Genesis 28

1Gipatawag ni Isaac si Jacob ug gipanalanginan niya ug giingnan, “Ayaw gayod pangasawag taga-Canaan. 2Pangandam ug lakaw ngadto sa Mesopotamia,#28:2 Mesopotamia: o Paddan-Aram. sa pinuy-anan ni Betuel, ang amahan sa imong inahan. Didto pangasawa ug maoy pangasaw-a ang usa sa mga anak sa imong uyoan nga si Laban. 3Panalanginan unta sa Dios nga Labing Gamhanan ang inyong kaminyoon ug hatagan kag daghang mga anak aron mahimo kang amahan sa daghang kanasoran. 4Panalanginan#Gen. 17:4-8. ka unta niya ug ang imong mga kaliwat ingon nga gipanalanginan niya si Abraham. Maimo unta kining yutaa nga gipuy-an nimo nga gihatag sa Dios kang Abraham.” 5Unya gipalakaw ni Isaac si Jacob ngadto kang Laban didto sa Mesopotamia. Si Laban anak ni Betuel nga taga-Aramea. Igsoon ni Laban si Rebecca nga inahan ni Jacob ug ni Esau.

Si Esau Nangasawa na Usab

6Nakabalita si Esau nga gipanalanginan ni Isaac si Jacob ug gipaadto sa Mesopotamia aron mangasawa didto. Nakabalita usab siya nga sa pagpanalangin ni Isaac kang Jacob, gipasidan-an niya si Jacob nga dili gayod mangasawag taga-Canaan. 7Nasayran usab niya nga gituman ni Jacob ang giingon sa iyang amahan ug inahan busa mipaingon siya sa Mesopotamia. 8Nasabtan ni Esau nga ang iyang amahan dili gusto sa mga babaye nga taga-Canaan. 9Busa miadto siya kang Ismael nga anak ni Abraham ug gipangasawa niya, dugang sa iyang mga asawa, si Mahalat nga igsoon ni Nebaiot, anak ni Ismael.

Ang Damgo ni Jacob didto sa Betel

10Mibiya si Jacob sa Berseba ug mipaingon sa Haran. 11Nahiabot siya sa usa ka dapit ug mipahulay siya didto kay gabii na man. Mihigda siya aron matulog ug bato ang iyang giunlan. 12Unya#Juan 1:51. nagdamgo siya. Sa iyang damgo nakita niya ang usa ka hagdan nga misangko sa langit. Sa maong hagdan may mga anghel sa Dios nga nagsaka-kanaog. 13Nakita#Gen. 13:14-15. usab niya ang Ginoo nga nagbarog tupad kaniya#28:13 tupad kaniya: o sa hagdan. ug miingon, “Ako ang Ginoo, ang Dios ni Abraham ug ni Isaac. Ihatag ko kanimo ug sa imong mga kaliwat kining yuta nga imong gihigdaan. 14Modaghan#Gen. 12:3; 22:18. ang imong mga kaliwat sama kadaghan sa abog sa yuta. Mokaylap sila ngadto sa kasadpan ug sa silangan, sa amihanan ug sa habagatan. Ug ang tanang katawhan sa kalibotan mohangyo kanako nga panalanginan ko sila sama sa pagpanalangin ko kanimo ug sa imong mga kaliwat. 15Timan-i nga ako nag-uban kanimo. Panalipdan ko ikaw bisag asa ka paingon ug dad-on ko ikaw pagbalik niining yutaa. Dili ko ikaw biyaan hangtod nga matuman ang gisaad ko kanimo.”

16Unya nahigmata si Jacob ug miingon siya, “Wala ko hibaloi nga ania diay ang Ginoo niining dapita!” 17Nahadlok siya ug miingon, “Pagkabalaan diay niining dapita! Kini gayod ang gipuy-an sa Dios ug ang ganghaan sa langit.”

18Sa pagkabuntag, sayo nga mibangon si Jacob. Gikuha niya ang bato nga iyang giunlanan ug iya kining giugbok silbing handomanan. Unya gibuboan niya kinig lana.#28:18 UNYA…LANA: Kini maoy pagsimbolo nga ang maong butang gigahin na nga gamiton alang sa Dios ug dili na mahimong gamiton ingon nga ordinaryong butang. 19Ginganlan niyag Betel#28:19 BETEL: Sa Hebreo nagkahulogan ug, Balay sa Dios. ang maong dapit. (Kaniadto Luz ang ngalan sa maong lungsod.) 20Unya naghimog panaad si Jacob ngadto sa Ginoo. Siya miingon, “Kon ubanan mo ako ug bantayan sa akong pagpanaw ug hatagan mo akog bisti ug pagkaon 21ug kon mahiuli ako sa balay sa akong amahan nga walay kadaot nga mahitabo kanako, ilhon ko ikaw nga akong Dios. 22Ug kining bato nga akong giugbok silbing handomanan mahimong imong balay ug ihatag ko kanimo ang ikapulo sa tanang ihatag mo kanako.”

Currently Selected:

Genesis 28: RCPV

Highlight

Copy