Ojee 3
3
Ojee tel ɔm na̰’d gə dené ləa gogo
1Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé. 2Yen ŋga ma m’tel m’uga dəa gə ŋgan larnda as dɔg-giree-mi ləm, gə kó-ɔrj as ɓɔl misa̰ ləm tɔ. 3Ma m’ulá m’pana: Maji kari si səm gə kuri ŋga ɓó i a ra rɔi gə́ kaiya-dené el ləm, a to ka̰ diŋgam gə́ raŋg el ləm tɔ ndá ma kara m’a ra səi togə́bè ya tɔ.
4Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ. 5Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.
Currently Selected:
Ojee 3: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.