Sal 60
60
SAALM 60 (59)
Xtij li xtenamit li Yos sa' li nimla rahilal
(Sal 108,7-14)
1Re li xjolomileb' laj b'ichanel. Taab'ichamanq jo' chanru li xyaab': “Li xliryo li testiiw”. Xk'utum laj David. 2Kitz'iib'aak naq kiyalok rik'ineb' laj Aram aj Naharáhin jo'wi' rik'ineb' laj Aram aj Sobá. Sa' li kutan a'an laj Johab kisutq'iik chaq ut kixq'axeb' ru kab'laju mil aj Edom sa' li xTaq'ahil li atz'am.
3At Qaawa', xatjosq'o'k sa' qab'een,
xoohaatz'eqtaana ut xoohaajuk';
choohaawaklesi wi' chik anaqwan!
4Xachiq'chiq'i ut xa'it'ixi li ruuchich'och';
anaqwan chayiib'eb' li x'itz'ilal, xb'aan naq hame'k re.
5K'ajo' li rahilal xak'e sa' xb'een laatenamit;
nokootaktotk xookanaak xb'aan li b'iin xak'e qe.
6Xak'e jun eetalil reheb' li neke'paab'ank aawe
re naq te'ruhanq chi kole'k chiru li xna' simaj.
7Choohaasume chaq ut choohaakol rik'in xwankil laawuq',
re naq te'kole'q li raarookeb' aab'aan!
8Li Yos x'aatinak chaq toj sa' li xloq'laj ochoch:
“Ok we chi xjachinkil Sikén chi sa sa' inch'ool,
tinb'is chixjunil li xtaq'ahil Sukot, chan.
9We laa'in li xsutam Galahad ut Manasés;
Efraín a'an xkoleb' linjolom
ut Judá a'an linloq'laj b'aar.
10Mohab a'an li emel xna'aj linch'ajleb';
tinkut linperxaab' sa' xb'een Edom,
ut tinb'ichanq xb'aan naq xinnumtaak sa' xb'eeneb' laj Filistea”.
11Ani taab'eresinq we toj sa' li kawub'resinb'il tenamit?
Ani taak'amoq linb'e chi xik toj Edom?
12At Qaawa', laa'at xatkanab'ank qe qajunes
ut ink'a' chik nakat-okenk chi yalok chiqix laa'o.#60,12 Sal 44,10; 108,12.
13Maak'a' na'ok wi' li xtenq'ahom li winq;
choohaatenq'a taxaq sa' li yalok.
14Qochb'een li Yos taaqab'aanu sachb'ach'oolej;
a'an taasachoq xwankil eb' li xik' neke'ilok qe!#60,14 Sal 44,6.
Currently Selected:
Sal 60: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
