Hch 10

Laj Pedro ut laj Kornelio#10.1-48 Xnimal ru sahil ch'oolej a'in cho'q re li x'Iklees li Qaawa' xb'aan naq jun winq li ink'a' xk'ulum li sirkunsisyon ki'ok sa' xkomonileb' laj paab'anel, a'an li kristiyanil (cf. Hch 15,7-29; Gal 2,2-21).

1Aran Cesarea kiwank jun li winq, aj Kornelio xk'ab'a'. A'an aj jolominel xteepaleb' laj puub' re Italia, 2chaab'il xch'ool ut naxpaab' li Yos#10,2 Eb' li neke'xpaab' li Yos a'aneb' li maawa'eb' aj Judiiy li neke'k'ulub'ank re li xpaab'ahomeb' laj Judiiy chi maji' xk'ulumeb' li sirkunsisyon (cf. Hch 10,22.35; 13,16.26...). rochb'eeneb' chixjunil li xjunkab'al. Naab'al xlemoox naxk'e re li tenamit ut junelik natijok chiru li Yos.

3Sa' jun li kutan, sa' oxib' honal tana re ewu, kiril tz'aqal sa' moy u naq jun li x'ánjel li Yos ki'ok sa' rochoch ut kixye re: “At Kornelio!”. 4Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos. 5Anaqwan taqlaheb' laataql aran Jope re toxe'xb'oq chaq jun li winq aj Simón xk'ab'a', aj Pedro ajwi' nayeemank re, 6yo chi hilank sa' rochoch laj Simón, laj chiqol tz'uum, li wank rochoch chire li palaw”.

7Ka'ajwi' ki'elk li ánjel rik'in, laj Kornelio kixb'oq wiib'eb' li xmoos ut jun aj puub' chaab'il xch'ool sa' xyanqeb' li neke'k'anjelak chiru, 8kixch'olob' chixjunil chiruheb' ut kixtaqlaheb' Jope.

9Sa' li kutan jun chik, naq eb' a'an yookeb' chi xik, ak nach' chik rik'in li tenamit, laj Pedro kitaqe'k sa' xb'een li kab'l chi tijok wa'leb' tana re li kutan. 10Kichalk xtz'okajik ut kiraj raj wa'ak. Ut naq yookeb' chi xk'uub'ankil li xwa, kichalk xsachik xch'ool xb'aan moy u. 11Kiril li choxa teeto ut chanchan jun nimla t'ikr b'ak'b'o sa' xkaaxukuutil, yo chaq chi kub'eek sa' ch'och'. 12Chisa' a'an wankeb' chixjunil li k'iila paay chi xul kaahib'eb' li roq ut eb' li neke'xjukuki rib', jo'k'ihaleb' wankeb' sa' ruuchich'och', jo'wi' li k'iila paay chi xul neke'rupupik chiru choxa. 13Toja' naq jun xyaab' kuxej kixye re: “Xaqlin, at Pedro; kamsin ut tiw aawe”.

14Kichaq'ok laj Pedro, ut kixye: “Maajaruj, at Qaawa'; maajun sut inyalom k'a'aq re ru muxb'il ut tz'ajn ru”.#10,14 Lv 11,3-8; Mk 7,15.19. 15Kichalk wi' chik li xyaab' kuxej ut kixye re: “Li k'aru ch'ajob'resinb'il xb'aan li Yos maaye laa'at naq tz'ajn ru”.

16A'in ox sut kik'ulmank; toja' naq sa' junpaat li t'ikr a'an kitaqsiik wi' chik sa' choxa. 17Toj yo laj Pedro chi xk'oxlankil xjunes k'aru xyaalal li xk'utb'esiik chiru, naq ke'wulak eb' li winq ke'taqlaak chaq xb'aan laj Kornelio. Eb' a'an xb'enwa ke'xpatz'i b'ar wank rochoch laj Simón ut, naq kole'elq chire kab'l, 18ke'b'oqok ut ke'xpatz' ma aran yo chi hilank laj Simón, aj Pedro xkab' xk'ab'a'.

19Toj yo laj Pedro chi k'oxlak chirix li moy u, naq kiyehe'k re xb'aan li Musiq'ej: “Ab'i, wankeb' winq yookeb' chasik'b'al. 20Kub'en chi junpaat ut matk'oxlak chi xik chirixeb', xb'aan naq laa'in xintaqlank chaq reheb'”.

21Laj Pedro kikub'eek wankeb' wi' eb' a'an ut kixye reheb':

—We'kin. Laa'inin li nekesik'. K'aru eerajom?

22Ke'chaq'ok eb' a'an, ut ke'xye:

—Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

23Toja' naq laj Pedro kiroksiheb' ut kixk'eheb' rochochnaal. Sa' li kutan jun chik kiwakliik ut koho chirixeb'; wankeb' ajwi' aj paab'anel aj Jope ke'ochb'eenink re.

24Sa' xkab' li kutan ki'ok aran Cesarea ut laj Kornelio yo chi royb'eninkileb', ak xb'oqeb' li rech'alal ut eb' li ramiiw raarookeb' xb'aan. 25Ut naq yo chi ok laj Pedro, ki'elk chaq laj Kornelio chi xk'ulb'al ut kixkut rib' chi roq, kixhupub' rib' chiru. 26Ab'an laj Pedro kixwaklesi:

—Waklin -chan re-, xb'aan naq yal winqin ajwi'.#10,26 Hch 14,15; Ap 19,10.

