Tit Me key ka ’ar ɗaf ma guma
Me key ka ’ar ɗaf ma guma
Tit na mandala ma mber ma Pol ma halam tsetsuwe na. Ka kawa mber ba gədaŋ aha da har ma tek ger ana hay Pol ma səradərawa da kominite ma Koreŋt ana. A kadəmara ɗeriwel ana a Tit ana na, ŋga da dala ma ɗawala ha ta yam ana da Kret. Da huɗa na, a dzənata kominite ma kretiyeŋ hay, ma ləmada mendzey ta.
Ndaw ma winda ɗeriwel ana a madara a Tit na, ndaraw ana ma nafatar a ndaw me kəley ka mey da Egliz ana hay (1.5-16). A tsar guma a ’ar ka me zəgey har a vaw ta ndaw hay gəle gəle da kominite ana hay: maraw hay, ŋgwas bəza na hay, gawla hay, beke hay (2.1-15). Yezu Kriste na ka vəlada mendzey ŋga ba, ma ka da ləhadatərawa ndaw hay tabiya ha da tek haya kakay ana (2.14) Mendzey wayna ma kretiyeŋ, ma zəga har ahiya na kava.
Da har ana ma windadəmatara ɗeriwel ana a Timote ta Tit ana na, kretiyeŋ hay ma səradama azlakwa Yezu ana na a da mawa ha bəse kakay. A dafa na ka tatəkadama na mendzey da har mendzey haɗadzay ana.
Currently Selected:
Tit Me key ka ’ar ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun