Éx 6
6
1Lhawuk nichulho Moisés wet yok:
–Athana lew'enla m'ak chik owohiyejela niyat. Elh ihichet'a m'ak chik amel aisej, tajlhama okhajyhayaj. Wet lham tach'anlhahlat amehen chik lhekch'oye laka honhat, wet äp lhamla t'at chik yok, “¡Mähen!”
Dios yachajo tä t'äne Moisés
2Wet Dios tahuyej Moisés tä yok:
–Ohäpe Awuk Dios. 3Olhain'ältejte Abraham, Isaac, lhäy'e Jacob, tä ohäpe Dios tä lajit letumfwaya.#Gén 17.1; 28.3; 35.11 Mat tek ofwenhohte lhamel häp olhey tä matche, tä ohäpe Lewuk Dios tä N'ilataj.#Éx 3.13-15 4Häte owoyejehte olhämet tä ot'untejche lhamel, wet ofwenhohte tä ow'enhihola lhamel häp honhat tä Canaán, häp honhat tä lhamel nichätho p'ante tä ilunpehen honhat häp ifwalas tä tajyämetso. 5Athana tä oläte lhamel lelhakli häp Israel lhayis wet ow'en leteläythayaj tä Egipto lheley ichumyenwethä, wet otichunche olhämet tä pajche tä ot'unhatche. 6Tä mälhyejtso, mäh hoye Israel lhayis wet fwenhola tä olham tä Lewuk Dios ofwayhthiyeja tä õyen kwenkaya, lhäy'e lechumet tä äytajche tä Egipto lheley iwoyeje. Oneyhthiyejphäla otkwey okhajyhayaj wet otasnhiyeja otasnhayajay tä äyteschehen, häpkhilek ofwayhthen Israel lhayis. 7Otchumhiyela lhamel wet oyenla oka wichiya, wet ohäpkhila lhamel laka Dios. Wet ihanhiyeja tä olham ohäpe Lewuk Dios tä ifwayhtejen lechumtes tä äyteschehen tä Egipto lheley iwoyeje. 8Ohänhiyela honhat tä pajche ofwenho p'ante Abraham, Isaac, lhäy'e Jacob, tä oyok, “Ow'enhihola amel wet alewuhuyla.” Ohäpe Awuk Dios.
9Tä Moisés iläte Dios lhämtesna, ihoye Israel lhayis wet ifwenhomche. Mat lhamel tach'ahuhiyet'a, tsi nemhit takhajayhen tä äytajche tä õyen kwenkaya.
10Wet Lhawuk tahuyej Moisés wet yok:
11–Mäh hoye Egipto kaniyat, olak, “Wahintshi Israel lhayis tä yikch'oye Egipto.”
12Mat Moisés nichulho Lhawuk wet yok:
–Tä Israel lhayis nitch'ahuya n'oye, ¿hä niyat tach'ahuhila n'oye tä olhämtes ni'isachehen tä ofwetaj oyämlhi?
13Tä mälhyejtso, Lhawuk ichene Moisés lhäy'e Aarón häp Israel lhayis lhäy'e niyat, wet yok:
–Fwenho lhamel tä olham t'at tä one'tek amel letonphä Israel lhayis tä ihi Egipto.
Häp täja lheyis häp Aarón lhäy'e Moisés lechätilis p'ante, lhäy'e Aarón leles
14Häp Israel lhäs elh tä lechunkatsek tä lhey Rubén, leles häpehen p'ante Hanoc, Falú, Hesrón, lhäy'e Carmi. Häp tähestso Rubén kawichi letetsel.
15Wet Rubén lech'inij tä lhey Simeón, leles häpehen Jemuel, Jamín, Ohad, Jaquín, Sóhar, lhäy'e Saúl tä lako häpe Canaán lheley ka'tsinha. Häp tähestso Simeón kawichi letetsel.
16Wet Simeón lech'inij tä lhey Leví, leles häpehen tähesna, tä tälhe elh tä thaläkw pajtha nichäte elh tä lepes, ichun Gersón, Coat, lhäy'e Merari. Wet Leví hiw'en p'ante ciento treinta y siete (137) nekchämis, wet y'il p'ante. 17Wet Gersón leles häpehen Libni lhäy'e Simey, wet wujpey wichi tä tälhe. 18Wet elh tä lhey Coat leles häpehen Amram, Ishar, Hebrón, lhäy'e Uziel. Wet Coat hiw'en p'ante ciento treinta y tres (133) nekchämis, wet y'il. 19Wet Merari leles häpehen Mahli lhäy'e Musi. Häp tähestso Leví leles, tälhe elh tä thaläkw pajtha nichäte elh tä lepes.
20Wet Amram yen ch'efwaya lewit'oj tä lhey Jocabed, wet tä iwo lhäsa, häpe Aarón lhäy'e Moisés. Amram hiw'en p'ante ciento treinta y siete (137) nekchämis, wet y'il.
21Ishar leles häpehen Coré, Nefeg, lhäy'e Zicri, 22wet Uziel leles häpehen Misael, Elsafán, lhäy'e Sitri.
23Aarón yen ch'efwaya Aminadab lhäse tä lhey Eliseba tä häpe Nahasón lech'inhä. Tä iwo lhäsa, yen lheya Nadab, elh lhey Abihú, elh lhey Eleazar, lhäy'e Itamar.
24Wet Coré leles häpehen Asir, Elcana, lhäy'e Abiasaf. Häp tähestso letetsel wichi tä tälhe Coré.
25Wet elh Aarón leles lhey Eleazar yen ch'efwaya atsinha tä lajcha Futiel. Wet iwo lhäsa wet yen lheya Finees. Häp tähestso Leví leles kaniyatey, wok oyok, letetsel.
26Wet Aarón lhäy'e Moisés, häpe t'at lhamel tä Lhawuk ne'tek itonphä Israel lhayis tä ihi Egipto wet lhamel lhayen nifwotaja. 27Wet Moisés lhäy'e Aarón ihoye Egipto kaniyat wet yok:
–Wahintshi Israel lhayis chik yikch'oye aka honhat.
Dios t'äne Moisés lhäy'e Aarón
28Ifwala tä Lhawuk tahuyej Moisés tä ihi honhat tä Egipto, 29yok:
–Ohäpe Awuk Dios. Fwenho Egipto kaniyat nilhokej m'ak tä ofwel amho.
30Mat Moisés yok:
–Iwuk, ohäpe hin'o tä lhämtes ni'isachehen. Niyat iwohiyet'ala olhämet.
Currently Selected:
Éx 6: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
