Esekiel 47
47
Tempela xu ra dâuǂoaxa ǁgammi
1 #
Sax. 14:8; Jhn. 7:38; ǂHai. 22:1 ǁNās khaoǃgâb ge tita ǁkhawa ommi dao-ams tawa ge ūsī, tsî mû, ǁgamgu ge dā-aihaib ommi dib ǃnaka gere dâuǂoa aiǂoasǀî, aiǃâ hâ ǃâs ommi dis ge aiǂoasǀî hâ i xui-ao; tsî ǁgamgu ge ǃnakaba xu ge dâuǁgôa amǀkhāb ommi diba xu, altars di ǃkhawagasǀkhāba xu. 2Tsîb ge tita ǀapas dao-ams di daoba-u ǂgaeǂguiǂui tsî ǃaugab ǃoa garu daoba-u ge ǂgaeǂguima, ǃauga dao-ams ǃoa ǁnā daob aiǂoas ǃoa hâbǀî, tsî mû, ǁgamgu ge amǀkhāba xu ge ǀkhī. 3Tsî ǁnā aob aiǂoasǀî ra ǂoa hîa i ge ǀguirotsuri-e ǃomǁaeb âb ǃnâ ge hâ i, tsîb ge korokaidisi metergu kōse ǀguiro tsî ǁgamga ge xanuǃgâu kai te, o gu ge ǁgamga ǃgorora kōse ge ǃkhō te. 4Ob ge ǀnî korokaidisi metergu kōse ǀguiro tsî ǁgamga ge xanuǃgâu kai te, o gu ge ǁgamga ǁgoara kōse ge ǃkhō te; tsîb ge ǀnî ǀoadisiga ǀguiro tsî ge xanuǃgâu kai te, o gu ge ǁgamga kamanab kōse ge ǃkhō te. 5ǃAruǀîb ge ǀnî korokaidisiga ge ǀguiro, ǃāb ǁîba ta ge xanuǃgâu ǁoa iba, ǁgamgu ge ǃgam ge i xui-ao, sats khoets nî tsâǃgâuse ǃāb, sats khoets xa xanuhe ǁoaba. 6Ob ge tita ǃoa ge mî: “Khoenôa ǀgôatse, nēsa mûts go?”
Ob ge ǁîba ǁkhawa ǃāb amǃgâb ǁga ge ǂgaeǂgui te. 7Tsî kōnǃgâ ta geo, mû, ob ge ǃāb amǃgâba kaise ge haixa i, nē ǀkhāb tsî nau ǀkhāb tsîkha hoakha ai. 8Ob ge ǁîba tita ǃoa ge mî: Nē ǁgamgu ge aiǃâ ǃoa ra dâuǂoa tsî ǂgās ǃaub dis ǃoa ra dâuǁgôa; ǁnās khaoǃgâ gu ge hurib ǃnâ ra sī; hurib ǃnâ ūǂuihe hâse gu ge ǁgamga ra ǂkhōn.
9Ā, ī i ge nî, mâ ûitsama ǀoms gon ras hoas mâ ǃkhais nē ǀgam ǃārokha nî sīs hoas tawa nî ûi ǃkhaisa, tsî ǁnā ǃkhais ge nî ǁauxa nē ǁgamgu ǁnāpa nî sī xui-ao, on ge nî ǂuru, on ge nē ǃārob ga sī ǃkhais tawa hân hoana nî ûi. 10Tsî i ge ǁkhāti nî ī, ǁauǃkhō-aogu ǁî ǃkhais tawa nî mâ ǃkhaisa Engedisa xu En-Eglaims kōse; ǁnāpa di ge ǀûidi ra ǃāǂuihe ǃkhaide nî hâ, ǁîs di ǁaun ge Mediteraneahurib di ǁauǃnôan xase nî ī tsî kaise nî ǂgui. 11Xawe ǂgoaxa ǃkhaidi âb tsî ǃāgu âb ge ǂuru tide, ǁîn ge nî ǀūǁgam kai. 12#ǂHai. 22:2Tsî ǃārob amǃgâb tawan ge ǂûtani ra haiǃnôan hoan, ǂgaen ân ǁnā tama tsî ǂûn an kā tamana nî ǀomkhâi, ǁkhâkoroben ge ǁîna ǀasa ǂûna nî ūǀkhī, ǁgamgu ân ǃanusiba xu ra dâu xui-ao, tsî ǂûn ân ge ǂûse nî ī tsî ǂgaen âna ǂgauǂgauxūse.
