2 Corintios 8

Re hermanos re jec'o pa tenemit Corinto, otz che niquiya' re qui-ofrenda ancha'l re xquiya' re hermanos aj-Macedonia

1Hermanos, nakajo' chuka' nakaya' rutzijol chiva chij re samaj re xuban re Dios pa tak cánma re jenipa' iglesias re jec'o vova' pa Macedonia.#Hch 16.12. Can nem re utzil xuban re Dios pa tak cánma. 2Roma reje' c'o jun namalaj ofrenda xquimol chin niquitak-a chique re hermanos re c'o qui-necesidad chila' pa Jerusalén. Xquimol re ofrenda re' astapa' quitz'amon ruk'asasic q'uiy tijoj-pokonal, y re tijoj-pokonal re' xaxe chin che ye'tojtobex. Pero re Dios xuban chique che camas ye'qui'cot pa tak cánma. Re hermanos re' camas je meba',#Stg 2.5. pero niquijoyovaj quivach re hermanos re c'o qui-necesidad, mare' xquimol re ofrenda ancha'l xa camas je biyoma'.#Lc 21.1-4; Ap 2.9. 3Can katzij nimbij chiva, che reje' xquiya' re jenipa' ye'tiquir niquiya', hasta xquiya' más cha re jenipa' ye'tiquir niquiya'. Y can quiq'uin-va reje' xalax-va che xquiban quire'. 4Roma mana-ta yoj re xojc'utun chique, xa can jac'a reje' re xe'c'utun utzil chaka, che can takaya' k'ij chique che chuka' reje' niquiya'#Hch 11.29. re qui-ofrenda chin nakac'uaj-a#Hch 24.17. chique re je rajc'ual chic re Dios re jec'o pa tenemit Jerusalén. 5Yoj man jun bey c'a xkanojij che quire-ta niquiban, roma man xe-ta re qui-ofrenda xquiya'#Fil 4.18. chin niquitak-a chique re hermanos#Mt 25.40; He 13.16. re jec'o pa Jerusalén, xa can ja chuka' reje' mismo re xquijach-qui' pa ruk'a' re Ajaf chin niquiban re nrajo' reja', y jare' re más rajkalen. C'are' xquijach-qui' chin yojquito' chubanic re samaj re katz'amon rubanic yoj. Y can ja re Dios re xbano quire' chique. 6Y mare' yoj nakachalabej cha re hermano Tito#2 Co 12.18. che titzolaj iviq'uin pa tenemit Corinto, y re mero re xutz'am can rumolic chi'icojol, can to'rq'uisa' rumolic, roma re jun samaj re' camas rajkalen, roma jun samaj chin utzil. 7Yex camas ibanon confiar-ivi' riq'uin re Ajaf Jesucristo,#1 Co 12.13. can c'o-va más na'oj iviq'uin, y can jabal rubixic niban#1 Co 1.5. tak nitzijoj re na'oj c'o iviq'uin, can riq'uin ronojel ivánma niban re utzulaj tak banabal, y camas yojijo' yoj. Mare' yen ninrayij che can-ta quire' chuka' niban riq'uin re utzil re niban yex, chin che niya' re jenipa' yixtiquir niya' chique#2 Co 9.8. re hermanos re jec'o pa Jerusalén.

8Yen man nimbij-ta chiva che can quire' tibana'.#1 Co 7.6. Re ninjo' chiva ja-ta che yex niban ancha'l re niquiban re hermanos aj-Macedonia. Reje' can pa cánma xalax-va-pa chin xquimol re mero. Yex can tic'utu' chuka' che katzij yixjovan. 9Can itaman chic c'a che re Ajaf Jesucristo camas yojrajo', mare' katzij yoj tak xpa vova' chach re ruch'ulef. Xuya' can re rubiyomal chila' chicaj. Xoc jun vinak#Fil 2.6, 7. re man jun cosa c'o riq'uin.#Lc 9.58. Reja' xuban quire' chin che yoj nakavel-ta re katzij biyomal.

10Y vocame ninjo' ninataj chiva y re' can otz xtuban chiva. Re ninjo' ninataj ja che can jonabir#2 Co 9.2. can tak xalax pan ivánma#1 Co 7.25. chin xitz'am rumolic re mero quichin re hermanos#Pr 19.17; Mt 10.42; He 13.16. re jec'o pa Jerusalén. 11Vocame tiq'uisa' c'a rumolic, ancha'l tak xitz'uc-pa nabey, y can-ta yixqui'cot tak xtiq'uis rumolic. Yen man nimbij-ta che tiene que q'uiy niya', man quire-ta, xa can xe c'a re jenipa' re can ruc'amon che niya', xaxe re' tiya'. 12Roma vo xa pan ivánma xalax-va-pa che niban#Ex 25.2; 35.21; 1 Cr 29.5-9. quire', re Dios can nuc'ul-va chivach re jenipa' ruc'amon che niya',#Mr 12.43, 44. roma reja' nrajo' che niya' re ruc'amon che niya',#Lc 21.3. reja' man nrajo-ta che niya' re manak iviq'uin.

