Lev 3

Häp itshätäy tä wichi ilänhen tä yen Lhawuk t'awayhata häp tä lha'isyene

1“Chik iche elh tä tachuma itshäwet tä wuj, tolo tä hin'o wok tä atsinha, tä yachaj n'oye häp tä lha'isyen n'oye, is chik häpe itshäwet tä isilataj wet newache m'ak chik iyej. 2Wet elh tä iwo t'awayhata n'oyej, is chik ihäne itshäwet häp carpa tä owukwe lepe, wet iti'pe takwey häp itshäwet lhetek wet ilän. Wet sacerdotes tä Aarón leles nech'e itsäyhichehena lew'oyis altar lhipey.

3“Elh chik yen otw'ayhata tolo, is chik ihän n'oye lakäsley t'alhä häpkhilek õ'wun, 4lhäy'e lechäntowayis, lhäy'e t'alhä tä iyej, lhäy'e lewho t'alhä, wet t'alhä tä iyej letänek, häp tä is chik õ'lanhi, õhp'ajtej lechäntowayis t'alhä. 5Wet sacerdotes iwunhihola nilhokej tähestso tä iti'pe altar, hip'ajthiyeja itshäwet tä iwunejo lelhetes tä y'oho. Wet nech'e häpehila otw'ayhat tä lenij akäjche tä ikänitlhin'o.

6“Chik iche elh tä yen otw'ayhata häp itshäwet tä niwuja häpkhilek lha'isyen n'oye, is chik häpe itshäwet tä hin'o wok tä atsinha tä isilataj wet newache m'ak chik iyej. 7Chik häpe tson'ataj lhäs tä hiw'en n'oho, is chik itihi tä ottache. 8Is chik ihänho tä carpa tä owukwe tatache, wet iti'pe takwey itshäwet lhetek wet ilän. Wet sacerdotes itsäyhichehena lew'oyis altar lhipey.

9“Elh chik yen otw'ayhata tson'ataj lhäs häp tä lha'isyen n'oye, is chik ihän n'oye itshäwet t'alhä, lhäy'e imälhewek lechäs tä õyiset t'at tä tälho lechäylhile, wet lhäy'e t'alhä tä iyej lheley, 10lhäy'e lechäntowayis, lhäy'e t'alhä tä iyej, lhäy'e lewho t'alhä, wet t'alhä tä iyej letänek, häp tä is chik õ'lanhi, õhp'ajtej lechäntowayis t'alhä. 11Wet sacerdote itihla'pe altar chik iwunhihola nilhokej tähestso, wet häpe n'olhäk tä õ'wunho tä õ'wujyen n'oyej.

12“Chik häpe kayla tä hin'o hiw'en n'oho, is chik itihi tä ottache. 13Is chik ihänho tä carpa tä owukwe tatache, wet iti'pe takwey itshäwet lhetek wet ilän. Wet sacerdotes itsäyhichehena lew'oyis altar lhipey.

14“Elh chik yen otw'ayhata kayla, is chik ihän n'oye nilhokej t'alhä tä iyej lheley, 15lhäy'e lechäntowayis, lhäy'e t'alhä tä iyej, lhäy'e lewho t'alhä, wet t'alhä tä iyej letänek, häp tä is chik õ'lanhi, õhp'ajtej lechäntowayis t'alhä. 16Wet sacerdotes itihla'pe altar chik iwunhihomchela nilhokej tähestso, wet häpe otw'ayhat tä n'olhäk tä lenij akäjche.

“Iwohiyet'ak õkniw'ena n'oho nilhok itshäwet t'alhä. 17Yej letufwayhla, lhäy'e häp lew'oyis. En akeya täja, honhatpej chik lhewhihila, pajla'tha nichäte ales tä lepes lheley.”

Currently Selected:

Lev 3: WCHB

Highlight

Copy