Heb 5
5
1Nilhokej Sacerdote tä Lhamya häpe hin'o tä õttshupiye tä õtchuma tä tälhe iyhäj, yämlek tach'oteje wichi m'ak tä Dios ihuminche. Lhayen lewoyayej m'ak tä õyen Dios t'awayhata lhäy'e itshätäy tä õ'länhenpe n'och'isukyajay. 2Wet tä hin'o t'at wet lak'efwhayaj ihi, wet ihanej che iteläytejen wet hip'altsenhen wichi tä nhanayej m'ak tä iwoye wet wetahen. 3Wet häp lham lech'isukyaj tä iyej, häp tä iwohiyet'ak niläna'pe itshäwet, mälhyej tä ilänhenpe wichi lech'isukyajay.#Lev 9.7 4Wet nehit katsik lham t'at tä lhayene Sacerdote tä Lhamya, tajlhamat che Dios lham tä t'äne, wet häp tä nech'e hiw'enho len'ohyajtso, mälhyej iwoye Aarón p'ante.#Éx 28.1
5Wet Cristo mälhyej'attso, lhamhit'a che lhaiwujyen tä lhayen häpeya Sacerdote tä Lhamya, mat Dios tä hiw'enho len'ohyajtso. Tsi tahuyej tä yok:
“Ahäpe Olhäs.
Tälhe fwalana Ajchan'o.”#Sal 2.7
6Häte ihi N'olesaynhay lhip elh tä ifwenho tä yok:
“Ahäpe sacerdote yämlek tiyäj'attsiy,
mälhyet iwoye Melquisedec p'ante.”#Sal 110.4; Gén 14.8
7Häp fwalas tä Cristo ihi honhatna, ifwitsenej lechos tä iwo t'alhyaja wet lhafwyhayaj ihi tä lhaip'altsene Dios, häp lham tä lakhajyhayaj ihi yämlek ifwayhtej t'ilek.#Mar 14.32-42 Wet tä Dios hiw'en tä lhay'ayhatchä, häp tä tach'ahuye häp t'alhyaj. 8Wet mälhyejtso, Cristo tä iwo leteläythayaja, lhaichufwenej t'at tä iwoye m'ak tä Dios ne'tek iwoye, tej tä häpe Dios Lhäs.#Mar 14.36; Juan 10.18; Fil 2.8 9Wet tä le'isyaj wak'alhej täjtso, nech'e häpe elh tä ichätyene lefwayhyaj tä najit lepesa nilhokej wichi tä iwoye lhämtes. 10Wet Dios yok, “Ahäpe Sacerdote tä Lhamya, mälhyet iwoye Melquisedec p'ante.”
Lewit'äyhyaj ihi elh tä ileyej t'ekhahyaj
11Wuj olhämet tä ot'uhläk ofwel amhohen häpet m'ayhay tä oyämetso. Mat chik ofwetaj oy'ithat amhohen, lehanhiyejt'ala, tsi yiwalh tä lhenay atichunhayaja yämthilek lehanej. 12T'uhawethiyej chik ahäpehen wichi tä ihanej iwoyneje chik ichufwenhen iyhäj, tsi pitaj lewhäy tä Dios lhämet i'amejen. Matkat n'äl tä iwatläk lhachajo tä õy'ithat amhohen Dios lhämtes tä ni'thayahen. Tsi aletech'aynayej nä'tshas tä lelemsas, hätet iwoyek leyäyej at kat'os, häpkhit'a äk tä t'un tä lewatlä. 13Wet elh tä tip ihanhiyejt'a m'ak tä is alhoho, tsi han'äfwaj t'at.#1~Cor 3.2 14Mat lhamel tä tuj lhäk tä t'un häpehen iyhäj tä thänhäy, häp wichi tä lehusey pajche ihoyanlä wet nitäfwelej m'ak tä is lhäy'e m'ak tä ni'isa.
Currently Selected:
Heb 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
