Josué 19
19
Simeón ayllupa allpanmanta
1Iskay kaq sorteasqankum haykam kasqankuman hina Simeón aylluman tuparurqa. Chay chaskisqanku allpaqa karqa Judá ayllupa tupaqnin allpa ukupim. 2Paykunapa herencia chaskisqankum karqa: Beerseba, Seba, Molada, 3Hazar-sual, Bala, Ezem, 4Eltolad, Betul, Horma, 5Siclag, Bet-marcabot, Hazar-susa, 6Bet-lebaot hinaspa Saruhén. Llapallanmi karqa chunka kimsayuq llaqtakuna sapakama taksa llaqtankunapiwan. 7Aín, Rimón, Eter hinaspa Asán. Tawa llaqtakuna sapakama taksa llaqtankunapiwan. 8#1 Cr 4.28-33.Simeón aylluqa chaskirqataqmi chay llaqtakunapa muyuriqninpi taksa llaqtakunatapas Baalat-beer llaqtakama. Chay llaqtapa huknin sutinmi karqa Ramat, chaymi tarikurqa Neguev law chunniqpi. 9Simeón ayllumanmi allpanta qorqaku Judá ayllupa allpan ukupi. Chaynataqa ruwarqaku Judá ayllupa allpan hatun kasqanraykum. Chaynapim Simeón aylluqa Judá ayllupa allpan ukupi tupaqnin allpata chaskirqa.
Zabulón ayllupa allpanmanta
10Kimsa kaq sorteasqankum, haykam kasqankuman hina, Zabulón aylluman tuparurqa. Chaskisqanku allpam chayarqa Sarid llaqtakama. 11Intipa seqaykunan lawmanmi Marala llaqtanta Dabeset llaqtaman rispa Jocneam llaqtapa chimpan wayqokama chayarqa. 12Sarid llaqtamantam intipa qespimunan lawman muyuspan Quislot-tabor llaqtapa patantakama Daberat llaqtanta rispan Jafía llaqtakama qespirqa. 13Chaymantam intipa qespimunan lawman rispan Gat-heferninta chaynataq Ita-cazín llaqtanta Rimón llaqtaman lloqsirqa, hinaspam Nea llaqtanta muyumurqa. 14Norte lawmanñataqmi muyumurqa Hanatón llaqtanta Jefte-el qechwakama. 15Paykunapa allpanpim karqa kay llaqtakuna: Catat, Naalal, Simrón, Idala hinaspa Belén. Llapallanmi karqa chunka iskayniyuq llaqtakuna sapakama taksa llaqtankunapiwan. 16Kaykunam Zabulón ayllupa allpanku karqa, llaqtakunapas sapakama taksa llaqtankunapiwan, haykam kasqankuman hina.
Isacar ayllupa allpanmanta
17Tawa kaq sorteasqankum, haykam kasqankuman hina, Isacar aylluman tuparurqa. 18Paykunapa allpankupim kay llaqtakuna tarikurqa: Jezreel, Quesulot, Sunem, 19Hafaraim, Sihón, Anaharat, 20Rabit, Quisión, Abez, 21Remet, En-ganim, En-hada hinaspa Bet-pases. 22Allpankum chayarqa Tabor orqowan, Sahazima llaqtawan hinaspa Bet-semes llaqtawan tupanakuqkama, hinaspam Jordán mayupi tukurqa. Llapallanmi karqa chunka soqtayuq llaqtakuna sapakama taksa llaqtankunapiwan. 23Kaykunam Isacar ayllupa allpanku karqa, llaqtakunapas sapakama taksa llaqtankunapiwan, haykam kasqankuman hina.
