Sal 141
141
O'kxtzu' toka' nwitze' ti'ja
1Nman Dyos, inchin kub'sane' teya: ¡lwix kuttzaja!,
¡b'intzju'ya tq'ojq'ojel nwi'ye' ajntxokone' teya!
2Tz'okxwitju' nna'j Dyose' twitza kse'n sturak,
exqe' nq'ob'e' ate'ktz jawl che okxwit kse'n oyaj te qale.
3Nman Dyos, q'onka jun xq'uqilteju' ntziye'
lay taja naqx tu'n tel nma'n nyole'.
4Lalun taja tu'n toknq'o'n nwi'ye' ti'ju' myab'a'n;
lalun taja tu'n nb'ete' toju' taq'wixil
ex tu'n lalun chin tene' kyoj ninwan kyuk'i'l b'inchal il.
5Jun xtalb'ilte' ktb'incha' xjal tnik'alti'j weye' qama chin ttzak'uye',
k'elil weye' kse'n k'ok'sb'il qama chin ttzak'uye'.
Lay tz'el wik'o'ne';
ex nchin na'we' Dyos kukxju' tu'n tkub'aju' kyb'inchb'aj b'inchal il.
6Che elix xonju' kynejel b'inchal myab'a'n twi' xaq,
kkaneb'iltzuntz toj kynab'l qa tb'anilxi'xju' nyole'.
7Noqx che pomel xob'aj kyb'aqil toj jul,
kse'n nxichitu'n tx'otx' ajtjaw kjo'n.
8Nman Dyos, majx tokwe' nnab'l ti'ja.
Ti'ja nklo'na' wib'e': lalun chin kyej tkolb'e'na.
9Chin tkloma teju' xpatxab' xkub' qo'n weye'
te xpatxab' xkub' kyq'o'n b'inchal myab'a'n toj nb'eye'.
10Che kub'xwit tz'aqu' b'inchal myab'a'n tojx kyxpatxab',
ayintzunwe' ljo'nwe' nb'e. Chiju' b'itzal.
Currently Selected:
Sal 141: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
