Jabuli 95
95
Wer me pak pi woro Lubaŋa
1Wubin wawer bot Rwot;
wek cwinywa yom kom got ma larowa!
2Wabin i nyime ka miyo pwocwa;
Wawer bote wer me pak ki yomcwiny!
3Rwot aye en Lubaŋa madit,
en kabaka madit makato lubaŋa-gu ducu.
4Nota me lobo tye i twerone;
lacol wi godi gin mere bene.
5Nam mere pien en muti yo,
lobo bene en ma ocweyo ki ciŋe.
6Wubin, waryebbe piny wawore,
warumu conwa i nyim Rwot ma oketowa.
7 #
Ibru 3.15; 4.7 #
Ibru 3.7-11
Pien en aye Lubaŋawa,
wan wa jone ma en aye ma kwayowa,
dok wan romi ma en aye gwokowa.
Ka kono tin wun wuwinyo dwane!
8 #
Nia 17.1-7; Wel 20.2-13 Pe myero wumi cwinywu obed nwaŋ macalo yam wutimo i Meriba,
macalo wutimo i kare ma wutye i Maca i tim.
9I kare meno kwarowu yam gutema,
guporo kit ma kwona tye kwede,
kadi bed guneno tic ma atiyo pigi ki waŋgi,
10Cwinya okwero lwak meno woko pi mwaka pyeraŋwen;
omiyo awacci, “Gin lwak ma guŋak woko ki i cwinygi, pe gilubo cikka.”
11 #
Wel 14.20-23; Nwo 1.34-36; 12.9-10; Ibru 4.3-5 Mumiyo akwoŋo kwoŋ ki kiniga,
ni pe myero gudony i lobo ka ma an abimiyogi iye yweyo.
Currently Selected:
Jabuli 95: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
