Miqueas 7
7
Israelpa huchanmanta
1¡Ay, imallapiraq rikukuni!
Cosecharuptinku pallapakuq hinam rikuriruni,
uvasta pallaparuptinku,
mikuykuyta munaspa chulla rurullatapas
mana tariq hinam rikuriruni.
2Llakipayakuq runakunam kay pachapi tukurun,
allin ruwaq runakunam chinkarun.
Llapallankum wañuchinakuyta maskanku,
runamasinta wichichinanpaqmi toqllata churanku.
3Mana allin ruwaymanmi amañarunku,
kamachikuqkunapas #7.3 Sayniyutam castellanopi soborno ninku.sayniyutam mañakunku
juezkunapas sayniyutam chaskikunku,
qollqesapa runa munasqanta rimariptinmi
paykunañataq “allinmi” nispa sayapakunku.
4Paykunamanta allinpaq hapisqa runakunaqa kichka hina,
allin kawsaqñataqmi anku kichka hina.
Ñakarinayki punchawmi hamuchkan,
castigasqa kanaykimanta profetakunapa rimarisqan punchawmi chayamuchkan,
hinaptinmi muspaypi hina tarikunki.
5Reqsinakusqaykipa nisqantapas ama creeychu,
kamachikuqpipas ama hapipakuychu,
puñuqmasikimantapas cuidakuy,
simikitapas wichqakuy.
6 #
Mt 10.35-36; Lc 12.53. Qari churinmi taytanta penqayman churan,
warmi wawanñataqmi mamanpa contranpi sayarin,
llumchuymi suegranpa contranpi hatarin,
runapa enemigonkunaqa hina wasinpi kaqkunallam.
7Ñoqam ichaqa Tayta Diosllapi hapipakullasaq,
Salvaykuqniy Diosllapim hapipakullasaq;
Diosnillayqa uyariykuwanqam.
Israel librasqa kananmanta
8Cheqniwaqniy nación,
tuñisqata qawawaspaykiqa amayá kusipayawaychu,
wichiruspaypas ñoqaqa sayarisaqmi,
tutayayña pampaykuwaptinpas
Tayta Diosmi kanchariwaqniyqa.
9Tayta Diospa contranpi huchallikurusqayraykum
piñakuynintapas aguantasaq,
chaykamam imam ruwasqaymanta juzgawaspan
allin arreglota ruwawanqa.
Payqa achkiymanmi hurqowanqa,
allin ruwaynintam qawaykachiwanqa.
10Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa.
Ñoqañataqmi ñanpi mituta hina sarusqata qawaspay kusikusaq.
11Jerusalén llaqta, hamuchkanmi punchaw
harkasuqniki perqaykikuna hatarichisqa kananpaq,
chay punchawmi linderoykikunapas mirachisqa kanqa.
12Chay punchawmi kallpasapa atiyniyuq nacionkuna hamusunki:
Asiriamanta qallaykuspa Egiptokama,
Nilo mayumanta Eufrates mayukama,
lamar qochapa patankunamanta,
chaynallataq orqokunamantapas.
13Runakunapa huchanmantam
kay pachaqa pasaypaqta chunninqa,
runakunapa mana allin ruwasqanmantam
kay pachaqa pasaypaqta purmanqa.
Tayta Diospa llakipayakuyninmanta
14Dios Taytalláy, sumaq pastokunapa kananpiyá
llaqtaykita ovejakunata hina michikuy,
orqokunapi montekunapi sapallan puriq ovejaykikunata,
ñawpaq tiempokunapi hinayá
Basán lawpi chaynataq Galaad lawpi
paykunata michikuy.
15Egiptomanta hurqomusqaykipi hina
admirakuypaq atiynikita qawarichiy.
16Atiynikita qawaykuspankum
nacionkunapas atiyninkumanta penqakunqaku,
manam rimaytapas nitaq uyariytapas atinqakuchu.
17Maqta uru hinam,
qasqonpa puriq animalkuna hinam,
paykunaqa allpata llaqwanqaku,
pakakusqankumanta mancharisqallaña lloqsispam
Tayta Diosman kutirikunqaku,
hinaspam payta kasukunqaku.
Llaqtanta Tayta Dios pampachasqanmanta
18Dios Taytalláy, qam hinaqa manam pipas kanchu,
llaqtaykimanta puchuqkunapa
hucha ruwasqankuta pampachaykuspam qonqarunki,
wiñaypaq mana piñakuruspaykim kuyapayaykuwankiku.
19Huktawanyá llakipayariykullawayku,
hinaspayá huchallaykutapas pamparuy,
lamar qocha ukunmanñayá wischuykuy.
20Amayá qonqaruychu Jacobman prometesqaykitapas,
nitaq Abrahampaq kuyapayakuynikitapas,
chaynatam taytaykuman ñawpaqmantaraq jurarqanki.
Currently Selected:
Miqueas 7: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
