Maleaxi 1
1
1Nēs ge mîs ǃKhūb dis Maleaxibab ge māsa, Israelǁaesab nî mîbase.
ǃKhūb ge Israelsa a ǀnam
2“Tita ge sado ge ǀnam i” tib ge ǃKhūba ra mî. Xawe du ge sado ra mî: “Mâtits ge ǀnam da i?” Ob ge ǃKhūba ge mî: “Esaub tsîn kom ge Jakob di ǃgâsa io, xawe ta ge Jakoba ge ǀnam i#Rom. 9:13#Jes. 34:5-7; 63:1-6; Jer. 49:7-22; Ese. 25:12-14; 35:1-15; Amo. 1:11-12; Oba. 1-14 3tsî Esauba ge ǁkhan hâ i. Tita ge ǁîb di ǃhomxa ǀkhariba ge hîkākā tsî ǀumis âba ǃgaroǃhūb di ǀgirina ge ǁnāxūba.”
4Edomǁîn ga mî “Sida ge khôaǂkhūhe hâ, xawe da ge ǁkhawa nî ǂnubikhâi,” ob ge ǃKhūb Hoaǀgaixaba nî mî: “ǂNubikhâin ka, xawe ta ge tita ǁkhawa nî khôaǁnâ. ǁÎn ge eloxoresa ǃhūb ti nî ǂgaihe, ǁaes ǁîs ǀkhab ǃKhūba ǀamos kōse ǁaixa hâs ti.”
5ǁNāsa du ge sadu mûdi ǂûdi ǀkha nî mû tsî du ge nî mî: “ǃKhūb ge a kai, Israeli ǀkharib nauǀkhāb kōse.”
ǃKhūb ge pristerga ra ǂgōǀau
6“ǀGôab ge ǁgûba ra ǃgôa tsî ǃgāba ǀhonkhoeb âba. Tita nî sa îs karao, mâpab ti ǃgôasiba hâ? Sa î ta nîs kao, mâpab ti ǃaoǃgâsiba hâ? tib ge ǃKhūb Hoaǀgaixaba sa pristergo, ti ǀonsa ra ǃharaxūgo ǃoa ra mî. Xawe go ge sago ‘Mâti ge sa ǀonsa ra ǃharaxū?’ ti ra mî. 7Sago ge ǀurisa ǂûna ti altars ai ra ǁguiba, tsî go ge ‘Mâti ge ge satsa ǃharaxū?’ ti ra mî. ǃKhūb di tāb a ǃharaxūsa ti go ra ǂâi ǃkhais ǃaromas komo. 8ǂGī xū-e go ga ǁguibas ase hā-ūo, ǁnā ǃkhaisa tsū tamas hâ? ǀAesen hâ tamas ka io ǃhom hâ xū-e go ga ǁguibas ase hā-ūo, ǁnā ǃkhaisa tsū tamas hâ? ǁNāti ī xū-e go ga sago gowoniaba ūsībao, ǂkhîǂâixab nî sago ǀkha?”
tib ge ǃKhūb Hoaǀgaixaba ra mî.#Deu. 15:21
9“Tsî go ge sago huiba ra ǂgan, îb ga Eloba ǀkhomxa go ti. Nēs ge sago xu ge ī, tsîb kha ǁnâi nî ǀkhomxa go?”
tib ge ǃKhūb Hoaǀgaixaba ra mî.
10“Sago ǃnâb ga ǀguib xaweba hâ Tempeli dao-amde nî ǂganamma, î go tā ti altars ai ǁause ǀae-e khau. Tita ge sago ǃnâ ǃgâiǃgâibasen-e ūhâ tama hâ, tsî ta ge sago ǁguiba-e ūǃoa tide,”
tib ge ǃKhūb Hoaǀgaixaba ra mî.
11“Sores ra ǁhai ǃkhaisa xu ǁîs ra ǂgâ ǃkhais kōses ge ti ǀonsa ǁaedi xa nî ǃgôahe. Mâ ǃkhais hoas ai ta ge ǁguibade ra hā-ūbahe, ǃanu ǁguibade, ti ǀons ǁaedi ǃnâ a kai xui-ao,”
tib ge ǃKhūb Hoaǀgaixaba ra mî.
12“Xawe go ge sago ǁîsa ra ǃgôaoǃnâ kai, ǃKhūb di altars a ǀurisa tsî ǁîs ai ra ǁguibahe ǂûn a ǃharaxūhesa ti go ra mîo. 13Tsî go ge noxopa ‘Tarekō ǃgomsi-e kha nî ī’ ti mî tsî ǁî-e ǃharaxūb ǀkha ra ǃgapaǀî, tib ge ǃKhūb Hoaǀgaixaba ra mî. Tsî go ge ǃnarihe hâ tamas ka io ǃhom hâ tamas ka io ǀaesen hâ-e tita ra hā-ūba. ǂÂi go ra ǁîna ta sago xu nî ūǃoasa?”
tib ge ǃKhūba ra mî.
14“ǀÂxarexūsab ge a ǁnā khoeb, baib tamas ka io ǁgōba ūhâb, ǁîba mîmâi tsî xawe ūsaba ǃKhūba ra ǁguibaba. Tita ge kai gao-aota tsî ta ge hoa ǁaedi xa ra ǃaoǃgâhe,”
tib ge ǃKhūb Hoaǀgaixaba ra mî.
Currently Selected:
Maleaxi 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
