Jabuli 96
96
We-rme pak
(1 Tek 16.23-33)
1Wuwer bot Rwot wer manyen;
wuwer bot Rwot, wun lobo ducu!
2Wuwer bot Rwot, wupwo nyiŋe;
wutit pi larre nino ducu.
3Wutuc deyone bot lurok
wutit ticce me aura bot rok ducu!
4Rwot aye dit, myero gipake twatwal
myero gilwore makato lubaŋa mukene-gu ducu,
5Pien lubaŋa pa lurok ducu gin cal jogi apaya,
ento Rwot aye oketo polo.
6Deyo ki dit tye bote
tek ki ber tye i kabedo mere maleŋ,
7 #
Jab 29.1-2
Wun kaka me rok ducu, wumi deyo bot Rwot,
wumi deyo ki tek bot Rwot!
8Wumi deyo bot Rwot muporo nyiŋe;
wukel gityer, wubin wa i dyekalle!
9Wuwor Rwot ki, boŋo maleŋ;
komwu omyel i nyime, wun lobo ducu!
10Dano guwac i kin lurok ni, “Rwot tye ka loc!
Ada, lobo ocuŋ matek ma pe yeŋŋe;
en biŋolo kop i kom dano maromrom.”
11Polo iye obed yom, lobo bene obed ma cwinye-yom,
wek nam omor, ki jami ducu ma tye iye;
12wek poto obed ki yomcwiny, ki jami ducu ma tye iye!
Man bimiyo yadi ma i buŋa ducu, giwero wer pi yomcwiny
13i nyim Rwot, pien obebino ka ŋolo kop ki lobo.
En ‘biŋolo kop ma tye atir i kom lobo;
biŋolo kop i kom rok ducu ki adane.
Currently Selected:
Jabuli 96: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
