Sal 143
143
Matxi' tz'okqe nk'u'je' ti'ja
1Nman Dyos, b'intzju'ya nna'j Dyose';
b'intzju'ya nkub'sb'ile' teya.
¡Chin ttzaq'wetza, tnik'altati'j ex njapun tyola!
2Lalun ttxokju'ya tmajena tu'n tok toj xjel,
qu'n mix-a'lo'te jun mixwitti' til twitza.
3Inxi'x chin joyliye' kyu'n wajq'oje
matxi' chin kub'kyxone' twitz tx'otx';
nchin nexkyq'o'ne' tu'n nnajane' toj qlolj,
kse'nqe' ojtxi' kykyimlen.
4Kxi' nkub'aje' tu'n b'is
inxi'x tzaj tchi wi'je'
5Inche tzaj nna'nju'ye' tq'ijlalil ojtxi',
ex nchin ximane' kyi'j kykyaqilju' tb'inchb'ena.
6Injaw wi'ne' nq'ob'e' twitza,
nchin k'wajtiye' ti'ja, kse'n tx'otx' tzqij.
7Nman Dyos, ¡lwiyx chin tzaj ttzaq'we'na,
qu'n xi'tkub'aju' nxewe'!
Chin tonima, lalun kub' t-xk'ayi'ntib'a,
qu'n qatzun min, chin okyeltzuntze' kse'nqe' kyimni.
8Yek'untza tk'u'jlalila weye' te prim,
qu'n ti'ja soka' qe nk'u'je'.
Q'mantza weye' kse'n tu'me'l tu'n wanq'ina'ye' twitza,
qu'n teya nxa' nkub'sa'na'ju'ye' wajb'ile'.
9Nman Dyos, chin tkloma kyeju' wajq'oje,
qu'n tk'etza nnjyo'na'ye' kolb'il.
10Chin t-xnaq'tzama tu'n nb'inchanteju'ye' tajb'ila,
qu'n teya nchin k'uluna'ye'.
¡Awtju' t-xewa txi' iq'inweye'
toju' b'e tzinun ti'j!
11¡Nman Dyos, q'ontza nchwinqlale' tu'nelju' tb'iya!
¡chin tiq'imitza toju' yajb'il! qu'n tz'aqlixi'xta,
12¡Xitunqe'ku'ya wajq'oje! qu'n in japun ta tyol,
¡b'yonqe'ku'ya kykyaqil, qu'n ayine' tmajena! Chiju' b'itzal.
Currently Selected:
Sal 143: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
