Gén 5
5
Adán leles
(1~Crón 1.1-4)
1-2Tä Dios yenlhi p'ante hin'o, itech'ayen lhamej. Yenlhi hin'o lhäy'e atsinha wet takäpfwayeje m'ak tä is. Häp ifwala tä Dios yenlhi lhamel, Dios yok:
–Lheyla wichi.
Häp täja lheyis häp Adán leles. 3Tä Adán hiw'en p'ante ciento treinta (130) nekchämis, wet nech'e iche p'ante lhäs tä lhey Set, wet wuj tä nichätche häp lajcha. 4Tä tajyäme täjtso, Adán hiw'en ochocientos (800) nekchämis iyhäj, wet iwo leles iyhäja tä hin'ol lhäy'e tä atsinhay. 5Tä mälhyejtso, Adán hiw'en novecientos treinta (930) nekchämis, wet häp p'ante tä y'il.
6Tä Set hiw'en p'ante ciento cinco (105) nekchämis, wet nech'e iche p'ante lhäs tä lhey Enós. 7Tä tajyäme täjtso, Set hiw'en ochocientos siete (807) nekchämis iyhäj, wet iwo leles iyhäja tä hin'ol lhäy'e tä atsinhay. 8Tä mälhyejtso, Set hiw'en novecientos doce (912) nekchämis, wet häp p'ante tä y'il.
9Tä Enós hiw'en p'ante noventa nekchämis, wet nech'e iche p'ante lhäs tä lhey Cainán. 10Tä tajyäme täjtso, Enós hiw'en ochocientos quince (815) nekchämis iyhäj, wet iwo leles iyhäja tä hin'ol lhäy'e tä atsinhay. 11Tä mälhyejtso, Enós hiw'en novecientos cinco (905) nekchämis, wet häp p'ante tä y'il.
12Tä Cainán hiw'en p'ante setenta nekchämis, wet nech'e iche p'ante lhäs tä lhey Mahalalel. 13Tä tajyäme täjtso, Cainán hiw'en ochocientos cuarenta (840) nekchämis iyhäj, wet iwo leles iyhäja tä hin'ol lhäy'e tä atsinhay. 14Tä mälhyejtso, Cainán hiw'en novecientos diez (910) nekchämis, wet häp p'ante tä y'il.
15Tä Mahalalel hiw'en p'ante sesenta y cinco nekchämis, wet nech'e iche p'ante lhäs tä lhey Jared. 16Tä tajyäme täjtso, Mahalalel hiw'en ochocientos treinta (830) nekchämis iyhäj, wet iwo leles iyhäja tä hin'ol lhäy'e tä atsinhay. 17Tä mälhyejtso, Mahalalel hiw'en ochocientos noventa y cinco (895) nekchämis, wet häp p'ante tä y'il.
18Tä Jared hiw'en p'ante ciento sesenta y dos (162) nekchämis, wet nech'e iche p'ante lhäs tä lhey Enoc. 19Tä tajyäme täjtso, Jared hiw'en ochocientos (800) nekchämis iyhäj, wet iwo leles iyhäja tä hin'ol lhäy'e tä atsinhay. 20Tä mälhyejtso, Jared hiw'en novecientos sesenta y dos (962) nekchämis, wet häp p'ante tä y'il.
21Tä Enoc hiw'en p'ante sesenta y cinco nekchämis, wet nech'e iche p'ante lhäs tä lhey Matusalén. 22Enoc iwoye p'ante Dios lenech'ethayaj. Wet tälhe tä nech'e iche lhäs Matusalén, hiw'en trescientos (300) nekchämis iyhäj, wet iwo leles iyhäja tä hin'ol lhäy'e tä atsinhay. 23Tä mälhyejtso, Enoc hiw'en p'ante trescientos sesenta y cinco (365) nekchämis. 24Wet tä Enoc iwoye t'at Dios lenech'ethayaj, Dios p'ante ichäj iläyej, wet wichi nemhit hiw'en.#Heb 11.5
25Tä Matusalén hiw'en p'ante ciento ochenta y siete (187) nekchämis, wet nech'e iche p'ante lhäs tä lhey Lamec. 26Tajyäme täjtso, Matusalén hiw'en setecientos ochenta y dos (782) nekchämis iyhäj, wet iwo leles iyhäja tä hin'ol lhäy'e tä atsinhay. 27Tä mälhyejtso, Matusalén hiw'en novecientos sesenta y nueve (969) nekchämis, wet häp p'ante tä y'il.
28-29Tä Lamec hiw'en p'ante ciento ochenta y dos (182) nekchämis, wet nech'e iche p'ante lhäs tä yen lheya Noé. Tsi yok:
–Lhawuk takäpfwayeje p'ante lewit'äyhyaj häp honhat, mat häp han'äfwajna tamenhiyeja chik nemla wuj tä äytaj lhachumet.#5.28 Häp n'olhey Noé yiwitej n'olhämet p'ante yok, Nem äytaj.
30Tälhe tä Noé iche, Lamec hiw'en quinientos noventa y cinco (595) nekchämis iyhäj, wet iwo leles iyhäja tä hin'ol lhäy'e tä atsinhay. 31Tä mälhyejtso, Lamec hiw'en setecientos setenta y siete (777) nekchämis, wet häp p'ante tä y'il.
32Tä iche p'ante Noé leles tä lheyis Sem, Cam lhäy'e Jafet, lham hiw'en quinientos (500) nekchämis.
Currently Selected:
Gén 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
