Jabuli 20
20
Lega pi loyo lweny
1Rwot ogam dogi i nino ma it ye ki can!
2En ocwal kony boti ki i kabedone maleŋ,
okony kori ki i Cion!
3En ogam mot ducu ma ityero bote,
dok opwo gitum awaŋani ducu ma itumo bote.
4En omiyi gin ma cwinyi mito,
dok omi yub meri ducu ocobbe kakare.
5Wek wawer wer me pak ki yomcwiny pi Locci;
wek waŋab benderawa malo i nyiŋ Lubaŋawa!
Rwot omiyi gin ducu ma-ilege pire!
6Kombeddi aŋeyo ni Rwot bikonyo kabakane ma giwiro;
bigamo doge ki i polone maleŋ, bimiye loyo lweny.
7Jo mogo ginyatte pi gadigadi lewny, ki pi aguragura;
ento wan wanyatte pi nyiŋ Rwot Lubaŋawa,
8Gibiyokke ci gipoto woko piny;
ento wan wabia malo wacuŋ atir.
9Mi loc bot kabaka, ai Rwot;
gam dogwa ka wakok boti.
Currently Selected:
Jabuli 20: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
