Sal 149
149
SAALM 149
Jun ak' b'ich cho'q re li Qaawa'
1Aleluya!
Cheb'ichaaq junaq ak' b'ich cho'q re li Qaawa',
chek'ehaq xloq'al sa' xch'utameb' li neke'rahok re!
2Chisaho'q sa' eech'ool chejunilex aj Israel:
a'an laj yoob'tesihom eere.
Sahoqex laa'ex ralal xk'ajol Sión,
xb'aan naq a'an leeRey!
3Chenimaaq li xk'ab'a' rik'in xajok,
chexb'ichanq ut chexwajb'aq rik'in tun ut aarp!
4Xb'aan naq li Qaawa' naxra li xtenamit
ut naroxloq'iheb' li tuulan rik'in li kolb'a ib'.
5Chinimaaq xloq'al li Yos xb'aaneb' li neke'rahok re;
toj sa' li xch'aateb' che'xjap re xb'aan xsahilaleb' xch'ool.
6Che'xterq'usi xk'ab'a' rik'in xtz'uumal reheb'
ut chiwanq sa' ruq'eb' li ch'iich' ka'pak'al xq'esnal:
7re naq twanq eeqajunk sa' xb'eeneb' li poyanam,
jo'wi' te'rahob'tesiiq li maak'a'eb' xpaab'aal;
8re xk'eeb'al sa' tz'alam chixjunileb' li awab'ej,
ut xb'ak'b'aleb' rik'in chapleb' ch'iich' li neke'taqlank reheb';
9re naq taatz'aqloq ru li tz'iib'anb'il sa' li raqb'a aatin.
A'an xnimal xloq'al cho'q reheb' chixjunil laj paab'anel.
Aleluya!#149,7-9 2 Mak 15,26-27.
Currently Selected:
Sal 149: QQC
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.