Jer 5
5
Ihichet'a tefwaji chik is tä ihi Jerusalén
1Lhawuk yok:
“Lunchehen hupuy kawayhil tä ihi Jerusalén,
lhäy'e lhipey tä ischephä.
Chik lew'en elh chik häpe
chik iwoye m'ak tä is alhoho
wet t'ukwe m'ak tä matche,
olham otäyhthiyeja häp Jerusalén lheley letes.
2Mat tej tä lhamel iwo olheya
tä ohäpe Dios tä n'ilataj,
w'et iwoye t'at lhämet.”
3Iwuk, let'ukwe wichi tä lehusey isen.
Pajche letasnhen aka wichi, mat iläthit'a.
Lelänej lhamel m'ak tä äytajche, mat lechahit'a.
Häpe iyhäj tä t'unhen, tet iwoye tuntey,
tsi tek iwatläk iwo lehusey iyhäja.
4Tä paj otichunhayaj yok,
Tajlhama iyhäj tä p'elitses
tä iwoye m'ak tä ni'isa,
tsi tek nitäfwelej Dios lhämtes
wet ihanhiyejt'a m'ak tä Lhawuk ihuminche.
5Ohohiyela wichi tä len'ohyaj ihi
tä oyämhoplhi lhamel.
Oyenek lhamel tä nitäfwelej Dios lhämtes
wet äp ihanej m'ak tä Lhawuk ihuminche.
Tha häp tä nilhokej t'at lhamel tä tatayhlä Lhawuk
wet äp lhaifwonlä m'ak tä matche.
6Häp tä tamenej tä nämla letayhfwas wet ilänhihena lhamel,
tehlat iwoye t'owalhas tä tayhlheley
wet äp tehlat iwoye m'awotas tä tälho ts'anis.
Letayhfwas ichowalhiyela Judá lheley kahupuy,
tehlat iwoye hay'äs,
wet iwohla lhipeya elh chik häpe chik inuphä.
Tsi m'ak tä tamenej häp tä iwoye wuj lech'isukyajay,
wet iwohit'a pesa tä ileyejpej Lhawuk.
7Lhawuk yok:
“Tek t'uhawetej chik otäyhat amel ates.
Ales ilet n'oyej wet n'okwiyej
m'ak tä kahäpeya Dios.
Olham ow'enhopej lhäk tä naya,
mat lhamel ihuminhit'an'o
wet lhayachaje lakain'oyaj,
8mälhyej iwoye yel'ataj
tä y'iplhich'oye elh ch'efwa.
9Is chik otasnhen lhamel
tä iwoye m'ak tä mälhyeja.
Is chik ikatej laha tä ow'enho'pe
lech'isukyaj tä iwoye.
Olham tä Lewukn'o olhämet täjtso.
10Is chik letayhfwas tiyäjo oka honhat wet iwasthi,
mat is chik imälhthi lhip.
Nemhit olham tä Olewuk wichi tä ihi,
wet häp tä is chik letayhfwas ilänhen,
tet iwoye tä õyiset hal'ä lhachal.
11Matche tä akantses Israel lhäy'e Judá
tä lhamel ilet n'oyej.
Olham tä Lewukn'o olhämet täjtso.”
Õyen silätyaja n'otasnhayaj tä tatay alhoho
12Israel lhäy'e Judá lhaifwonlä Lhawuk
wet yok, “Dios ihichet'a.
Niwohit m'ak chik ihla n'amejen.
Ihichet'ala n'oka'tshayaj
wet ihichet'ala nehläs.
13-14Häp profetas mälhyej iwoye leyalh tä yafwuthi,
tsi Lhawuk lhämtes newayej lhamel.”
Wet häp tä Lhawuk Dios tä laj letumfwaya
yäm n'oye tä yok, “Tä lhamel iwoyetso,
wet häp tä lewit'äyhyaj ihihila.
Otälhthichela hak'aj olhämtes
tä tehlat iwoye itäj lhal,
wet iwunhihomchela wichi, tehlat iwoye itäj huy.”
15Lhawuk yok:
“Israel, ochäjla amehen atayhfwas
tä tälhe honhat tä atofwey.
