Mal 2
2
1“Ex aj tij, ab'ihomaq anaqwan li q'usum a'in, xb'aan naq a'an cho'q eere: 2Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.
3“Tinmaq' cheru leewankilal, tinkut sa' xnaq' eeru li xk'ot leexul nekemayeja chiwu ut texintz'eq chirix kab'l eerochb'eenaq li xk'ot leemayej. 4Chi jo'kan teenaw naq laa'in xink'ehok re li chaq'rab' a'in, re naq linsumwank rik'in laj Leví#2,4 Nm 3,11-13. xaqxooq xwankil chi junelik -chan li Nimajwal Yos-.
5“Linsumwank kinxaqab' rik'in laj Leví, a'an re yu'amej ut tuqtuukilal.#2,5 Nm 25,12-13. Kink'e re, re naq tinroxloq'i ut tixk'e inloq'al, ut a'an relik chi yaal naq kinroxloq'i ut kixk'e inloq'al. 6Laj Leví kixch'olob' chi tz'aqal re ru li yaal ut maajun maa'usilal ki'elk chi xtz'uumal re; kinrochb'eeni rik'in tuqtuukilal ut tiikil ch'oolej, ut naab'al kixkoleb' chiru li maak.#2,6 Dt 33,8-10.
7“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.#2,7 Lv 10,11; Dt 21,5. 8Ab'anan xekanab' xtaaqenkil li chaab'il b'e; ut naab'al xeluktasiheb' xch'ool rik'in leek'utum. Chi jo'kan xesach xwankil linsumwank rik'in laj Leví -chan li Nimajwal Yos-.
9“Xb'aan a'an laa'in ajwi' texink'e chi tz'eqtaanaak ut chi maak'a'aq eeloq'al chiru chixjunileb' li tenamit, xb'aan naq ink'a' nekepaab' li waatin ut toj neketi ruheb' li poyanam sa' xch'olob'ankil li Chaq'rab'”, chan li Nimajwal Yos.
Ink'a' us li sumlaak rik'ineb' li ixq jalan chik xtenamiteb'
10Ma ink'a' tab'i' jun ajwi' qayuwa' chiqajunilo? Ma ink'a' jun ajwi' chi Yos xyoob'tesink qe?#2,10 Is 63,16; 64,8; Os 11,1-4; Ef 4,6. K'a'ut naq ink'a' tiik qach'ool chiqu chiqib'il qib'? K'a'ut naq naqasach xwankil li Sumwank kixk'ojob' li Yos rik'ineb' li qana' qayuwa'? 11Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos. 12A' taxaq li Qaawa' Yos chixsachaq ru sa' qayanq li taab'aanunq re a yib' aj na'leb' a'in, us ta testiiw malaj aj tzolonel, us ta naxk'am chaq xmayej chiru li Nimajwal Yos.
13Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool. 14Ut chirix a'an toj nekeye: “K'a'ut naq ink'a' naxk'ul qamayej li Qaawa'?”, chankex. A'in nak'ulmank xb'aan naq li Qaawa' jultik re li aatin kaye re laawixaqil katsumlaak wi' sa' laasaajilal, ut anaqwan xab'alaq'i. A'an tz'aqal laawochb'een, laasum'aatin li kayeechi'i wi' laasumwanjik! 15Ma ink'a' tab'i' jun ajwi' chi Yos xyoob'tesink re li ixq, li xtz'ejwal ut li xmusiq'? Ut k'aru naxsik' li Yos rik'in li junjunq? Naxsik' naq te'wanq ralal xk'ajol q'axtesinb'ilaqeb' re A'an. Cherahaq b'i' eerib' chiru leeyu'am ut meeb'alaq'i leesum'aatin li xexsumlaak wi' sa' leesaajilal. 16Li Qaawa' nim xwankil, li xYos laj Israel, naxye chi jo'ka'in: “Chera leeyu'am, ut meeb'alaq'i leerixaqil. Xb'aan naq xik' nawil ut nintz'eqtaana li naxjach rib' rik'in li xsum'aatin ut naxmux rib' rik'in xb'aanunkil li maa'usilal a'in”.#2,14-16 Gn 2,24; Pr 5,18; Mk 10,2-9; Ef 5,21-33.
Li xKutankil li raqb'a aatin
17Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”.#2,17 Job 21,7-16; Hab 1,2-4.13; Mal 3,14-15. Malaj ut nekeye: “B'ar wank li Yos tiik xch'ool?”, chankex.
Currently Selected:
Mal 2: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
