1 Timotey 2
2
Me ɗuley mey hərway ma ndaw hay tabiyaha
1Tek a ɗaw ma ləvakwar ekəɗey tsəfəmey aha na, hayna ndaw hay ka tsəham tek, ka ɗulam mey, ka tsəham amboh, ka ka kam sise, hərway ma ndaw hay tabiyaha, 2hərway ma bay hay ta ndaw me wey ndaw hay tabiyaha, ma i kandzakwama mendzey səfekke da zozoy, da ma ɗamara ’ar ta me ɗey ndaw a vaw. 3Neney na tek mambay ana ma dar 'ar ka slam dey ma Bay ma Bəla me buwey lakwa, 4ŋga na a wuɗey na ka buwata ndaw hay tabiyaha, ka husam ma da səradama mey ma dərka. 5Hərway Bay ma Bəla na, ŋga asləta, Ndaw ma zawada guma da walaŋ ma Bay ma Bəla ta ndaw na, ŋga asləta: Kriste Yezu, 6ma vəlada vaw ŋga ma da mbəɗatərawa ndaw hay tabiyaha. Neney na seydewe na ma kama ka har ana ma tsa ha na, 7arka na ma padəmaya bay ma gawla ley aha, maslaŋ aha, - i tsey na dərka na, i tsey malwaɗay kakay-, ndaw me tetəkey ndaw ma dala hay da me pey 'ar ta dərka.
Ŋgwas hay ta mawal hay da me tsəhey ’ar ma kuley ma Yezu
8A saya na mawal hay ka ɗulam mey ka waray ka waray na, ka tsakafam har a 'ərlam ta mevel kokwoɗ aha, mandzara me key mevel, mandzara me tərey vaw. 9Ma ŋgwas hay tey na, ka ləmam vaw na, təɗe ha tsa, ka da key ɗeketseketse'e zlay, kwa ka da tarɗam 'ar zlay, kwa ka pam tek ma wuiya ma gura zlay, dakay na zana ma sumkwo haɗadzidzay ana zlay, 10Ama dzadzak hayna, ka ləmam vaw na, da tek ata ma kam hayna hay, andza na ma dadata ta ŋgwas hay na ma kam meslərey ma Bay'ərlam ana. 11Da har a tatəkadəmata ha ndaw hay na, ŋgwas na ka ndzey tete da me tsəney sləmay. 12I vəlar tsəveɗ a ŋgwas ka tetəkey ndaw hay zlay, kwa ka wa mawal zlay, ŋga na ka ndzey tete. 13Akwa na, a kəmawa ka mey na Adam seŋgey, a dəba na na, Ev tok. 14A pam wuiya ka Adam kakay, amana, andza ma pafama wuiya ba ka ŋgwas na, me təɗey a meŋgəsey. 15Ama a da buwama na, hərway ma ŋga me yey bəzey, ama sey da me ndzey da me pey 'ar, da ma wuɗa vaw, da kokwoɗ ta me ndzey səffekke.
Currently Selected:
1 Timotey 2: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
