2 Timotey Ma key ka ’ar ɗaf ma guma
Ma key ka ’ar ɗaf ma guma
Ɗeriwel ma kamar a Timote me tsetsew ana na, bəzay ma guma madakwaydokw ana hay ma Maslaŋ Pol. Pol ŋga da daŋgay (2.9), ndaw hay haɗadzadzay ka mbəkafama har ba (1.15; 4.10-16). A sərada ha mazlambar aha a da mətsey (4.6). A tsar guma ma me mbəɗey mey a Timote, mandala ŋga ma mber, na ŋga ma wuɗa andza bəzey ŋga ha na.
Ɗeriwel ana na a mada mendzey ma Pol: mber aŋga andza maslaŋ aha na, me tetəkey ŋga, tsetseh aŋga hay kavəday ma Mey Hayna Wayna. Ndaw ma winda ɗeriwel ana a tsar guma a ’ar a Timote. A həladara bəzay tsəfəmey ana na, ka zəga tsetseh aŋga da mber ma Kriste ana (2.1-13) A dəba na na, a ləvar ka taləkada mey ta guma ma Bay’ərlam na ta tsəveɗ (2.14—4.15) Mavədiya tok na, a dafa na, Timote ka mbəkada me kəɗey waway da guma hay, ka mbəɗatar dəba a ndaw me key tek ta tsəveɗ kakay ana hay, ka tsey dey na ka mendzey ma Pol. A dafa ɗoh na, ka tsənar sləmay a tek ma Pol ta na ma sa ma Miter ana sa na hay kretiyeŋ na hay ma tatəkadəmatərawa na hay.
Andza ndaw seydewe ma Yezu ɗuhwa na tsəfəmey ana hay a kam aha dasakay na, ndaw ma kam mber andza ma ta na hay a dəba ta na na, a səpam slam sek ata na. Kavədiya tok na, taya ma wafama vaw kassla ka mey ana ma ndzafəmərawa da har ma Miter ata na hay. A dafa na ka dzaŋgama ɗeriwel kokwaɗ ana hay. Da har ma windəmatərawa ɗeriwel ana hay a Timote ana na, ɗeriwel ana hay na, da na gurma na hay, ka səkey ba satsa na, sa na hay na da ɗeriwel Wayna. Ɗeriwel a neney hay tabiya ha na «a dzənam me tetəkey dzerey, me mbəɗey mendzey, me mey malay, me tetəkey a mendzey da dzerey» (3.16)
Currently Selected:
2 Timotey Ma key ka ’ar ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun