Ap 3

Tpakb'al kye okslal aj Sardes

1Tz'ib'anxa te anjl ati kyxol okslal aj Sardes, kjalu: Luju' ate' wuq t-xew Dyos tuk'i'l ex wuq che'w toj tq'ob' kjalu: kanli nwitze' tkyaqilju' ntb'incha'na, ex b'i'n wu'ne' nq'umli qa itz'a, extzun kyimniya. 2Na'ntztib'a ex b'incham qexi'xtla ti'xti' nche tb'incha'na b'a'n naqch'inxtl kykyaj naj tu'na, matxi' wile' mya toj ttzinunalqe' nche tb'incha'na twitz Nmane' Dyos. 3Na'ntza xnaq'tzb'il oje tk'ama; b'inchama ex kutanjtz ti'ja tuk'i'l Dyos. Qatzun min, naqx myanim ajwule' ti'ja kse'n jun eleq'. 4Ate'tzun junjun kyxole' toj Sardes b'ajx kytz'ilsaya' kyxb'alun; che tenb'el wuk'i'le' oksa'n kyxb'alun saq, qu'n b'a'n kychwinqlal. 5Alqetzunte ma kanb'an, saq t-xb'alun k'okyel, ex lay jatz nxitu'ne' tb'i toju' u'j te chwinqlal, kxe'l nma'ne' tb'i twitz Nmane' ex kywitzju' tanjl. 6¡Alqe ati t-ẍkyin, b'inxju' ntma'n Xewb'aj Xjan kye okslal! chiku'ya, chij.

Tpakb'al kye okslal aj Piladelpya

7Tz'ib'anxa te anjl ati kyxol okslal aj Piladelpya kjalu: Luju' xjan ex axxi'x, aju' ati tal tja nimaqkawil Dab'i toj tq'ob', ajtjqonte ttzija, mix-a'lo'tlte kb'antel tjpunte, ex ajtjpunte, mix-a'lo'tlte kb'antel tjqonte, intma'n kjalu: 8Wojtzqi'ne' tkyaqilju' ntb'incha'na; matxi' njaqe' ttzija teya, mix-a'lo' kb'antel tjpunte, tu'npetzu'n naqch'i'n tipumala, njapun nyole' tu'na ex min nkub' tewa'na qa okslala wi'je'. 9Knb'incha'ye' tu'n kykub' mejeju' nche ajb'en te tajaw il twitza, in okkyq'o'n kyib' te aj Juda extzun chalyol qe', tu'n telkynik' qa k'u'jla'na wu'ne'. 10Tu'nju' nche tb'incha'na nchaq'b'ile' ex matxi' tzik'xtu'na, knkla'ya toju' tq'ijlalil tzul ajkyok kykyaqil xjal toj joyb'ilkyi'j wu'ne', tu'n telkynik'tzil kykyaqilju' najlqe' twitz tx'otx'. 11Chin ule' lwiy, tzyumju'ya atitl teya, tu'ntzun mix-a'lo' k'elel q'inteju' oyaj teya. 12Aye' makub'ti'j kyu'n, che okyel nq'o'ne' te tqan ja toj tja nmane' Dyos, ex layx che etztl atzu'; k'okyel ntz'ib'a'ne' tb'i Dyos ex tb'i ninttanam Dyos kyi'j, aju' t-ak'a'j Jerusalen Dyos ktzajel toj kya'j; ex k'okyel ntz'ib'a'ne' nb'iye' ak'a'j kyi'j. 13¡Alkye ati t-ẍkyin, b'inxju' ntma'n Xewb'aj Xjan kye okslal! chiku'ya, chij.

Tpakb'al kye okslal aj Laodisya

14Tz'ib'anxa teju' anjl kyxol okslal aj Laodisya kjalu: Aju' tziyalku'xi'x ex ax yolin, ex ti'j tzajna' qe tkyaqilju' tb'incha Dyos t-xetnejel, intma'n kjalu: 15B'i'n wu'ne' tkyaqilju' nkyb'incha'ne'. Kanli nwitze' mya che'w qe'ye' ex mya moq'moj qe'ye'. ¡Maswitlo b'a'n che'w qe'ye' mujqa moq'moj! 16Sq'ulin qena'kye', mya che'w ex mya moq'moj qe'ye', qu'mtzun che jawil nxa'ne'. 17Inkyma'ne' qa q'inun qe'ye', b'a'n ta'qe'ye' ex mixti'tl nojqelan kyeye'; kuchitzun qa min nelkynik'e' qa b'isb'ajilx ta'qe'ye', qab'anx kywitze', prowqe'ye', moẍqe'ye' ex ẍb'iqlqe'ye'. 18Qu'mtzun kxe'l nq'o'n kynab'le' tu'n kylq'onteye' q'anpwaq ẍtilsa'n toj q'aq' weye', tu'ntzun kyq'inumaxe' axxi'x; ex tu'n kylq'onteye' saq xb'alun weye' te kutxb'ilkyeye' ex kylq'ome' q'a'nb'il kywitze' tu'n kyka'yine'. 19Inche nwuli'ne' kykyaqilju' k'u'jla'nqe' wu'ne' ex nche ntzak'u'ne'. Qu'mtzun kyq'onk tilile' ex kutanjtz kyi'je' tuk'i'l Dyos. 20Luqine' nchin txokon ttzija; alkye matz'etz b'inweye' ex matjaqu' tja, chin okyixe' toj tja ex chin wale' junx tuk'i'l. 21Kxe'l nq'o'ne' kyoklenju' makub'ti'j tkyaqil kyu'n, tu'n kykub' qe nk'etze' toj nkawb'ile', kse'nwe' matxi' kub'ti'j wu'ne' ex q'uqli qine' tk'etz Nmane' toju' tkawb'il. 22¡Alkye ati t-ẍkyin, b'inxju' ntma'n Xewb'aj Xjan kye okslal! chiku'ya, chij.

Currently Selected:

Ap 3: MAMO

Highlight

Copy