2 Timoteub 4
4
1Timoteutse, ǁkhoase ta ge ra mîmā tsi, Elob tsî Xristub* Jesub tsîkha aiǃâ, Gao-aose ûitsaman tsî ǁō hân tsîna nî ǀgoraǃgâse nî hāba: 2ǁKhoase Elob di ǃGâiǂhôasa ǁaeb tsî ǁae tamab ai ǀû tamase aoǁnâ. ǃNūǃnâxasib ǃnâ khoena ǁoren âna mûǂan kai, ǂgōǀau tsî ǂuru ǁkhāǁkhās ǀkha ǀgaiǀgaiǃnâ. 3ǁAeb nî hā amaga, khoen nî ǂuru ǁkhāǁkhāsa ǂharaba. Tsîn nî ǃnāsase ǁkhāǁkhā-aon hîa ǁîn ra ǂgao tsî tura xūn ǀguina ra ǃhoana ǀhaoǀhaobasen ǃkhaisa. 4Amab ǃoagu ǁîn ǂgaede dawa tsîn ge ǀnoreǃhoa-ain ǀguina nî ǃgâ ǂgao. 5Xawe nē mâsigu hoagu ǃnâ ǁnâuǃāxa ǂâisa ūhâ. Tā ǃKhūb ǃaroma tsâsa ǃao, î nauna ǃGâiǂhôas ǀkha Xristuba hareba. Elob di ǃoaba-aose ǀams kōse sîsenni âtsa dī.
6Tita Pauluta ǃnās xasa, ti ǁōb di ǁaeb ge go ǀgūtoa tsî ta ge ti ûiba, Eloba ǀnai ge ǁguiba āǁguibas altari ai ra ǂnâǂuihes khami. 7ǃGâi ǃkhamsa ta ge ǃkham, ǃgûsa ta ge dītoa tsî ǂgomsa ta ge sâubasen.#4:7 ǂGomsa ta ge sâubasen: Tamas ka io ti mîmâis ǃnâ ta ge ǂgomǂgomsa i. 8ǁNā-amagas ge ǂhanu-aisib di kronsa ǃâu te hâ, ǃKhūb ǂhanu-ai ǀGoraǃgâ-aob nî ǁîb di ǁkhawa hās di kai Tsēs ai mā tesa, Elob ǀkhas nî ǂhanu-ai kai tese. Xawe tita ǀguita tama i tsî hoa khoen hîa, ǁîb di ǂkhaisa ǁkhawa hāsa ǀnammi ǃnâ ǃâu hân tsîna.
Paulub ge ǂhunuma ǁgui-aide Timoteuba ra mā
9Dītsâ, îts kaise ǃhae ǁaeb ǃnâ tita ǃoa hā. 10#Kol. 4:14; Flm. 24; 2Kor. 8:23; Gal. 2:3; Tit. 1:4Demasi ge nē ǃhūbaiba ǀnam tsî tita ǂhara tsî Tesalonikas ǃoa ge ǃgû. Kreskenni ge Galatiab ǃoa ge ǃgû tsî Tituba Dalmatiab ǃoa. 11#ǃNǃkh. 12:12, 25; 13:13; 15:37-39; Kol. 4:10; Flm. 24Lukab ǀguib ge tita ǀkha hâ. Hāts kao, Markuba hā-ūba te, ǁîb nî kaise ǃoabas ǃnâ huib ase ība te xuige. 12#ǃNǃkh. 20:4; Efe. 6:21-22; Kol. 4:7-8Tixikuba ta ge Efeses ǃoa ge sî. 13#ǃNǃkh. 20:6Hāts kao Troas ǃnâ ta ge Karpub tawa a ǁnāxū anaǂamsaraba ǀkhī-ūba te tsî ǁkhāti ti ǂkhanidi, ǀō-aisase ǁnādi hîa khōn ǀkha a kurusade.#4:13 Khōn ǀkha a kurusade: Nē ǂkhanidi ge ǃgupuse gere xamihe tsî papirus ti ra ǂgaihe ǂkhani-i tamas ka io khō-e xu ge kurusa i.
14 #
1Tim. 1:20;
Psa. 62:12; Rom. 2:6 ǀUrixūkuru-aob Aleksanderi ge ge ǂkhôa te. Xaweb ge ǃKhūba aitsama nēn hoan ǃaroma ǁîba nî dīdawa-am. 15ǁÎba ǂanbasen, sage sîsenni ǃGâiǂhôas dibab ge kaise ǁkhōǁkhōsase gere mâǃoa xuige.
16ǂGuro ǃnāsa ta ge ǀgoraǃgâs ǃnâ a sī-ūhe, on ge khoen hoana ge ge bēxū te. Tān ga nēsa a ǃgôabahes ge ti ǁkhoresa. 17Xaweb ge ǃKhūba ǃGâiǂhôasa ta ǀoasase Jodeǁî taman* hoan xas nî ǁnâuhes kōse nî aoǁnâse, mâǃgâ tsî ge ǀgaiǀgaiǃnâ te. Tsîb ge xammi amǃnâsa xu ge huiǂui te. 18ǃKhūb ge hoa ǂkhôana xu sâu tsî ǁîb di ǀhomsi Gaosib ǃnâ ǃnorasase nî sī-ū te. Elob dib ge a ǂkhaisib hoaba ǀamosib kōse. Amen.
ǀUni tawededi
19 #
ǃNǃkh. 18:2;
2Tim. 1:16-17
Priskilas tsî Akwilab tsî Onesiforub di omaris din tsîna tawedeba te. 20#ǃNǃkh. 19:22; Rom. 16:23; ǃNǃkh. 20:4; 21:29Erastub ge Korintes ǃnâ ge hâ-oa tsî Trofimuba ta ge ǀaesenni geo, Miletus ǃnâ ge ǁnāxū. 21Īǁkhā i as kōse dītsâ, îts saoǁaeb nî tsoatsoas aiǃâ hā.
Hoaraga Xristeǁî ǃgâsan tsî ǃgōsase Eubulub, Pudenni, Linub tsî Klaudias tsîn ge kaise ra tawede tsi.
22Ab ǃKhūba sa gagas ǀkha hâ.
Ab ǀkhomma sadu ǀkha hâ.
Currently Selected:
2 Timoteub 4: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.