2 Ti CHIK'B'AB'L
CHIK'B'AB'L
Aju' tkab' u'j xittz'ib'a'n Pawl te Timotey nyolin ti'ju' ti'xti' kxolx, ti'j Timotey ex ti'jchaqju' ti'xti' tu'n tb'ent toju' tnejel u'j. Atzunju' kub' tz'ib'ante u'j lu tej tna'nte qa ch'inxtltoq tkyim, intzaj tna'n ex nxi' tq'o'n chjonte te Dyos tu'nju' tk'u'jlalil ex tu'nju' tokslab'l Timotey. Tu'ntzu'n ma'toq kub' yajt ex tu'nju' nimqe' nche q'ojin ti'j, b'ajx tma'n te Timotey tu'n tik'xju' joyb'ilti'j tu'n ex tu'n tkub' we' b'a'nxi'x toj tokslab'l se'n jun xjal te q'oj te Jesukrist wa'l b'a'nxi'x (tnej jun xi'ni toj tqik' jun pomnix toj tkab' tnej tk'i' tqik' oxlajoj). Ex ikx b'ajx tma'n tnab'l tu'n mlalun tz'okx tq'o'ntib' toj q'oj naqx tu'n tpaj txqan yol mixti'x kyajb'en, naq o'kx nky'ixb'sana' kyeju' nche b'inte ex tu'ntzun ja'lu njawa' b'ujin. Ex nxi' toqxeni'n te tu'n txi' tka'yi'ntib' aku', ex tu'n tkub' we' toj tokslab'l, se'nx ntma'nju' xnaq'tzb'il kyoju' Xjan Tu'jil, aj oje tk'am tej tal k'waltoq (tnej kab'e' xi'ni toj tqik' kyajlajoj pomni toj tqik' jwe' toj tnej kyaje').
Nim txqan ti'xti' toj ewaj b'ajx tma'n Pawl te Timotey toju' b'ajsb'il te u'j lu: aj jpu'ntoq ex ma'toq kub' q'o'n tz'e'ysb'il twitz, ma'toq kyej leb'i'n kyu'n tuk'i'l, intoq nel ik'u'n kyu'n txqantl xjal, naq o'kxtaqju' Lukas atitoq tuk'i'l, ex atoqtzun tb'is tk'u'ju' tu'n tpon kanun Timotey ka'yilte. Toju' tkyaqilx ti'xti' nb'aj ti'j, maskyetzun tjunil toj twitz, ate Dyos ati tuk'i'l ex in nonin ti'j, ex ikx nxi' tq'on ninb'ilte (tnej kyaje' xi'ni toj tqik' qaq pomni toj tqik' junaq kab'e'). Tojtzun tkyaqil ja'lu, aju' tb'incha kub' tz'ib'ante u'j lu te Timotey majx jun yek'b'il tu'nju' tu'me'l tchwinqlal ex tu'nju' t-xnaq'tzb'en, tu'nju' yol b'aj kyej tyek'u'n, tu'nju' tpasensi, tu'nju' tokslab'l, tu'nju' tk'u'jlalil ex tu'nju' ik'xtu'n, tej ljo'ntoq toj tq'ij kyu'n xjal, qu'n nimtaq tipumal.
Currently Selected:
2 Ti CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999