Matalikilo 5
5
Balunyungu lwakwe Adamu kushika kuli Nowa
(1 Maka 1:1-4)
1Ulu ndolunyungu lwakwe Adamu. Lesa ndyaakalenga Adamu, wakamulenga mucikoshanyo cakwe. 2Wakabalenga musankwa amwanakashi, wabapa coolwe alimwi akubatumba ayi, “Bantu.”#Mata 1:27-28#Mate 19:4; Maako 10:6 3Adamu ndyaakaba amyaaka ili 130, wakashala mwaana musankwa uyo wakalingabo mbuli nguwe. Wakamupa liina lya Seti. 4Kuswawaawo Adamu wakekala myaaka imwi ili 800. Adamu wakashala baana abamwi. 5Mpeeke wakafwa kaacite myaaka ili 930.
6Seti ndyaakaba amyaaka ili 105, wakashala mwaana musankwa Enoshi. 7Seti wakekala myaaka aimwi ili 807. Wakashala baana abamwi, 8alimwi wakafwa kaacite myaaka ili 912.
9Enoshi ndyaakaba amyaaka ili 90, wakashala mwaana musankwa Kenani, 10Lyalo wakekala myaaka aimwi ili 815. Wakashala baana abamwi, 11mpeeke wakafwa kaacite myaaka ili 905.
12Kenani ndyaakaba amyaaka ili 70 wakashala mwaana musankwa Maalalelo. 13Kuswaawo wakekala amyaaka aimwi ili 840. Wakashala baana abamwi basankwa abanakashi 14akufwa kaacite myaaka ili 910.
15Maalalelo ndyaakaba amyaaka ili 65, wakashala mwaana musankwa Jaledi. 16Lyalo wakekala myaaka aimwi ili 830. Wakashala baana abamwi 17akufwa kaacite myaaka ili 895. 18Jaledi ndyaakaba amyaaka 162, wakashala mwaana musankwa Enoki. 19Mpeeke wakekala myaaka aimwi ili 800. Wakashala baana abamwi 20akufwa kaacite myaaka ili 962.
21Enoki ndyaakaba amyaaka ili 65, wakashala mwaana musankwa, Metusela. 22Kuswawaawo wakekala myaaka ili 300 kaaenda mubushicibusa aLesa, alimwi wakashala baana abamwi. 23Pantu pomwi, Enoki wakekala myaaka ili 365. 24Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.#Ebulu 11:5; Judi 14
25Metusela ndyaakaba amyaaka ili 187, wakashala mwaana musankwa wiitwa ayi Lameki. 26Wakekala myaaka aimwi ili 782, wakashala baana abamwi basankwa abanakashi 27akufwa kaacite myaaka ili 969.
28Lameki ndyaakaba amyaaka ili 182, wakashala mwaana musankwa. 29Mwaana uyo wakamupa liina lya Nowa akwaamba ayi, “Kuswa kubulongo Lesa mbwaakashinganya uyu mwaana ulaakutufuna mukuyuwaana kwesu.” 30Kuswawaawo Lameki wakekala myaaka ili 595, wakashala abamwi baana 31akufwa kaacite myaaka ili 777.
32Nowa ndyaakaba amyaaka ili 500 aimwi peculu, wakashala baana basankwa botatwe Shemu, Amu alimwi aJafeti.
Currently Selected:
Matalikilo 5: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.