Nm 12

Laj Aharón ut lix María ke'xwech' rix laj Moisés

1Lix María ut laj Aharón ke'ok xwech'inkil rix laj Moisés, xb'aan naq kixk'am cho'q rixaqil jun li ixq aj Etiopía. 2Ut ke'xye: “Li Qaawa' moko ka'aj ta wi' rik'in laj Moisés na'aatinak, na'aatinak aj b'an wi' qik'in laa'o”, chankeb'. Ut li Qaawa' kirab'i a'in.

3Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.#12,3 Eklo 45,4. 4Tikto li Qaawa' kiraatinaheb' laj Moisés, laj Aharón ut lix María ut kixye reheb': “Ayuqex eeroxichal sa' li Loq'laj Na'ajej”, chan. Ut koheb' roxichaleb' aran.

5Toja' naq li Qaawa' kikub'e chaq sa' li choql ut kikanaak chire li Loq'laj Muheb'aal. Kixb'oq laj Aharón ut lix María, ut eb' a'an ke'jilok chi xk'atq li Qaawa': 6“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'. 7Ab'an moko jo'kan ta ninb'aanu re laj Moisés laj k'anjel chiwu; chixjunil lintenamit q'axtesinb'il re.#12,7 Heb 3,2. 8Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

9K'ajo' xjosq'il li Qaawa' sa' xb'eeneb', naq ki'elk rik'ineb'. 10Ka'ajwi' ki'elk li choql sa' xb'een li Loq'laj Na'ajej, naq kisaqlepo'k rix lix María, chanchan li ratz'amke li rix. Ut naq laj Aharón kiril lix María, kixk'e reetal naq saqlep li rix, 11ut kixye re laj Moisés: “Chakuy inmaak, at inqaawa', maateneb' taxaq sa' qab'een li maak a'in li xqab'aanu xb'aan qamemil. 12B'aanu usilal, ink'a' taxaq chikanaaq lix María jo' junaq k'uula'al li kamenaq naq nayo'laak, chi q'aajenaq li xtib'el”, chan laj Aharón.

13Toja' naq laj Moisés ki'elajink chiru li Qaawa' ut kixye re: “At Qaawa' Yos, b'aanu usilal, k'irtasi lix María”, chan.

14Kichaq'ok li Qaawa' ut kixye re laj Moisés: “Wi ta li xyuwa' xchuub'a xnaq' ru lix María, ma ink'a' raj tento tixmuq rib' wuqub'aq kutan xb'aan xxutaan? Isihomaq b'i' lix María sa' eeyanq chiru wuqub' kutan;#12,14 Nm 5,2-3. toja' naq teek'ul wi' chik eerik'in”, chan.

15Jo'kan naq lix María ki'isiik wuqub' kutan chirix xmuheb'aaleb' laj Israel, ut eb' li tenamit ke'royb'eni sa' li xna'ajeb' toj reetal kisutq'iik wi' chik lix María sa' xyanqeb'. 16Chirix chik a'an ke'elk aran Jaserot ut koxe'kanaaq sa' li chaqich'och' re Parán.

Currently Selected:

Nm 12: QQC

Highlight

Copy