Aser ayllupa allpanmanta
24Pichqa kaq sorteasqankum, haykam kasqankuman hina, Aser aylluman tuparurqa. 25Paykunapa allpankupim kay llaqtakuna tarikurqa: Helcat, Halí, Betén, Acsaf, 26Alamelec, Amad hinaspa Miseal. Intipa seqaykunan lawmanmi chayarqa Carmelo orqokama hinaspa Sihor-libnat lawkama. 27Chaymantam intipa qespimunan lawman Bet-dagón llaqtaman muyumuspa norte lawninta Zabulón ayllupa allpantakama Jefte-el wayqonta Bet-emec llaqtakama hinaspa Neiel llaqtakama chayarqa, chaymantam Cabul llaqtaman lloqsirqa. 28Paykunapa allpankupim kay llaqtakuna tarikurqa: Abdón (Hebrón), Rehob, Hamón hinaspa Caná, Sidón hatun llaqtawan tupanakuqkama. 29Chaymantam Ramá llaqtanta murallasqa Tiro llaqtakama muyumurqa, hinaspam Hosa llaqtanta muyumuspa Aczib llaqtanta Mar Mediterraneoman lloqsirqa. 30Allpankupitaqmi kay llaqtakunapas tarikurqa: Uma, Afec hinaspa Rehob. Llapallanmi karqa iskay chunka iskayniyuq llaqtakuna sapakama taksa llaqtankunapiwan. 31Kaykunam Aser ayllupa allpanku karqa, llaqtakunapas sapakama taksa llaqtankunapiwan, haykam kasqankuman hina.
Neftalí ayllupa allpanmanta
32Soqta kaq sorteasqankum, haykam kasqankuman hina Neftalí aylluman tuparurqa. 33Allpankum karqa, Helef, Alón-saananim, Adami-neceb, Jabneel llaqtakunamanta qallarispa Lacum llaqtakama hinaspam Jordán mayuman lloqsirqa. 34Chaymantam intipa seqaykunan lawman muyumuspa Aznot-tabor lawninta, Hucoc llaqtanta rispan sur lawninta Zabulón ayllupa allpanwan tupanakuqkama. Intipa seqaykunan lawmanñataqmi Aser ayllupa allpanwan tupanakurqa, intipa qespimunan lawmanñataqmi Jordán mayukama chayarqa. 35Murallasqa llaqtakunam karqa: Sidim, Zer, Hamat, Racat, Cineret, 36Adama, Ramá, Hazor, 37Cedes, Edrei, En-hazor, 38Irón, Migdal-el, Horem, Bet-anat hinaspa Bet-semes. Llapallanmi karqa chunka isqonniyuq llaqtakuna sapakama taksa llaqtankunapiwan. 39Kaykunam Neftalí ayllupa allpanku karqa, llaqtakunapas sapakama taksa llaqtankunapiwan, haykam kasqankuman hina.
Dan ayllupa allpanmanta
40Qanchis kaq sorteasqankum, haykam kasqankuman hina, Dan aylluman tuparurqa. 41Paykunapa allpankupim kay llaqtakuna tarikurqa: Zora, Estaol, Ir-semes. 42Saalabín, Ajalón, Jetla, 43Elón, Timnat, Ecrón, 44Elteque, Gibetón, Baalat, 45Jehud, Bene-berac, Gat-rimón, 46Mejarcón hinaspa Racón. Paykunapataqmi karqa Jope llaqtapa hichpanpi kaq allpakunapas. 47#Jue 18.27-29.Ichaqa Dan aylluman allpa mana haypasqanraykum, Lesem llaqtata atacamunankupaq rirqaku, runankunata espadawan wañurachispankum paykunaña chaypi yachakurqaku, hinaspam taytanku Danpa sutinwan suticharqaku. 48Kaykunam Dan ayllupa allpanku karqa, llaqtakunapas sapakama taksa llaqtankunapiwan, haykam kasqankuman hina.
Josueypa allpanmanta
49Allpa rakinakuyta tukuruspankum Israelpa mirayninkunaqa, kikinkupa allpanku ukupi, Nunpa churin Josueyman allpata qorqaku. 50Tayta Diospa kamachisqanman hinam, Efraín ayllupa yachasqan orqokunapi Timnat-sera llaqtata qorqaku, Josueypa mañakusqanman hina. Chaymi Josueyqa chay llaqtata musoqmanta hatarichispan chaypi yacharqa.
51Kay allpakunatam sacerdote Eleazar, Nunpa churin Josué chaynataq llapa kamachikuqkuna sorteaspanku Israelpa mirayninkunaman qorqaku. Sortearqakuqa Silo llaqtapim Tayta Diosman asuykuna carpapa punkunpi. Chaynatam allpa rakinakuyta tukururqaku.
Currently Selected:
Josué 19: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
