Luka 1
1
Lok bot Teopilo
1Jo mapol doŋ gutemo coyo lok i kom gin ma otimme i kinwa, 2macalo jo ma guneno ki waŋgi nia i acakki, dok ma gudoko lutic me lok meno, gukwaŋo botwa. 3Pi meno, Ladit Teopilo, ka doŋ aŋiyo gin ducu nia i acakki, an bene atamo ni bedo ber ka acoyo piri, kun aryeyo kikore, 4wek iniaŋ ada me lok meno ma yam gipwonyi kwede.
5 #
1 Tek 24.10
I kare pa Kerode kabaka me Judaya, onoŋo tye ajwaka pa Lubaŋa mo ma nyiŋe Jekaria, me waŋ tic pa Abia; yam tye ki dakone ma i kin anyira pa Aron, nyiŋe Elicabet. 6Gin aryo ducu yam kitgi atir i nyim Lubaŋa, kun gilubo cik pa Rwot ducu laboŋo bal. 7Ento onoŋo gipe ki litino, pien Elicabet yam lalur, gin aryo ducu onoŋo doŋ guti woko.
8I kare ma Jekaria tye ka tiyo tic me ajwaka i nyim Lubaŋa, i kare me waŋ ticce, 9macalo kit pa ajwagi tye, kwir okwanye me donyo i ot pa Rwot ka waŋo gitye woko ka lega i cawa me waŋo odok eceta. 10Lwak dano ducu onoŋo gitye woko ka lega i cawa me waŋo odok eceta 11Lamalaika pa Rwot onen bote kun ocuŋ yo tuŋ lacuc i ŋet keno tyer me waŋo odok eceta. 12Ka Jekaria onene, ci cwinye opoto, lworo omake. 13Ento lamalaika owacce ni, “Pe ilwor, Jekaria, pien legani doŋ Lubaŋa owinyo. Dakoni Elicabet binywalli latin laco, ibicako nyiŋe Jon.
14Ibibedo ki yomcwiny, cwinyi bikwe,
jo mapol cwinygi bibedo yom pi nywalle;
15 #
Wel 6.3
pien en bibedo madit i nyim Rwot.
En pe bimato koŋo vino kadi gin ma mero dano;
en bipoŋ ki Cwiny Maleŋ,
nia i i minne.
16En bidwoko Luicrael mapol bot Rwot Lubaŋagi,
17 #
Mal 4.5, 6 en bitelo nyime i cwiny ki tek pa Elia,
pi loko cwiny wegi litino i kom litinogi;
pi dwoko dano ma pe winyo cik i ryeko pa jo ma kitgi atir,
dok me yubo pi Rwot dano ma doŋ guyubbe”
18Jekaria openyo lamalaika ni, “Abiŋeyo man niŋniŋ? Pien an doŋ ati woko, dakona bene doŋ oti.” 19#Dan 8.16; 9.21 Lamalaika ogamo doge ni, “An Gabriel, acuŋ i nyim Lubaŋa; giora ka lok kwedi, akelli kwena man maber. 20Winy ba, ibiliŋ ma pe itwero lok, nio i nino meno ma lok man bitimme iye, pien pe iye lokka, ma bicobbe ka kare oromo.”
21Lwak onoŋo gubedo ka kuro Jekaria, guuro rune twatwal i ot pa Lubaŋa. 22Ka Jekaria okatti woko, onoŋo pe twero lok kwedgi, omiyo guniaŋ ni oneno ginanyuta i ot pa Lubaŋa macalo lek. En obedo ka gwelogi kun pe twero lok. 23Ka kare me ticce otum, ci odok i pacone.
24Ka kare okato manok, dakone Elicabet ogamo ic. Okanne kwede pi dwe abic, kun waco ni, 25“Rwot otimo kit meno i koma, i kare ma onena iye, me kwanyo lewic woko ki i koma i kin dano.”
Gitito pi nywalo Yecu
26I dwe me abicel Lubaŋa ooro lamalaika Gabriel i gaŋ mo i Galilaya, ma nyiŋe Najaret, 27#Mat 1.18 bot nyako ma peya oŋeyo laco, ma laco ma nyiŋe Yucepu otoŋo keny i kome; nyako meno nyiŋe Maliam. 28Lamalaika obino bote, omote ni, “Itye ba, in ma gimiyi gum! Rwot tye kwedi! 29Ento Maliam cwinye opoto pi lok man, obedo ka tamo te lok me mot man. 30Lamalaika owacce ni, ‘Pe ilwor, Maliam pien ilimo pwoc ki bot Lubaŋa. 31#Mat 1.21 Nen, ibiyac, ibinywalo latin laco, ibicako nyiŋe Yecu.
32 #
2 Cam 7.12, 13, 16; Ic 9.7 En bibedo dit, gibilwoŋe ni, Wod pa En Mamalo Twal;
Rwot Lubaŋa bimiye komker pa kwarone Daudi.
33En biloyo jo me ot pa Yakobo matwal;
kerre pe bigik.’ ”
34Maliam openyo lamalaika ni, “Lok man bibedo niŋniŋ, ma kun an pe aŋene ki laco?” 35Lamalaika odokke iye ni,
“Cwiny Maleŋ bibino i komi,
tek pa En Mamalo Twal biumi macalo tipo;
pi meno latin ma gibinywalo-ni gibilwoŋe Maleŋ,
Wod pa Lubaŋa.