ǃHūǀgoradi
13Nētib ge ǃKhūb Eloba ra mî: Nēb ge nî ǀkhari, ǁîba du ǀumise nî ūbasenna disiǀgamǀa ǃhaodi Israeli didi ǃoa: Josefa ǀgam ǀumi-amǃnâra. 14Tsî du ge ǁîba nî ǀumi, ǀguib kas naub kas hoasa, ǁîb ǂama ta ge tita ǃommi âtaba ǀhōǂuiba ǁîba ta ge sadu îga nî mā ti; tsî nētib ge ǁnā ǃhūba nî sadu di ūhâxū kai.
15Tsî nēb ge nî ǃhūb di ǀkhari: ǀApasǀkhāb Mediteraneahurib diba xu, Hetlons di daoba-u, Hamats di dao-ams kōse tsî Sedads tawats ra sīs kōse. 16Hamats, Berotas, Sibraims, Damaskus di ǀkharib tsî Hamats di ǀkharib ǁaegu ǁgoes, Haser-Hatigons, Haurans di ǀkharib tawa ǁgoes. 17Nētib ge ǃhūǀkhariba nî ī, Mediteraneaǁîhuriba xu Hasar-Enons Damaskus di ǀkharise tsî ǀapasa ǀapasǀî tsî ǀkharib Hamats dib ge nēba; tsî nēs ge ǀapas di ǁhôase nî ī.
18Tsî aiǂoas ǁhôasa du ge nî ǀguiro: Haurans ǁaeguba xu tsî Damaskus ǁaeguba xu tsî Gileadi ǁaeguba xu tsî Israeli ǃhūb ǁaeguba xu Jordanǃāb tawa, ǁnā ǀkhariba xu aiǂoas di hurib kōse; tsî nēs ge aiǂoas di ǁhôase nî ī. 19Tsî ǃkhawagas di ǁhôasa ǃkhawagasǀî Tamarsa xu ǂnoaguǁgams Kades Meribas dis kōse; ǃaruǀî ǃārob ǁga Mediteraneahurib kōse; tsî nēs ge ǃkhawagas di ǁhôase nî ī ǃkhawagasǀî.
20“Tsî huriǂoas di ǁhôasa Mediteraneahurib ǀkhariba xu, Hamats ǃoa-aits ra sīs kōse; nēs ge huriǂoas di ǁhôase nî ī.
21“Tsî du ge ǁnā ǃhūb ǁkhāba Israeli di ǃhaodi ī xase nî ǀgoraǃā. 22Xawe i ge nî ī, ǁîba du nî ǀumise sado ǀgoraba ǃkhaisa, tsî ǃhao khoen sadu ǁaegu nî hân, ǀgôana sadu ǁaegu nî hō hân tsîna. Tsîn ge ǁîna Israeli ôan ǁaegu ǃnae hân axase nî ība du; sadu ǀkhan ge ǀumis ǃnâ nî amǃnâ Israeli di ǃhaodi ǃnâ. 23ǁKhāti i ge nî ī, ǁnā ǃhaos, ǃhao khoe-i ǁîs ǃnâ hâs ǃnâ, ǁnāpa du ǁî-e ǁî-i di ǀumisa nî mā ǃkhaisa,”
tib ge ǃKhūbEloba ra mî.
Currently Selected:
Esekiel 47: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.