Efeseǁîn ǂGAEǂGUIǂGĀS
ǂGAEǂGUIǂGĀS
Sîǂkhanis Paulub dis Efeseǁîn ǃoa hâs ge ǂgurosa “Elob di ǀapes ǁaeb ga ǀoa, ob nî dīǀoaǀoas ge hoaraga kurus ǀhommi ǃnâ tsî ǃhūbaib ai hâ xūn hoana nî ǀhaoǀhao, Xristub a danases” (1:10) xa ra ǃgû. ǁKhāti Elob di khoen ǃoa hâ ǂgans ge nē kai ǀapes di ǂâibasens, ǀguiǃnâxasib hîa hoaraga khoesib diba Jesub Xristub ǀkha hâ ǀguiǃnâxasib ǃaroma ûiǂuis disa.
ǂGuro ǃâb Efeseǁîn sîǂkhanis dib ǃnâb ge Pauluba ǀguiǃnâxasib xa hâ ǃhoaǂamǃâsa ra ǁhûiǂui, Elob ǁGûb ge ǁîb di khoena ǁhûiǂui ǀgaub xa ǃhoas ǀkha. ǁÎn ge ǀûbahe tsî ǁîn di ǁorena xu ge ǃnoraǃnorahe, ǀGôab Jesub Xristub ǃnâ-u. Tsî ǁkhāti mâ ǀgaus ais ge Elob di kai mîmâisa ǃAnu Gagab xa a ǁapoǁapohesa. ǀGamǁî ǃâb ǃnâb ge xoa-aoba ǁîb di khomai-aona ra ǂgan, în ǁîn ǀguiǃnâxasib Xristub ǃnân ūhâba ǁîn ûiǁareb ǃnâ ama kai.
Sao ra ǃkharagaǃnâgu īsigowagu ge ra sîsenūhe ǀguiǃnâxasib Elob khoen dib, Xristub ǃnâ hâba nî ǁgauǂuise: Xristub a danaseb ge kerkheba soros axase ī; tamas ka io ommi ase, Xristub a ǁhôaǀuise; tamas ka io taras ase, Xristub a aose. Nē sîǂkhanis ge ǁîs di ǀgapi ǃharos ǁgâiǂuisens disa ra sīǃnâ, xoa-aob ra Elob ǀkhommi di ǂâis Xristub ǃnâ hâs xa ǂgaeǂguihe ǃnubai. Hoa xūn ge Xristub ǀnammi, ǁguibasens, ǀûbas, ǀkhommi tsî ǃanusib di ǃnâb ǃnâ ra mûhe.
ǃKhōǂgāb
ǂGaeǂguiǂgās 1:1-2
Xristub tsî kerkheb di ǀguiǃnâxasib 1:3—3:21
ǀAsa ûib Xristub ǃnâ hâb 4:1—6:20
ǀAmǀams 6:21-24
Currently Selected:
Efeseǁîn ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.