sa mga tigkonsulta sa mga patay kay ang ilang isulti dili makaayo kaninyo.”

Panahon sa Kasamok

21Ang katawhan maglatagaw nga subo ug gutom ug tungod sa ilang kagutom, masuko sila ug mohangad sa langit ug tunglohon nila ang ilang hari ug ang ilang Dios. 22Bisag asa sila motan-aw, kaguol ug kangitngit lamang ang ilang makita ug ibanlod sila ngadto sa naglugitom nga kangitngitan. Apan dili na batiog kasubo ang nag-antos kaniadto.

Currently Selected:

Isaias 8: RCPV

Highlight

Copy