13Y re nimbij chiva, man chin-ta che yex yixc'ue' can pa mamba'el y re ye'c'ulu re i-ofrenda can otz ye'c'ue', man quire-ta. 14Yen quire' nimbij chiva xaxe chin che junan-ta ivach nuban quiq'uin re niquik'asaj tijoj-pokonal.#2 Co 9.12. Roma vocame yex c'o re c'o iviq'uin, y mare' ruc'amon chin ye'to' re hermanos re jec'o pa Jerusalén. Roma man jun atamayon andex nic'alvachij re chakavach-apo, y q'uiba' re chakavach-apo nic'atzin che ja yex re yixto', y xa ja chic c'a reje' re xque'ta'o ivichin. 15Y chi'icojol yex xtibanataj re ancha'l nubij chupan re ruch'abal re Dios re tz'iban can chij re maná re xka-pa chila' chicaj, chin xquitaj conojel vinak israelitas, y nubij quire': Re xumol can q'uiy, manak xuban sobra riq'uin. Re ba-oc xumol can, can man xuban-ta falta cha.#Ex 16.18. Quire' nubij re tz'iban can.

16Y yen camas c'a nintioxij cha re Dios, roma reja' can xuya-va pa ránma re hermano Tito chin che camas yixe'ka chuc'o'x, ancha'l nimban yen iviq'uin. 17Can pa ránma c'a reja' xalax-va-pa che niba chila' iviq'uin. Quire' xunojij roma camas yixe'ka chuc'o'x y man xe-ta roma che xkabij cha che niba chila' iviq'uin chin no'rq'uisa' can rubanic re samaj re rutz'amon can chi'icojol.#2 Co 8.6.

18Y chin che c'o jun ndoc-a ruchibil re hermano Tito, nakatak-a jun hermano#2 Co 12.18. chij. Re hermano re' can jabal taman rach coma conojel iglesias, roma camas samajenak chutzijosic re utzulaj ch'abal chin re Dios. 19Y chuka' reja' can cha'on-a coma re iglesias, chin ndoc-a kachibil po bey tak xtakac'uaj re ofrenda#2 Co 9.8. re nitak-a chique re hermanos re jec'o pa tenemit Jerusalén.#1 Co 16.3. Re ofrenda re' jachon pa kak'a' yoj chin nakajacha' chiquivach re hermanos re niquik'asaj tijoj-pokonal, y riq'uin-ta re nakaban, re Ajaf Jesucristo nuc'ul-ta ruk'ij.#2 Co 4.15. Y re ofrenda re niya-a, can k'alaj-ta che riq'uin ronojel ivánma niya-a. 20Yoj kachajin-ki' roma man nakajo-ta che ye'pa tzij chakij, mare' man kayon-ta yoj re yojmolo y yojacho chin re ofrenda, roma re ofrenda can q'uiy ba'.#Ef 5.15. 21Roma yoj man nakajo-ta che xaxe-ta chach re Ajaf Dios nik'alajin-va ronojel re nakaban,#Fil 4.8. xa can nakajo' chuka' che quire' tik'alajin chiquivach re vinak,#Pr 3.4; Mt 5.16; 6.1-4; 1 P 2.12. che can pa sakil-va nakaban ronojel.

22Y chiquij re je ca'e' hermanos re ye'ba chila' iviq'uin, nakatak chic-a jun hermano re can kataman-va che can nutaj ruk'ij chubanic xabanchique samaj chin re Dios. Y vocame camas nurayij chin napon chila' iviq'uin roma re otz tak cosas ruc'axan chivij, y mare' reja' can niqui'cot no'rbana' re samaj iviq'uin. 23Re hermanos re xque'bapon iviq'uin, can che je oxe' camas je otz. Roma re hermano Tito can vichibil-va,#Fil 2.25. y yinruto' chubanic re samaj chi'icojol yex. Y re je ca'e' chic re xque'oc-a ruchibil re Tito xa ja re iglesias re je'takayom-pa quichin. Reje' can jun utzulaj c'aslen quic'uan, mare' re Jesucristo can nuc'ul-va ruk'ij. 24Mare' nimbij chiva che tak xque'beka iviq'uin re hermanos re je'takon-a, can jabal quic'ulic tibana'. Y napon-ta rutzijol quiq'uin re nic'aj chic iglesias che camas yixjovan.#2 Co 8.7, 8. Can ancha'l-ta re itzijol re kalisan yoj,#2 Co 9.2. che camas yix otz.#2 Co 7.14.

Currently Selected:

2 Corintios 8: cakY

Highlight

Copy