Matiyo 24:37-39

Ndɔ ree lə Ŋgon-dəw lé a to asəna gə ndəa ka̰ Noe gə́ né teḛ ne dɔ dəwje’g lé tɔ. Mbata mee ndəaje gə́ kédé ɓa mán bélm taa ne loo ɓəi lé dəwje d’usɔ gə d’ai ləm, diŋgamje gə denéje taa na̰ ləma, ŋgan deeje kara taa na̰ ləm tɔ saar Noe ḭ ne kág uru ne mee bato’g, ar dəwje d’isi ne dɔ mbə’g jugum saar ar mán bélm ḭ unda dee ne naŋg rə̰dəŋ-rə̰dəŋ taa dee ne loo yal-yal lé tɔ. Pia gə́ ka̰ Ŋgon-dəw gə́ a gə ree lé nja to kən.