(Evangelio según San Lucas) 18
18
Nuwa waje juez pegkegchaujai pachisa augmattsamu
1Jesús juna augmattsauwai mijamtsuk Apajuí tuke augmaina nuna pachis jintinkagtuata tau asa. 2“Makichik yaaktanum makichik juez pujujakui, Apajuinash ishamsash anentaimtuchu, aentsnash eme anentsagkesh diichu. 3Nunú yaaktanmag pujujakui makichik nuwa waje, nunú shiwaji utugchat aputusam juezan jegajua: ‘Jujú epegtujuata’, tusa segau. 4Tusa imatjú pujugmash yaitnak dakitú pujau asa nigki anentaimas: ‘Apajuin ishamsanush anentaimtuchu, aents aidaunash ajantusnush diichu akunush, 5ju nuwa waje waa wamak tajutak waitkaja juní pujui yaigkan epegtuatjai dutikam, agkan idaitusti’ ”, tiuwai.
6Tusa nuigtú Apu Jesús chichaak: Juez pegkegchaukesh aatus tiuwa nunin aish; 7¿Apajuish ni etejamu aidau kashi tsawaijai untsuamash, wagkag ayamjukchati? ¿Wamak aitskesh idaimainkaih? 8Dekas tajime Apajuik waamak yaimpamainai. ¿Tujash wi Aentsmaga akiinauwaitag nuna ataktú ju nugka jui taatnaitag nuniaknush aents dekaskeapi taunash wainkatnashitag?, tiuwai.
Fariseo nuigtú apú kuichkiji atinun ijumnujai pachisa augmattsamu
9Ujumak aents aidau dita imá pegkejan takauwa iman anenmamainak, tikich aidaunak imanchauch diidau asagmatai, Jesús jujú augmatbaun pachis chichaak: 10Jimag aents Apajuin ausatatus jega Apajuí ememattainum weajui, makichik fariseo, tikich apú kuichkiji atinun ijumnujai. 11Nunik fariseo Apajuin aujak wajai wajas: Apawah, see tajame, wika tikich aents aidau kasa, pegkegchau takau, tsanijimtan wekaetin, jujú apú kuichkiji atinun ijumin puja juninkesh atsujai; 12wika makichik semanatin jimag tsawantai ayunó wajaujai, nuigtushkam kuichkinash ashí wi juamunak diezmó wajaujai, tau. 13Tujash apú kuichkiji atinun ijumnuk kanaká iká wajas, nayaimpinash pagkai diitsuk, detsepen ijuak: “Apajuiyah, wika tudauwaitjai, minash wait anenjugta”, tiuwai. 14“Wika tajime, nunú aatus tiuwa nu pegkeg Apajuí emtin wantinak waketai, tikichia duka nunikchauwai. Wagki nigki eme anenmama duka, imanchau diyam atinai; untsu imanchau diyamua nu eme anentam atinai”, tiuwai.
Jesús uchi ikautkamu
(Mt. 19.13-15; Mr. 10.13-16)
15Nuna tusa ashimkamtai uchi aidaun Jesusan ikautuidau antinjukti tusag. Imatikiagtai ni jintintaiji aidau wainkag uchigtin aidaun jiyaidau. 16Tujash Jesús, uchin untsuká:
—Idaisatajum, uchi aidauk minai minitnume, utujiakaigpajum, wagki Apajuí inama duka, jujú uchi aina junin aina nudauwai. 17Dekas tajime: Aents aidau, uchi mina anentaimjutuina imanis anentaimjutuinachuk, Apajuí inamak amain ainatsui, tiuwai.
Datsauch wiyakuch Jesusan iniasbau
(Mt. 19.16-26; Mr. 10.17-27)
18Makichik apu Jesusan iniak:
—Maestro pegkejah, ¿wajina dutikmainaitja pujut tuke atina nuna jukitasanush? tau.
19Tama Jesús ayaak:
—¿Wagka pegkejá tujutme? Makichkish pegkejak atsawai, imá Apajuiya duke pegkejak. 20Amek dekame chicham umiktin agagbaunum: “Tsanijinawaipa, magkagtuawaipa, kasamkaipa, wainkamek tsanumkagtujaipa, amina apa dukujai eme anentsam diistá” tawa nunú, tau.
