Sal 146
146
Ajwalb'ilte Dyos kyi'ju' tb'inchb'en
1¡Ajwalinjtzxwit Qman Dyos!
Chin b'itzale' te Qman Dyos tu'n tkyaqil nk'u'je'.
2Kwajwali'ye' Qman Dyos toju' nchwinqlale'
che kxe'l nb'itzane' b'itz te Qman Dyos itz'qinku'ye' twitz tx'otx'.
3Lalun tz'okqe kyk'u'je' kyi'ju' xjal nimaq kyoklen,
naq xjal qe'kye', lay b'ent kykolon,
4qu'n ajkykyim in anjkyi'j toj tx'otx',
axtzun q'iju' nb'aj tkyaqilju' kyxim.
5Tzalajb'ilte' teju' xjal oni'n tu'n Qman Dyos ja ajb'ena' Jakob',
aye' q'uqlok tk'u'j ti'j Qman Dyos.
6A kub' b'inchante kya'j, tx'otx' ex ninnjab',
ex tkyaqilju' ti'xti' ati kywitz.
In japunte tyol kukxju'.
7Intb'incha'n tnik'alilti'j kyeju' nche yajlanjtz
ex nxitq'o'n kywaju' nche we'yajti.
Inche ttzaqpi'n Qman Dyosu' jpu'nqe';
8Intjqo'n Qman Dyos kywitzju' moẍ;
inche jaw twab'a'n Qman Dyosu' kub'niqe' tz'aq;
inche tk'u'jla'n Qman Dyos xjal tnik'alkyi'j;
9Inche t-xq'uqi'n Qman Dyos najchaq xjal
inche toni'nju' meb'a ex kyimni kychmil,
ex nche kub' ttzpet-sa'nju' b'inchal myab'a'n tojxju' kyb'e.
10Syon,
kkawilte Qman Dyos tejumajx;
kkawilte Qman Dyos toj tkyaqil tab'q'iyil.
¡Ajwalinjtzxwit Qman Dyos! Chiju' b'itzal.
Currently Selected:
Sal 146: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