36Nen, watti Elicabet doŋ oyac i tiyone, binywalo latin laco; en ma yam gilwoŋo ni lalur kombeddi doŋ tye ki ic me dwe abicel. 37#Acak 18.14 Pien pe tye gin mo ma loyo Lubaŋa.” 38Maliam owaco ni, “Nen, an aŋeca pa Rwot; wek obed bota kit macalo iwaco.” Lacen lamalaika oa woko ki bote.
Maliam olimo Elicabet
39I kare meno Maliam oa, ocito oyotoyot i lobo ma obedo gotgot i gaŋ mo me Juda. 40ci odonyo i ot pa Jekaria, omoto Elicabet. 41Ka Elicabet owinyo mot pa Maliam, ci latin otiŋŋe ki i iye. Elicabet opoŋ ki Cwiny Maleŋ, 42odaŋŋe ki dwan maloŋo ni, “Itye ki gum i kin mon, latin ma i ii bene tye ki gum! 43Lok man kono oa ki kwene, lutuwa, min Rwoda me bino bota? 44Pien nen, ka awinyo dwan me motti, latin ma i iya otiŋŋe ki yomcwiny. 45Itye ki gum, in ŋat ma oye, pien lok ma Rwot otito boti bicobbe kakare.”
Wer me pak pa Maliam
46 #
1 Cam 2.1-10
Maliam owaco ni,
“Kwona pako Rwot,
47cwinya yom i kom Lubaŋa Lalarra,
48pien oneno can pa aŋecane.
Nen, nia tin yalwak me kare ducu gibilwoŋa ni lagumkom;
49pien Won Twer Ducu otima gin madit,
nyiŋe bene leŋ.
50Kicane tye bot yalwak me kare ducu,
i kom jo ducu ma gilwore.
51Otiyo tic matek ki bade,
olalo luwakke i tam me cwinygi.
52Oreto luker ki i wi komkergi
omiyo dito bot lucan.
53Jo ma kec nekogi omiyo giyeŋ ki gin maber,
oryemo lulonyo gudok cen nono.
54Okonyo laticce Icrael,
opo pi timo kica,
55 #
Acak 17.7
macalo oloko bot kwariwa,
bot Abraim ki bot likwaye matwal.”
56Maliam ori bot Elicabet dwe adek,
ka lacen odok i pacone.
Kit ma ginywalo kwede Jon Labatija
57Ka kare me nywal pa Elicabet doŋ oromo, ci onywalo latin laco. 58Ka luwote ki wadine guwinyo ni Rwot onyuto kicane madwoŋ i kome kuman, cwinygi obedo yom kacel kwede. 59#Levi 12.3 I nino me aborone gubino ka liro latin. Gumito cako nyiŋe ki nyiŋ wonne Jekaria, 60ento minne ogamo ni, “Pe kit meno, gibilwoŋe ni Jon.” 61Gudokke iye ni, “Pe tye ŋat mo ma nyiŋe calo meno i kin wadiwu ducu do.” 62Gugwelo wonne ni en mito cako nyiŋe aŋa? 63En openyo pi got coc, ci ocoyo ni, “Nyiŋe Jon.” Gin ducu guuro. 64Cutcut dog Jekaria oyabbe, te lebe ogonnye, ci oloko kun pako Lubaŋa. 65Lworo omako dano ducu ma bedo cok i ŋetgi; lok meno ducu oywek i lobo Judaya ducu ma obedo gotgot. 66Dano ducu ma guwinyo gumako i cwinygi, kun giwaco ni, “Latin man kite bibedo niŋniŋ?” Pien ciŋ Rwot tye kwede.
Lok ma Jekaria otito
67Wonne Jekaria opoŋ ki Cwiny Maleŋ, oloko macalo lanebi ni,
68“Gipwo Rwot Lubaŋa pa Icrael,
pien doŋ olimo jone, okokogi.
69Otiŋo piwa lalar matek
i ot pa laticce Daudi,
70macalo yam oloko i dog lunebine maleŋ
ma gubedo nia con ki con,
71me larowa ki bot lukworwa,
ki i ciŋ jo ducu ma kwerowa;
72pi timo kica bot kwariwa
kun opo pi gicikkene maleŋ
73ki kwoŋ ma okwoŋo bot kwarowa Abraim,,
74ni ebimiyowa
watiyo bote laboŋo lworo,
kun olarowa ki i ciŋ lukworwa,
75kun waleŋ, dok kitwa atir i nyime
pi nino me kwowa ducu.
76 #
Mal 3.1
In bene latin, gibilwoŋi lanebi pa En Mamalo Twal
pien ibitelo nyim Rwot pi yubo yone,
77kun imiyo ŋec me lar bot rokke
ma bino pi weko balgi,
78pi kica madwoŋ pa Lubaŋawa
ma oweko piny oru piwa ki malo,
79 #
Ic 9.2
me menyo jo ma bedo i piny macol ki i tipo me to,
ki me tiro tyenwa i yo me kuc.”
80Latin odoŋo, tek omedde i cwinye, obedo i tim nio i nino ma ginyute iye bot jo Icrael.
Currently Selected:
Luka 1: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
