Éx 17
17
Inät tälho chenaj
1Israel lhayis yikch'oye ts'anis tä lhey Sin wet lhamel tujlhache len'äyij. Lhamel yikpej wet takasitpej, mälhyej tä Lhawuk ne'tek lhamel iwoye. Wet lhamel nichäte p'ante lhip tä lhey Refidim, wet iwo kasthawetahi. Mat inät ihihit'a lhiptso yämthilek wichi iyäyej. 2Tä mälhyejtso, wichi iwoyeje lhämtes häp Moisés wet yok:
–¡W'en n'ohohen inät!
Moisés nichulho lhamel wet yok:
–¿Chipte tä let'änayej n'o'pe täjtso? ¿Chipte tä lhelhtaye Lhawuk?
3Israel lhayis yok:
–¡Ochimhen!
Wet lhamel wuj tä tatayhlä Moisés wet yok:
–¿Chipte tä letonphä olhamel tä oihi Egipto wet lelän n'oyejen neheläp, lhäy'e oles, lhäy'e oläy?
4Tä mälhyejtso, Moisés t'änch'oye Lhawuk wet yok:
–¿Atsi m'ak tä owoyeje wichina? ¡Tatäy lhimphaj wet lhamel ithathilhila n'oyej tuntey!
5Lhawuk nichulho wet yok:
–Äne iyhäj hin'ol tä thänhäy wet achunlä wichi. Wet chäj atsutnaj let'ajeji tewok Nilo tä ihi Egipto wet mähen. 6Hoye Horeb, wet olham oihla'pe chenaj tä ihi wet onihihla ahilä. Wet chik let'aj chenajna, inät tälhihola häpkhilek wichi iyäyej.
Moisés iwoye t'at m'ak tä Lhawuk ne'tek iwoye, wet hin'ol tä thänhäy tä yikche hiw'en t'at. 7Wet lham yen lheya honhattso Masah wok Meriba. Masah häpe n'olhämet tä õyok, n'olhelhtshayaj, wet Meriba häpe n'olhämet tä õyok, õt'änejpe. Tsi Israel lhayis iwoye lhämtes tä t'änejpe Moisés. Wet tä äp õyen lheya Masah, häp tä lhamel iwoye lhämtes tä hätet iwoyek lhelhtshayaj tä itiyej Lhawuk tä lhamel yok, “¿Hä Lhawuk in'oyejen, wok newa n'oyejen p'iya?”
Israel lhayis iwo ka'tshayajayej Amalek lhayis
8Amalek lhayis ihoye Refidim yämthilek iwo ka'tshayajayej Israel lhayis. 9Wet Moisés tahuyej Josué wet yok:
–Ähi hin'ol tä takhajayhen wet mäh, tayhlä Amalek lhayis. Chik nech'e fwala olham oihla'pe chenaj tä atojphä l'ini, wet otsut tä Dios ne'tek ochäj ihihila otkwey.
10Josué iwoye Moisés lhämet wet yik tä tatayhlä Amalek lhayis. Wet Moisés, Aarón lhäy'e Hur, lhamel iho'pe chenaj tä atojphä. 11Tä Moisés itiphäpej takwey, Israel lhayis takhajayhen. Mat tä nitiyaphä takwey, nemhit takhajayhen Israel lhayis. 12Wet tä Moisés takweyey y'ilchehen, Aarón lhäy'e Hur tachuma tunte wet Moisés tatayphä'pe. Wet Aarón tumej lhip elh wet Hur tumej lhip elh, wet lhamel ineyhatphä Moisés takweyey. Wet Moisés itiphä t'at takweyey pajtha ifwala y'uy. 13Wet Josué ikalhi letayhfwas Amalek lhayis wet ilänhen lhamel.
14Wet Lhawuk tahuyej Moisés wet yok:
–Lesayen täjtso wet tihi lehi häpkhilek wichi tek hip'ethatlä. Wet fwenho Josué tä otäyhthila Amalek lhayis wet nemla iche.#Deut 25.17-19; 1~Sam 15.2-9
15Wet Moisés yenlhi altar wet yen lheya tä yok, “Lhawuk häpe oka Bandera.” 16Wet äp yok:
–Tä Amalek lhayis tatayhlä Lhawuk niyatyaj, Lhawuk iwohla laka'tshayajayej lhamel pajla'tha nichäte leles tä lepes lheley.
Currently Selected:
Éx 17: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
