Jabuli 150:1-6
Jabuli 150:1-6 ACO85
Wupak Rwot. Wupak Rwot i kabedone maleŋ; wupake bene i dan polone matek! Wupake pi tic matego ma en otiyo; wupake pi ditte madwoŋ makato ducu-ni. Wupake kun wukuto tum; wupake ki nyamulere ki ŋaŋa! Wupake ki myel ki ajaa agoya-gu; wupake ki naŋa-gu ki lukemme! Wupake ki bul ma kok maloŋo; wupake bene ki atego agoya-gu ma kok maloŋo! Wek gin makwo ducu ma ywe gupak Rwot! Wupak Rwot!