(Apocalipsis) 12

Nuwa

1Nayaimpinum anentai jegagmainchau wantinkabi: makichik nuwa etsaya imanun nugkuaju, nawe aina nuna wakentin nantu ajibi, buukenchakam corona doce yaya batsakbaun atsejaku. 2Ejamtin asa, uchigmaktatus najaimak waitiak senchi untsumayi.

Dragón

3Nuigtushkam nayaimpinum tikich wantinkabi: makichik dragón muun kapantaku, ajibi siete buuké aidau, nuigtú diez kachují aidau, makí makichik buuké aina nuig corona ajiagmayi, 4ujuken nayaimpinmaya yaya aidaun jimaitukjin amaisattak amainun tajak juki nugká akakekmayi. Nunik dragón nuwa uchigmaktatus puja nuna eemtin wajanmayi, uchi yamá akiinunak yuatatus. 5Nuniai nuwak aishmagkun uchigmakmayi, ashí nugkanum niina senchijijai inamjatna nuna; tujash uchijinak jujukiag Apajuí ekeemtaijin eketbaunum iwakagmayi. 6Nuwak uwegshunum tupikakmayi, nui pujusmatai mil doscientos sesenta tsawantai yumainun susatnume tusa, Apajuí ni pujustinun umigkauwa nui.

7Nuniku ai nayaimpinum maaniamu asabi, Miguel niina angelji aidaujai dragogjai maaniagmayi. Dragogshakam ashí niina angelji aina nujai ijunag maaniagmayi; 8tujash depetkachmayi nuigtushkam dita pujumainuk nayaimpinmag atsusmayi. 9Nunikmatai dragón yaunchuk dapi tujakbau, Iwanch Satanás tutai, ashí nugkanum tsanumá wekaena nunak, ashí niina angelji aidaujai jiikí nugká ajapawagmayi.

10Dutikamtai nayaimpinum senchi pampaidaun antukmaijai:

“Yamaik tsawan uwemat jegae,

iina Apajuiji niina senchijijai inamjatta nunú,

niina Uchijí Cristo inamjatta dushakam;

wagki iina yachi aidaun tsawai kashijai iina Apajuiji eemtin tsanumjú wekaenuwe duka jiikí ajapamu asamtai.

11Ditak Uwijá numpejai nuigtú,

niina chichame etsegbauwa nujai depetmakaje,

nuigtush ditá pujutinash puyatjukchaje

jakagtatus uminas yujaidau asag.

12¡Nuadui nayaim batsatutigmek shiig aneastajum! Tujash ¡Wait anentajime nugkanum, nayantsanum batsatainajum nunak!

Wagki Iwanch tsawan piipich juwatka nuna dekau asa

senchi kajeká atumin akaetugmakiu asamtai”, timayi.

Dragón kajek nuwa ainjamu

13Dragón nugkanum ajapamu asa, nuwa uchijin aishmagkun uchigmakua nuna ainmayi. 14Dutiktai nuwan, ukukui nanapen shiig muuntan jimajan susabi, dutikam nanaak uwegshunum weak dragognak ukuktí, nunik nui kampatum mijan jimaituk pujusmatai yutain susatnume tusa. 15Nunikmatai dragón, weninian yumin jiikí makichik namakan najanabi nuwá amainag tajaká jukiti tusa. 16Tujash nuwanak nugka ayamjukmayi, nugka ujani dragón weninian yumin namaka najana awetimunak uwag amukmayi. 17Dutikamtai dragón nuwan senchi kajegkabi, nunik nuwá patayí weantu aidaujai maaniatatus wejibi, Apajuí chicham umiktajum tibaun umiina nujai, nuigtush Jesusan pachis etsegtuina nujaishkam. 18Nunik dragogkak nayantsan uwetus wajanmayi.

Currently Selected:

(Apocalipsis) 12: AGR

Highlight

Copy