2 Cronicas 4
4
Ang mga Kahimanan sa Templo
(1 Hari 7:23-51)
1Naghimo#Exo. 27:1-2. si Hari Solomon ug halaran nga bronsi nga may siyam ka metros ang gitas-on ug siyam usab ka metros ang gilapdon ug upat ug tunga ka metros ang gihabugon. 2Unya naghimo siyag dakong tangke nga bronsi. Ang diyametro niini 4.4 ka metros, ang gihabugon 2.2 ka metros ug ang kalinginon 13.2 ka metros. 3Sa ubos niini may duha ka laray sa hinulma nga daw mga kalabasa#4:3 daw mga kalabasa: Sa Hebreo, daw mga torong baka. libot gayod niini.#4:3 Dili klaro sa Hebreo ang tibuok nga bersikulo. 4Ang dakong tangke nga bronsi gipahimutang ibabaw sa mga hinulma nga baka: Tulo ka baka ang nag-atubang sa amihanan, tulo ang nag-atubang sa kasadpan, tulo ang nag-atubang sa habagatan ug tulo ang nag-atubang sa sidlakan. 5Ang gibag-on sa dakong tangke 7.5 ka sentimetros ug ang porma sa ngilit niini sama sa tasa ug sa usa ka bulak nga lirio. Kon pun-on ang tangke, masudlan kinig 60,000 ka litrong tubig. 6Naghimo#Exo. 30:17-21. usab siyag napulo ka planggana nga hugasanan ug ang lima ka buok niini gibutang dapit sa habagatan ug ang lima dapit sa amihanan. Anhi nila hugasi ang ilang mga halad nga sunogon ug ang tubig sa dakong tangke gamiton sa mga pari sa pagpanghugas.
7Unya#Exo. 25:31-40. nagbuhat siyag napulo ka butanganag suga nga bulawan sumala sa gisugo sa Ginoo ug gibutang niya kini didto sa Templo—lima ka buok dapit sa habagatan ug lima dapit sa amihanan. 8Nagbuhat#Exo. 25:23-30. usab siyag napulo ka lamisa ug gibutang niya kini didto sa Templo—lima ka buok dapit sa habagatan ug lima sa amihanan. Naghimo usab siyag 100 ka planggana nga bulawan.
9Naghimo siyag hawanan nga tigomanan sa mga pari ug lain pang mas dako nga hawanan ug mga sira alang niini nga iyang gihapinag bronsi. 10Unya iyang gibutang ang dakong tangke nga bronsi sa habagatang-silangang eskina sa Templo.
11Naghimo usab si Huram ug mga kulon, mga pala ug mga panaksan. Natapos niya paghimo ang tanang butang nga gipabuhat ni Hari Solomon alang sa Templo:
12Ang duha ka haligi
Ang duha ka daw panaksan nga ibutang sa tumoy sa mga haligi
Ang duha ka linubid nga kadena nga gitabon sa duha ka daw panaksan didto sa tumoy sa haligi
13Ang 400 ka bronsing prutas nga granada nga gipahimutang sa duha ka laray alang sa duha ka linubid nga kadena didto sa tumoy sa mga haligi
14Ang napulo ka#4:14 Ang napulo ka: Sa Hebreo, Naghimo siyag. (Tan-awa sa I Hari 7:40-45.) tungtonganan sa mga planggana
Ang napulo ka planggana
15Ang tangke
Ang 12 ka torong baka nga nagsangga sa tangke
16Ang mga kulon, mga pala ug mga dagkong tinidor
Si Huram, ang hanas nga mamuhat ug mga galamiton nga sama niini maoy nagbuhat niining tanan ginamit ang pinasinaw nga bronsi sumala sa mando ni Hari Solomon aron gamiton didto sa Templo sa Ginoo.
17Didto kini ipahulma sa hari sa Patag sa Jordan sa kulonon nga yuta tungatunga sa Sucot ug Sareda. 18Gidaghan kini pagbuhat ni Solomon busa wala na ihapa ang gibug-aton sa nagamit nga bronsi.
19Mao kini ang mga butang nga gihimo ni Solomon alang sa Templo sa Dios: ang bulawan nga halaran, ang mga lamisa nga butanganan sa mga pan nga simbolo sa presensya sa Dios, 20ang mga lamparahan ug ang mga tungtonganan niini nga lunsayng bulawan nga maoy isuga didto sa Dapit nga Labing Balaan sumala sa sugo, 21ang mga bulak, mga lamparahan ug mga kumpit nga lunsayng bulawan, 22ang mga igpapalong, ang mga planggana, ang mga sangga sa insenso ug mga sudlanan sa kalayo, ingon man ang mga bisagra sa sira sa pultahan sa Templo, sa mga pultahan paingon sa Dapit nga Labing Balaan ug sa mga pultahan ngadto sa hawanan sa Templo. Ang tanan lunsayng bulawan.
Currently Selected:
2 Cronicas 4: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
