Jer 21
21
Tqanil tz'e'ysb'il kywitz aj Jerusalen
1-2Exi' tchq'o'n nimaqkawil Sedekyiy Pasur, tk'wal Malkyiy, exju' pale Soponiy, tk'wal Maaseyiy, q'malte te Jeremiy kjalu: B'inchama xtalb'il, xjeluna te Qman Dyos qi'je', qu'n luju' Nab'ukodonosor nimaqkawil aj B'ab'ilon nq'ojin qi'je'. Qape' ktb'incha' Qman Dyos jun b'a'nq'ob'aj ex tu'n tex tlaq'b'a'n Nab'ukodonosor, chechij.
Yolintzun Qman Dyos te Jeremiy, 3ex xittzaq'we'n Jeremiy kyeju' e'pon tchq'o'n Sedekyiy: Kymanxe' te Sedekyiy 4qa a ntma'n Qman Dyos ja'lu: Che anjetz miltz'uju' nche onin kyuk'i'le' ti'jxi' tapi ti'ju' nimaqkawil aj B'ab'ilon ex kyi'ju' aj Kaldey, ex che tzajel nb'u'yi'ne' toju' nintnam lu. 5Ayinku'we' chin q'ojil kyi'je', tu'n tkyaqil wipumale' ex tuk'i'l ntx'u'jile'. 6Che kb'el nb'yo'ne' kykyaqilju' najlqe' toju' nintnam lu; ichan ex alu'mj che b'ajel kyim tu'n jun tx'u'j yab'il. 7Yajxi'tzuntl kxe'l nq'o'ne' Sedekyiy, nimaqkawil toj Juda, toj tq'ob' Nab'ukodonosor ex toj kyq'ob' tajq'oj ch'i'ntoj kyq'ij, kyuk'i'lxi' tmajin e' t-xjal te q'oj, exqe' xjal itz'qe'x toju' nintnam tik'lenxi' tx'u'j yab'il, q'oj ex we'yaj. Knb'incha'ye' tu'n kykub'yo'n tu'n k'uẍtx'e'nb'il, layx laqkyk'u'jlalil. Ayine' Dyos Manb'aj nchin yolin.
8Ex ikx q'manxa kye xjal qa kxe'l nq'o'ne' anb'il kye, ayine' Dyos Manb'aj: qa a kjawil kysk'o'nju' tb'eyil chwinqlal mujqa aju' tb'eyil kamik. 9Alkyete makyajten toju' nintnam lu, kkyimel toj q'oj, mo tu'n we'yaj, mo tu'n tx'u'j yab'il. Alkyetzunte matz'ex toju' tnam ex mataq'tib' kye aj Kaldey nchi q'ojink ti'ju' nintnam, lay kyim, tu'npetzunte' lay kyim. 10Qu'n matxi' kub' nxima'ne' tu'n ttzaj taq'wix te t-xelju' b'a'n tib'aju' nintnam lu. Kxe'l nq'o'ne' toj tq'ob'ju' ninaqkawil aj B'ab'ilon, ex kb'el ttz'e'ysa'n tu'n q'aq'. Ayine' Dyos Manb'aj nchin yolin.
Tqanil myab'a'n tiju' nimaqkawil aj Juda
11-12Atzu'n ti'ju' tja nimaqkawb'il toj Juda, tja nimaqkawil Dab'i, q'manxa toj nb'iye' ikjalu:
B'intza ntma'n Qman Dyos:
B'inchama tnik'alilti'j tkyaqil q'ij;
tzaqpinqe'ma yaju'nqe' kyeju' yajulkye
naqtzaj ntx'u'jile' ti'ja
kse'n q'aq' mix-a'lo'x kb'entel tyupinte
tu'n kypaju' tb'inchb'aja myab'a'n.
Tqanil tz'e'ysb'il kywitz aj Jerusalen
13Aya nintnam, nche kawine' tib'aju' b'ya',
ikyqe'ye' kse'n pik tib'aju' plan tx'otx'
ayine' Dyos Manb'aj chin q'ojil kyi'je'.
Intzun kyma'ne': ¿Alxi'xkye kq'ojil qi'j?
¿alkye tzulkanun toju' qewb'il? chechije'.
14Ikxtzu'n kse'n kyb'inchb'aje', kb'el ntz'e'ysa'n kywitze',
kxe'l nq'o'n q'aq' toju' kynimaq k'ule',
ex majx che b'aje'ju' k'ul ti'jile tu'n q'aq' lu.
Ayine' Dyos Manb'aj nchin yolin, chi Dyos, chiku'ya, chi Dyos.
Currently Selected:
Jer 21: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
