1 Petero 2
2
1Pi meno, doŋ wubwot raccwiny ducu, ki kit me goba ducu, ki kit me adwala, nyeko ki kit yet ducu. 2Wumit cak magili me cwiny, calo litino lukere ma pud ginywalogi nyen, wek omi wudoŋ nio i larre; 3#Jab 34.8 pien doŋ wutyeko bilo ber pa Rwot.
4Wubin bote, en got makwo ma yam dano gukwero, ento ki bot Lubaŋa obedo got me wel ma en oyero. 5Wubin calo godi makwo, wek giged kwedwu ci wudok ot pa Lubaŋa me cwiny, wek wubed ajwagi maleŋ, ka wutyer gitum me cwiny ma Lubaŋa pwoyo, pi Yecu Kricito; 6#Ic 28.16 pien yam gicoyo ni,
“Nen, doŋ aketo got me wel i Cion,
ma ayero me got me twok ot,
ŋat muye en, lewic pe bimako.”
7 #
Jab 118.22
Pi meno, ki tuŋ botwu wun jo muye en, Kricito obedo me wel; ento ki bot jo ma pe guye en, tye macalo yam gicoyo ni,
“Got ma lugedo gukwero,
en aye odoko got madit me twok ot.”
8 #
Ic 8.14, 15 Odoko bene,
“Got ma miyo dano yokke ka giwoto,
ariya ma miyo dano poto.”
Giyokke pien gukwero winyo lok pa Lubaŋa, macalo onoŋo yam giyubo pigi wa con.
9 #
Nia 19.5, 6; Ic 43.20, 21;
Nia 19.5; Nwo 4.20; 7.6; 14.2; Tito 2.14;
Ic 43.21;
Ic 9.2
Ento wun wubedo rok ma giyero, ajwagi pa kabaka, rok maleŋ, jo pa Lubaŋa kikome, wek wutit pi tic me deyo pa ŋat ma olwoŋowu nia ki i piny macol wek wudony i leŋone me aura. 10#Koc 2.23 Yam onoŋo pe wubedo dano pa Lubaŋa, ento kombeddi doŋ wudoko jone; yam pe gitimo botwu kica, ento kombeddi doŋ gitimo kica botwu.
Kwowu obed calo kwo pa opii pa Lubaŋa
11Wun ma amaro, abako doga botwu macalo wun wel, pe wun jo me lobo man, wukwer miti me kom woko ma lwenyo ki tipowu. 12Wubed ki kit maber i kin jo ma pe giŋeyo Lubaŋa, wek ka ce giyetowu ni wun lutim gin marac, gunen tic maber ma wutiyo, wek bene gumi deyo bot Lubaŋa i nino ma en bibino ka ŋolo kop iye.
13Pi Rwotwa, myero wumine me bedo i te loc me twero ducu ma tye i kin dano, bot laloc madit, pien en aye ma loyo jo ducu, 14ki bot luloc ma en ocwalogi pi keto can i kom jo ma timo gin maraco, ki pi pwoyo jo ma timo gin ma atir. 15Pien Lubaŋa mito ni wuti gin ma atir, wek wumi jo mamiŋ ma gikwiya piny guliŋ woko. 16Wubed calo jo ma lone kengi, ento pe wuti ki locken meno pi timo gin marac; wubed giwu macalo opii pa Lubaŋa. 17Wuwor dano ducu. Wumar omegiwu. Wulwor Lubaŋa. Wuwor laloc madit.
Lanen me can pa Kricito
18Wun opii, wumine kenwu i te loc pa Luditowu ki kit woro ducu, pe bot jo ma lukica ki jo mamwol keken, ento bot jo mager bene. 19Man aye gin ma gipwoyo, ka ce dano ciro arem ma noŋo cwinye tye i kom Lubaŋa, ka giune ma noŋo pe obalo. 20Gipwoyowu ki ŋo, ka wudiyo cwinwyu ma noŋo gipwodowu pi bal? Ento ka ce wudiyo cwinywu ma noŋo wutye ka neno can pi timo gin maber, meno aye Lubaŋa pwoyo. 21Pien gilwoŋowu pi gin meno; pien Kricito bene yam oneno can piwu, oweko botwu lanen maber me aluba, wek wulub kore. 22#Ic 53.9 Bal mo pe ma en otimo, doge bene pe oloko lok goba. 23#Ic 53.7 I kare ma dano guyete, en pe oyetogi. I kare ma en oneno can, pe oburo dano; ento omine kene bot ŋat ma ŋolo kop atir. 24#Ic 53.5, 6 Ento en otiŋo balwa i kome kene i kom yatariya, wek wan wato i bal, ka doŋ wabed kwo i kit ma atir. Pi pwod ma gipwode kwede omiyo wucaŋ. 25Pien yam onoŋo wuŋak wurwenyo woko calo romi, ento kombeddi doŋ wudwogo bot Lakwat ki Lagwok tipowu.
Currently Selected:
1 Petero 2: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