27Yo chi seeraq'ik rik'in naq ki'ok sa' kab'l; aran kixtaw naab'aleb' wankeb' chi ch'utch'u. 28Ut kixye reheb':

—Laa'ex nekenaw naq ink'a' us cho'q re junaq aj judiiy xjunajinkil rib' rik'in junaq jalan xtenamit chi moko taaruuq taa'ok sa' rochoch. Ab'anan li Yos xk'ut chiwu naq maa'ani naru xtz'eqtaanankil, chi moko naru xyeeb'al naq a'an tz'ajn ru. 29Jo'kan naq, ka'ajwi' xinb'oqe'k chaq, tikto xinchalk chi maak'a' k'oxlak. Ninpatz' b'i' eere k'a' aj e naq xetaqla inb'oqb'al.

30Kichaq'ok laj Kornelio, ut kixye:

—Kohejer, sa' ajwi' li honal a'in, yookin chi tijok sa' wochoch jo' na'uxmank sa' oxib' honal, xaqaamil chiwu jun li winq nalemtz'unk li raq', 31kixye we: «At Kornelio, li Yos xrab'i laatij ut xjultiko'k re laalemoox. 32Taqlaheb' aataql aran Jope ut b'oq chaq laj Simón, aj Pedro xkab' xk'ab'a'; a'an yo chi hilank sa' rochoch laj Simón, laj chiqol tz'uum, chire li palaw». 33Jo'kan naq junpaat xintaqla aasik'b'al, ut us xab'aanu naq xatchalk. Anaqwan ch'utch'uuko chiqajunilo chiru li Yos chi rab'inkil jo'ch'inal jo'nimal xattaqlaak wi' xb'aan li Qaawa'.

Laj Pedro ki'aatinak sa' rochoch laj Kornelio

34Toja' naq laj Pedro ki'ok chi aatinak ut kixye:

—Xintaw tz'aqal xyaalal naq li Yos juntaq'eet narileb' chixjunil 35ut sa naxk'ul chixjunileb' li neke'paab'ank re ut neke'xb'aanu li tiikilal, a' yaal k'a' chi tenamitul yo'lajenaqeb' wi'. 36A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal#10,36 Is 52,7; Nah 2,1; Ro 10,12.15. sa' xk'ab'a' li Jesukriist, a' li xQaawa' chixjunil li ruuchich'och'. 37Laa'ex nekenaw k'aru kik'ulmank sa' chixjunil Judea, kitiklaak chaq Galilea, naq laj Jwan ak xpuktesi resil li kub'iha'; 38yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej#10,38 Is 61,1; Hch 2,22. ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in. 39Ut laa'o qilom, jo'kan naq nokoo'aatinak chirix chixjunil li kilajxb'aanu sa' xteepal Judea ut Jerusalén. Eb' a'an ke'xchirib' chiru jun li che' ut ke'xkamsi; 40ut li Yos kixwaklesi chi yo'yo sa' rox li kutan ut kixk'e chi xk'utb'al rib', 41moko chiru ta chixjunil li tenamit, ka'aj b'an wi' chiruheb' li testiiw sik'b'ileb' ru junxilaj xb'aan li Yos, chiqu laa'o li xoowa'ak ut xoo'uk'ak rochb'een naq ak xwakliik chi yo'yo sa' xyanqeb' li kamenaq. 42Ut kooxtaqla chi xpuktesinkil resil ut xch'olob'ankil xyaalal naq a'an xaqab'anb'il xb'aan li Yos cho'q aj raqol aatin sa' xb'eeneb' li yo'yookeb' ut kamenaqeb'. 43Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

Sa' xb'eeneb' li maawa'eb' aj Judiiy nahoye'k ajwi' li Santil Musiq'ej

44Toj yo ajwi' laj Pedro chi xyeeb'al eb' li aatin a'in, naq kikub'e chaq li Santil Musiq'ej#10,44 A'an li Pentekostés reheb' li maawa'eb' aj Judiiy, reheb' laj gentiles. Chanchan li xb'een Pentekostés (cf. Hch 10,47; 11,15; 15,8). sa' xb'een chixjunileb' li yookeb' chi ab'ink. 45Ut eb' laj paab'anel li ak xk'ulumeb' li sirkunsisyon, eb' li xe'chalk chirix laj Pedro, ke'sachk xch'ool chi rilb'al naq li xsimaatan li Santil Musiq'ej nahoye'k ajwi' sa' xb'eeneb' li maawa'eb' aj Judiiy, 46xb'aan naq neke'rab'i chi aatinak sa' jalanil aatinob'aal#10,46 Hch 2,4. ut chi xnimankil ru li Yos. 47Toja' naq kixye laj Pedro:

—Ma truuq tab'i' xramb'al li kub'iha' chiruheb' a'in li xe'xk'ul li Santil Musiq'ej kama' laa'o?

48Ut kixtaqla xkub'sinkileb' xha' sa' xk'ab'a' li Jesukriist. Toja' naq eb' a'an ke'xtz'aama chiru laj Pedro naq chikanaaq jarub'aq kutan chik rik'ineb'.

Currently Selected:

Hch 10: QQC

Highlight

Copy