Jabuli 150
150
Wupak Rwot
1Wupak Rwot.
Wupak Rwot i kabedone maleŋ;
wupake bene i dan polone matek!
2Wupake pi tic matego ma en otiyo;
wupake pi ditte madwoŋ makato ducu-ni.
3Wupake kun wukuto tum;
wupake ki nyamulere ki ŋaŋa!
4Wupake ki myel ki ajaa agoya-gu;
wupake ki naŋa-gu ki lukemme!
5Wupake ki bul ma kok maloŋo;
wupake bene ki atego agoya-gu ma kok maloŋo!
6Wek gin makwo ducu ma ywe gupak Rwot!
Wupak Rwot!
Currently Selected:
Jabuli 150: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
