Hageo 2
2
Zorobabelta Tayta Dios kallpanchasqanmanta
1Chay watapa qanchis kaq killanpa iskay chunka hukniyuq punchawninpim, profeta Hageota Tayta Dios kaytaqa nirqa: 2Judapi kamachikuq Salatielpa churin Zorobabeltawan Josadacpa churin sumo sacerdote Josueyta, chaynallataq puchuq runakunatapas kaynata nimuy: 3#Esd 3.12.¿Yaqaraqchum qamkunamanta pillapas kachkanraq ñawpaq tiempopi kay templopa sumaq kayninta rikuq? ¿Imaynatataq kay templota kunan qawachkankichik? ¿Manachum kay qawasqaykichik temploqa ñawpaq templomanqa mana imallanpipas rikchakunchu?
4Chaynaqa, Tayta Diosmi nin: “Zorobabel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.
5 #
Ex 33.14. Imaynam Egiptomanta lloqsimuptikichik qamkunawan pactota ruwasqayman hinam, Espirituy qamkunata yanapasunkichik, chaynaqa ama manchakuychikchu. 6#Heb 12.26.Tukuy imapa hawanpi munaychakuq Tayta Diosmi kaynata nin: Manapas unaymantam, cielokunatawan kay pachata, lamar qochatawan chaki allpata kuyurichisaq.
7Llapa nacionkunatam katkatatachisaq; llapa nacionkunam hamunqaku qori-qollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.
8Tukuy Atiyniyuq Tayta Diosmi nin: Qoripas qollqepas ñoqallapam, nispa.
9Kay templopa sumaq kayninqa, punta kaq templopa sumaq kayninmantapas aswan hatunmi kanqa. Hinaptinmi hawkayayta kay allpapi qosqaykichik. Tukuy Atiyniyuq Tayta Diosmi chaynata nin.
Mana kasukuqkuna qaqchasqa kasqankumanta
10Rey Darío iskay wataña munaychakuchkaptinmi, isqon kaq killapa iskay chunka tawayuq punchawninpi, profeta Hageota, 11Tayta Dios rimapayaspan nirqa: Kamachikuyniykunamanta llapa sacerdotekunata kaynata tapumuy:
12Sichum Diospaq sapaqchasqa aychata pipas millqayninpi apachkaptin, chay runapa pachan tuparunman tantaman, mikuyman, vinoman, aceiteman otaq ima mikuymanpas hinaptinqa ¿yaqachu chay mikuy Diospaq sapaqchasqaña rikurinman? nispa.
Sacerdotekunañataqmi nirqaku:
Manam, nispanku.
13 #
Nm 19.11-22. Chaymi huktawan Hageo tapurqa:
Sichum hukkaqnin wañusqapa cuerponta llapcharuspa millakuypaqña kachkaspan, ima mikuytapas tupaykunman hinaptin ¿tupaykusqanraykuchu chay mikuy millakuypaqña rikurirun? nispa.
Sacerdotekunañataqmi nirqaku:
Arí, millakuypaqñam rikurirun, nispanku.
14Hinaptinmi Hageo nirqa:
Tayta Diosmi qamkunamanta kaynata nin: Chaynam kay runakunapa imaña ruwasqankupas chaynataq ofrecewasqankupas millakuypaqña. 15Chaynaqa, temploypa perqankuna churayta manaraq qallaykuchkaspaykichikyá tukuy sonqoykichikmanta sumaqta yuyaymanaychik. 16Manaraq kaykuna pasakuchkaptinqa, pipas iskay chunka costalta cosechasqanman rispam chunkallataña tarirqa; chaynallataqmi pichqa chunka puyñu vinota hurqonanpaq hamuqpas, iskay chunka puyñullataña hurqorqa. 17Llamkasqaykichiktapas rupachkaq wayrawan, qasawan, runtu parawanmi tukuchirqani, ichaqa manam ñoqaman kutirikamuwarqankichikchu. Tayta Diosmi chaynata nin. 18Kunanmantayá, kay isqon kaq killapa iskay chunka tawayuq punchawninpi temploypa cimientonkuna churay qallarisqaykichikmanta qepamanyá, sonqoykichikpi sumaqta yuyaymanaychik. 19¿Manaraqchu taqekunapi muhu tarikun? Uvas planta, higos sacha, olivos sacha, granadilla sacha mana sisaptinpas, kunanmantaqa ñoqam bendecisqaykichik, nispa.
Zorobabelman Tayta Diospa prometesqanmanta
20Hina chay punchawllapim profeta Hageota Tayta Dios rimapayaspan kamachirqa kaynata:
21Judapi kamachikuq Zorobabelta kaynata nimuy: Cielokunatawan kay pachatam katkatatachisaq; 22nacionkunapa atiynintam tuñichisaq, munaychakuqkunatam puchukachisaq; guerrapaq carretakunatawan manejaqninkunatam wichichisaq, caballokunapas sillakuqninpiwanmi wañunqaku, kikinkupurallam espadankuwan wañuchinakunqaku. 23Tukuy Atiyniyuq Tayta Diosmi kaynata nin: Salatielpa churin serviqniy Zorobabel, chay punchawpim qamta akllasqayrayku sellona anillota hina ruwasqayki. Tukuy Atiyniyuq Tayta Diosmi chaynata nin.
Currently Selected:
Hageo 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
