Romanos 10

1Hermanos, re nurayij re vánma y chuka' re ninc'utuj cha re Dios, ja-ta che re nuvinak israelitas ye'colotaj-ta#Ro 9.2, 3. chach re quimac. 2Yen ntaman che reje' can niquitaj quik'ij chin che niquitzekelbej re Dios,#Jn 16.2; Fil 3.6. pero man quitaman-ta re andex rubanic niquiban. 3Man quitaman-ta re andex rubanic niquiban chin che man jun quimac ndel chach re Dios. Man quitaman-ta che ja re Dios re nibano chique re vinak che man jun quimac ndel.#Ro 1.17; 3.22, 26; Fil 3.9. Y mare' reje' can niquitaj quik'ij chin che niquiban re nubij re ley chin re Moisés y man niquinimaj-ta re Jesucristo re takom-pa roma re Dios. 4Tak xtane' re ley ja tak xbeka re Jesucristo. Quire' xbanataj chin che xabanchique vinak re xtiniman richin re Jesucristo#Mt 5.17; Ga 3.24. man jun rumac ndel chach re Dios.

5Re Moisés rutz'iban can re andex niquiban riq'uin re ley chin che man jun quimac ndel chach re Dios, y chin che re vinak man jun rumac ndel chach re Dios ja che nuban cumplir ronojel re nubij re ley, y vo xa quire' xtuban can xtuvel-va ruc'aslen re man niq'uis-ta.#Lv 18.5; Lc 10.27. Quire' nubij re rutz'iban can re Moisés. 6Pero re rubanic chin che yoj man jun kamac ndel chach re Dios, tiene que nakanimaj re Jesucristo. Y chij re' quire' c'a nibex: Man tabij pan avánma: ¿Anchique c'a xtiba chila' chicaj chin xto'rc'ama-a re Cristo?#Dt 30.12. Man tabij quire' roma reja' xpa-yan chach re ruch'ulef. 7Y man tabij chuka' quire': ¿Anchique-ta c'a xtapon quiq'uin re anama'i', re c'a anche' jec'o-va, chin xto'rc'ama-pa re Cristo? Man tabij quire' roma reja' xc'astaj-yan-a#1 Co 15.3, 4. chiquicojol re anama'i'. 8Chupan re ruch'abal re Dios nubij: Re ch'abal xa nakaj c'o-va, xa pan avánma c'o-va, y can pan achi' chuka'#Dt 30.14. c'o-va. Quire' nubij chupan re ruch'abal re Dios. Y yoj ja ch'abal re' re nakatzijoj y re ch'abal re' nubij chaka che nic'atzin nakanimaj re Jesucristo. 9Nubij, can nic'atzin che nabij che ja re Jesús jare' re Kajaf,#Mt 10.32; Lc 12.8. y nic'atzin chuka' che nanimaj riq'uin ronojel avánma che re Dios xuban cha re Jesús che xc'astaj-a chiquicojol re anama'i'. Vo xa quire' xtaban, can yacolotaj. 10Y chin che yacolotaj y man jun amac ndel chach re Dios, can pan avánma rat nipo-va chin che nanimaj y chuka' nic'atzin che nabij che ja re Jesús jare' re Kajaf.

11Y chupan re ruch'abal re Dios re tz'iban can, nubij: Conojel re vinak re xque'niman richin, man jun bey xtiquiya' quiq'uex,#Is 28.16; Jer 17.7. roma re rusujun chique, can xtiquic'ul-va. Quire' nubij chupan re tz'iban can. 12Re Dios can junan nuban chaka konojel, vo xa yoj israelitas o vo xa man yoj israelitas-ta. Re Ajaf, can Kajaf-va konojel y xabanchique vinak nic'utun#Hch 10.36; 15.9; Ef 2.4, 7. cha che nuto', can nuto-va, roma reja' camas otz runa'oj kaq'uin. 13Ancha'l nubij chupan re ruch'abal re Dios re tz'iban can: Conojel c'a re xque'c'utun che ja re Ajaf re nita'o quichin,#Jl 2.32; Hch 2.21. can xque'colotaj-va. Quire' nubij chupan re tz'iban can. 14Pero man jun vinak nitiquir nuc'utuj cha re Jesucristo che tucola' chach re rumac, vo xa man nunimaj-ta che ja reja' re nicola quichin conojel. Y chuka' man nitiquir-ta nunimaj, vo xa man ruc'axan-ta chij re anchique nicola quichin conojel. Y chuka' man nitiquir-ta nuc'axaj, tak xa man jun anchique nitzijon cha.#Tit 1.3. 15Y chuka' man jun nitiquir nitzijon, tak xa man jun anchique takayon-a richin. Y chupan re ruch'abal re Dios re tz'iban can, nakatz'at che can nik'alajin che jec'o re je'takon, roma nubij: Camas jabal tak ye'bapon re ye'tzijon re utzulaj ch'abal chin re Dios re nibex evangelio cha,#Is 52.7. y niquitzijoj andex rubanic tak re kánma otz nuna'. Quire' nubij chupan re tz'iban can.

16Pero man conojel-ta ye'niman re utzulaj ch'abal chin re Dios re nibex evangelio cha. Ancha'l nubij re rutz'iban can re Isaías re rusamajel re Dios re xbex profeta cha: Ajaf, tak xkatzijoj re ach'abal chique re vinak,#Jn 12.38; He 4.2. man je q'uiy-ta re xe'niman. Quire' nubij re rutz'iban can re Isaías. 17Y chin che nakanimaj, c'o che nakac'axaj-na re ch'abal. Y re ch'abal re c'o che nakac'axaj, ja re ruch'abal re Dios.

18Y yen Pablo nimbij, che re vinak re' can quic'axan re ruch'abal re Dios. Roma chupan re tz'iban can, nubij:

Can che jun ruch'ulef entero je'aponak-va re ye'tzijon richin.#Sal 19.4; Mt 24.14; 26.13; 28.19; Mr 6.15; Col 1.6, 23.

Xabanchique lugar jec'o-va vinak, chire' c'a nitzijos-va.

Quire' nubij chupan re tz'iban can.

19Y yen nimbij che re kavinak israelitas quitaman re nubij re ruch'abal re Dios. Nabey takatz'eta' re nubij re Dios chupan jun chique re libros re je'rutz'iban can re Moisés:

Jec'o re man je nutenemit-ta y camanak na'oj quiq'uin chij re nuch'abal.

Y ja chique reje' re xtimban-va che xque'oc nutenemit, mare' yix israelitas itzel xtina' chique.#Dt 32.21; Tit 3.3.

Quire' nubij chupan re tz'iban can.

20Pero más k'alaj nubij re rutz'iban can re Isaías, roma re Dios quire' nubij:

Re vinak re man xinquicanoj-ta, can xinquivel-va.

Y can xinc'ut-vi' chiquivach, astapa' can man xquic'utuj-ta nutzijol.#Is 65.1.

Quire' nubij re tz'iban can.

21Pero chiquij re kavinak israelitas re Dios nubij, che nojel tiempo ye'nvayoj chin che ye'pa-ta viq'uin,#Is 65.2. pero xa jac'a reje' re can man yinquijo-ta y man niquinimaj-ta nutzij. Quire' nubij re tz'iban can.

Currently Selected:

Romanos 10: cakY

Highlight

Copy