AMOS Ɓi madiɗa madiɗa ngi raˀa
Ɓi madiɗa madiɗa ngi raˀa
Ar vi 760 na, Amos a ndilo tir walahay naŋ ngi Tekowa, (Zuma buy ngi Zuda) angi hirwuy Betel. Betele, hay madiɗa ngi Bumbulvuŋ ngir zumabuy ngi Israyel naŋ a diga (pura 1.1 ati mbiɗeˀvra naŋ). Amos mindil a diga na, a tiri kaɓa i ndisl ngi vuŋ baɗ a muŋ.
Dambalaka zumabuy ngi Israyele, naŋ asi haŋ ngi Zorobo’am mucuw naŋ, (ar vi 787 hã a ndila vi 747 dumbuŋ ar yi ngi Y. K.) Israyel ara musuk vu avu Asiri, midigwi naŋhaya, yo ruwuy ara siki, amma gurjik si na, Amos a til mi ti ɓi ngi sukwi, Bumbulvuŋ muwuna’a, masa susuyum. Mizli ara sipaka jiviɗe kuy kuy asi ruwuyo ngbaŋ, na tila mi ti ɓi malambaˀ hana vuna vur miska?
Bumbulvuŋ a cici ɓi le ɓa mbur gar, malla sukwi ngi mizli gar a cifam a wuzla mizli mekelemeye zuy. Vurˀe Bumbulvuŋ a juw ɓi mitaˀ gar, na juwa ɓi mitaˀ gar nah vuna kwana, mizli madiɗahay ara burɗaka ndreehe na si. Akẽh so na, Bumbulvuŋ a tiri mijini ˀis matik'ay ta, ngi mizli hĩhĩyahay, ɓa a lumaka gwat taŋ mawuɗama.
Ar 7-9 na, Amos ara ɓa ɓi ngi naŋ mitil mi ti ɓi mutuwaˀ hana. Na ar sapitir 7.1 0-17 na, a ɓulaka Amoso ti ruwuy Israyele kutum asi ɓi hana.
Ar 1—2 na, Bumbulvuŋ ara mbiɗa hirnga da zumabuy ngi Israyel ati midigwi naŋhaya.
Ar 3—6 na, i kire ar wala ngi Bumbulvuŋ magi jeŋŋe ati mizli naŋhay.
Ar 7-9 na, Amos mitila mi tuwa vur mike na, i lumaka ara. Amos mupur gwat ti kleŋ is zlum na, a bigam gwatay Bumbulvuŋ masa ga taŋ nga mbuŋ.
Ɗerewol Amos na, ɓa i wulkam ar gwatay gar, mingiɓi ngi Bumbulvuŋ mawuɗ a mbiɗa taŋ ar duniya ndra hana. Naŋkine, ɓula mijiviɗ tir walahay na, a biga ndra gwat muwam di vu ngi sa gi da Yesu. Yesu vuna kwana, a til mi le ti ɓi ngi gwat ngi mbiɗi ya, gisiŋ, a tila nga naŋ ti huma’ ta ɓula, amma i muwãˀ naŋ gisiŋ fineˀ ngi Amos ma.
Currently Selected:
AMOS Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.