Lm 5
5
Li ro' xrahil xch'ooleb' laj Jerusalén
1At Qaawa', chijultiko'q taxaq aawe li k'aru xqak'ul;
chawil ut chak'e reetal li qahob'b'al xb'aaneb'.#5,1-22 Sal 44,10-27; 74; 79.
2Anaqwan chixjunil li qeechanihom
xq'axonk sa' ruq'eb' laj ab'l tenamit;
ut eb' li qochoch,
jalan chik x'eechanink re.
3Maak'a' chik qayuwa',
neb'a'yox xookanaak wi';
ut eb' li qana' xe'kanaak chi xmalka'anil.
4Li ha' naquk', naqatoj chi terto xtz'aq;
ut loq'b'il chik naqataw wi' li qasi'.
5Jo' jun b'itche' xe'xk'e sa' qab'een;
xootawaak, ut ink'a' nokoohe'xk'e chi hilank.
6Naqapatz' qawa quk'a' re Ejiipt ut Asiria,
a'eb' li xik' neke'ilok qe.
7Eb' li qaxe' qatoon ke'maakob'k,
ut maak'a'eb' chik anaqwan;
ut sa' qab'een chik laa'o xkanaak li xmaakeb'.
8Eb' li ke'wank chi munil,
a'aneb' chik li neke'taqlank sa' qab'een;
ut maajun na'ach'ab'ank qe sa' ruq'eb'.
9Yal naqakawila qach'ool re xsik'b'al qawa;
ut eb' laj rahob'tesinel wankeb' sa' junesal na'ajej.
10Naxamnak li qatib'el jo' xtiqwal li xam,
xb'aan xmay li tz'okaak.
11Sa' xteepal Judá ut Sión
xe'xmux eb' li qixaqil ut eb' li tuq'ixq.
12Xe'xkamsi chi lukluukeb' eb' li xninqal ru winq;
ut ink'a' xe'xk'e xloq'al eb' li ak tiixeb'.
13Eb' li saaj winq xe'k'ehe'k chi reek'asinkil li ke'leb' pek;
ut eb' li kok'al xe'k'utzq'iik xb'aan iiqank si'.
14Eb' li ak cheekeb' ink'a' chik neke'k'ojlaak sa' rokeb'aal li tenamit,
ut eb' li saaj al ink'a' chik neke'b'ichank.
15Maak'a' chik xsahil qach'ool;
yaab'ak chik xkanaak wi' li qason.
16X'oso'k li qaloq'al;
toq'ob' qu li xoomaakob'k!
17Jo'kan naq ra qach'ool,
ut yo chi moyk xsa' li qu.
18Li tzuul Sión nakirnak aj chik;
juneseb' aj chik li yak neke'b'eek aran.
19A'ut laa'at, at Qaawa', nakat-awab'ejink chi junelik,
xaqxo laawankil junq'e junq'e kutan.
20K'a' tab'i' naq toosachq sa' laach'ool chi junajwa?
K'a' put naq toohaatz'eqtaana chiru chixjunil li qayu'am?
21K'eho chi sutq'iik aawik'in, at Qaawa';
ak'ob'resi wi' chik li qayu'am jo' junxil.
22Malaj ut xoohaatz'eqtaana chi junajwa?
Ma junelik yooq xnimal laajosq'il sa' qab'een?
Currently Selected:
Lm 5: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.