Häpe wichi tä pajchehen wet äp takhajayhen,
wet amel leläthiyet'a lhämtes,
lehanhiyejt'a m'ak tä lhamel yäme.
16Nilhokej lhamel tä n'oka'tshayajchal wet t'otle t'unhen,
wet lelutses hal'äy häpe t'at tä n'ot'ilek tälhe.
17Lhamel tufwila achumet lhay lhäy'e m'ak tä äk,
wet ilänhihena amel alesay,
wet tufwenla aläy tson'atas lhäy'e tolo lhayis,
wet ihämthila achumtes,
wet iwasthihila aka hupuy tä takhajayhen
tä wuj tä let'ekhaye.”
18Wet Lhawuk äp yok:
–Lewhäytso, tej chik tehlattso oka wichi lewit'äyhyaj, tha nilhokhiyejt'ala lhamel chik otäyhthen. 19Wet chik lhamel tay'ätshan amehen tä yok, “¿Chipte tä Lhawuk Dios iwoyej n'oyehen tähesna?”, is chik lechulho lhamel tä lhok, “Tsi häp tä amel leleyej Lhawuk tä lheyayhi aka honhat, wet lhenay awuhuya dios lhayis tä w'enha lhamejen. Wet tehlattso chik wichi iyhäj tä w'enha lhamejen lhayenla amel awuhuya chik lheyayhi honhat tä ka'alewuka.”
T'unhen wichi lehusey
20“Fwenhomche Judá lheley,
häp wichi tä tälhe letes Jacob.
21Ok, “Ch'ahuyaye täja,
amel tä wichi tä ni'isahen
lhäy'e tä laj lehuseya,
tä tatelhoy ihi mat tek hiw'enchehen honhat,
wet lech'otey ihi mat tek ilätchehen honhat.
22Olham tä ohäpe Awuk Dios oyok,
¿Chipte tä lhenn'o w'et m'ayeka?
¿Chipte tä kanowaya n'oye?
Olham tä oyente lewomekitaj pesa häp holotaj
häpkhilek inät ninuya lew'echehi.
Tej chik äytaji lepak tä iwo lhetheya,
mat tek isakantshi tsi len'äyij ihihit'a.
23Amel ahusey t'unhen wet alhenay otayhfwasa.
Häp tä tamenej tä lele n'oyej wet lhek n'och'oye.
24Amel lhohit'akwe, N'awujyen Lhawuk Dios,
tsi lham tä ichenpej n'amehen pelhay
tä nichäte lewhäy tä fwiy'etil lhäy'e tä inawop,
wet lewhäy tä yachup y'aw'en lhay tä tälho lhachumtes.
25“Mat tä amel lewo hach'isukyaja,
häp tä tamenej tä tatäy amejen tähestso
wet äp nemhit i'amejen m'ak tä is.
26Tsi iche hin'ol tä ni'isahen tä iyej oka wichi,
mälhyej häp afwenche kotses tä yen afwenchey,
häp tä iwoynejatso tä ichowalh iyhäj.
27Yäm tapokwe lewukwey m'ak tä t'etantes,
mälhyej tä afwenche kotses
yäm tapokwe lehis häp afwenchey.
Wet häp tä lhamel lhaiwujyenejen t'at
m'ak tä wuj tä isakanejen,
28wet yätajen, häp lhäk tä naya tä hiw'en,
wet lajit lepesa tä ni'isa m'ak tä iwoye.
Tek tach'ote chipenhas
wet hip'altsenhit'a wichi tä p'elitses,
tek iwoyeje lhamel m'ak tä is alhoho.
29Is chik otasnhen lhamel
tä iwoye m'ak tä mälhyeja.
Is chik ikatej laha tä ow'enho'pe
lech'isukyaj tä iwoye.
Olham tä Lewukn'o olhämet täjtso.
30“Iche m'ak tä hich'atej
tä ni'isache tä ihi honhat:
31Häp profetas yen silätyaja m'ak tä kamatache,
wet sacerdotes iwoyet m'ak tä lhamel tä letichunhayaj,
wet häp tä oka wichi ihuminche t'at tähestso.
Mat ¿atsihila m'ak chik lewoye amel chik nichäte lepes?”
Currently Selected:
Jer 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
