Malaquías 2
2
Sacerdotekuna castigasqa kananmanta
1Chaynaqa, Sacerdotekuna, kay kamachikuymi qamkunapaq: 2Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.
3Ñoqaqa atiynikichikta qechuruspaymi, sacrificanaykichikpaq apamusqaykichik animalpa akanwan uyaykichikman laqaykusqaykichik. Hinaptinmi chay akawan kuska wischusqa kankichik. 4#Nm 3.11-13.Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.
5 #
Nm 25.12. Leví aylluwanqa pactota ruwarqani hawka kanankupaqwan allin kawsakunankupaqmi. Pactotaqa ruwarqani kasuwaspa hatunchawananpaqmi, chaymi payqa manchakuwaspa hatunchawarqa. 6Paykunaqa cheqap kaqtam yachachirqaku, siminkupiqa manam llullakuypas karqachu. Allinta ñoqawan kawsakuspankum achkaqta huchamantapas karuncharqaku. 7Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.
8Sacerdotekuna, qamkunam ichaqa allin ñanmanta karunchakurunkichik, mana allinkunata yachachispam llapa runata pantarachinkichik. Chaynapim Leviywan pacto ruwasqayta yanqacharunkichik. 9Chaynaqa, mana kasuwaspaykichik munasqaykichikman hina kawsaspa, runakunamanpas hukta-hukta yachachisqaykichikraykum, ñoqapas llapa runakunapa millakusqanta hinaspa usuchisqanta ruwasqaykichik.
Tukuy Atiyniyuq Tayta Diosmi chaynata nin.
Diosmanta Judá karunchakurusqanmanta
10¿Manachum huk taytayuqlla kanchik? ¿Manachum ñoqanchiktaqa huk Dioslla unanchawarqanchik? Hinaptinqa ¿imaynanpimá ñawpaq taytanchikkunawan Diosninchikpa pacto ruwasqanta qepanchakuruspa kikinchikpuraqa traicionanakunchik? 11Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku. 12Chayna ruwaq runataqa Tayta Diosmi Jacobpa ayllunmanta qarqorunqa. Pi runaña kaptinpas, Tukuy Atiyniyuq Tayta Diosmanña ofrendakunata apamuptinpas payqa qarqorunqam.
13Chaywanpas qamkunaqa chayna runamantapas mastaraqmi ruwankichik: Qamkunaqa Diospa altarnintapas weqekichikwan nuyuchispam qaparisparaq waqankichik. Chaynataqa ruwankichik ofrenda apamusqaykichikta Tukuy Atiyniyuq Tayta Dios manaña chaskisuptikichikmi. 14Hinaspam tapukunkichikraq:
¿Imanasqataq kaykunaqa pasawachkanchik? nispaykichikraq.
Diosmi testigo joven kachkaspallaraq akllakusqayki warmita, wañunayki punchawkama kuyanaykipaq casarachkaspa traicionasqaykimanta. Paytam vida pasaqmasiki kachkaptin traicionarunki. 15¿Manachum runataqa Dios unancharqa huk cuerpoyuqlla hinaspa huk espirituyuqlla kananpaq? ¿Imapaqtaq Diosqa chaynata unancharqa? Chaynataqa unancharqa runakunapa miraynin Diosllapaqña kananpaqmi. Chaynaqa, Diospa qosusqaykichikta waqaychaspayá, jovenllaraq kachkaspa akllakusqaykichik warmikichiktaqa ama traicionaychikchu. 16Israelpa yupaychasqan Tukuy Atiyniyuq Tayta Diosmi kaynata nin:
Ñoqaqa cheqninim rakinakuytaqa, cheqninim millakuypaq huchata ruwaspa warminta ñakarichiq runatapas. Chaynaqa, cuerpoykichikta waqaychaspayá jovenllaraq kachkaspa akllakusqaykichik warmikichiktaqa ama traicionaychikchu, nispa.
Juicio punchawmanta
17Tayta Diosqa amirunñam mañakusqaykichiktapas. Ichaqa qamkunam tapukunkichikraq:
¿Imatañataq nirunchik amiruwananchikpaqqa? nisparaq.
Qamkunaqa amirachikunkichik: “Mana allin ruwaq runakunatapas Diosqa chaskinmi, Diosqa paykunawanmi kusikun, mana chayqa manach allin ruwaq Dioschu kanman” nisqaykichikwanmi.
Currently Selected:
Malaquías 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