21Tama ni chichaak:
—Wika nunak datsauch nagkamsanuk ashí umikuitjai, tau.
22Nuna tutai Jesús antuk ayaak:
—Nuigtú makichik umimain ajutjamui: ashí amina ajutjamaina duka sujukam ujunauch aina nu tinamkata. Nu dutikawamin nayaimpinum wajiigmik ajutjamtinai. Nu dutika ukuakum mina nemagtukta, tiuwai.
23Tujash nu tama wake besekú, wagki shiig wiyakuch asa. 24Nunik senchi wake besektatman Jesús wainak chichaak:
—¡Shiig utugchatai wiyakuch aidau Apajuí inamtaijin wayata tabauk! 25Camello aujá jiin waigká nagkaemamain yupichuchia nuna nagkaesau utugchatai, wiyakuch Apajuí inamtaijin wayatag tabauk, tiuwai.
26Nu tabaun tikich aidaushkam antukag, iniimainak:
—¿Yaki tujash uwemjaush amainaita? tuidau.
27Tiagtai Jesús ayaak:
—Aents aidau dutikmainchauwa nunak Apajuí dutikmainai, tiuwai.
Mina nemagtuidauk ditanu ukukbaujin nagkaesau jukiagtinai tibau
(Mt. 19.27-30; Mr. 10.28-31)
28Tutai Pedro ayaak:
—Apuh, jutii aidautik ashí iina ajutjamaina duka ukuinaku, ame nemagkabiaji, tau.
29Tutai Jesús ayaak:
—Dekas tajime, ashí aents Apajuí inabaujin etsejuinak jeen, nuwen, yachi aidaun, uchijí aidaun, apajin dukujijai ukukiag yujaidauk, 30jujú nugka jui pujusash, ni ukukbaujin nagkaesau jukiagtinai, nuigtú atak atina duish pujut tuke atina nunash jukitnai.
Kampatuma juna Jesús ni mantamnatnuji etsegkamu
(Mt. 20.17-19; Mr. 10.32-34)
31Jesús ni jintintaiji doce aina nuna akanak chichajak: “Yamai Jerusalén wegag dui, profeta aidau Aentsmaga akiinau nuniktinun ashí agajajua nunú uminkattawai. 32Nuniau asamtai aents judiochu aidaunum sujukagtatui, dutikawagmatai pegkegchau chichajuinak, dushikinak usukiagtatui; 33dutikawag asuttanash asut awa awajtuinakuag maawagtatui; tujash kampatum tsawanta dui nantaktatui”, tau.
34Nunak jintintaiji aidauk makichkish shiig dekachajui, wajina takua tawa nuna shiig dekamainchau dekapedau asag.
Jericonmaya wainmachu wainmakbau
(Mt. 20.29-34; Mr. 10.46-52)
35Jesús Jericó jegattak wegai, aents wainmachu jintá yantamen ekeemas: Kuichik sujustajum, tusa segamá eketu. 36Nuniau kuashat aents nagkaemainak pampainamun antuk, wagka imatainawa tusa iniimu. 37Tutai, Jesús nazaretnumia wetai imatuinawai tusag ujaidau. 38Tiagtai senchi untsumak:
—¡Jesusah, David weantu uchijiyah, minash wait anenjugta! wajau.
39Imattai aents eemak ashinaidau itatkati tusag jiyaidau, tujash nigka nuní senchi untsumak:
—¡David weantu uchijiyah, minash wait anenjugta! wajau.
40Wainmachu imatbaun antuk Jesús wajantá:
—Jukijum jui itagtuatajum. Timatai ejentuntam, iniak: 41—¿Utugtukti tusamea wakegame? tau.
Tama ni ayaak:
—Apuh, wainmaktasan wakegajai, tau.
42Tutai Jesús chichajak:
—¡Wainmakta! Ame dekaskeapi tame dui tsagajume, tiu.
43Tusá tamawaik wainmakui. Nunik Apajuin emematkamaikia Jesusan nemagkauwai. Tuja ashí aents nuna wainkajushkam Apajuin emematuidau.
Currently Selected:
(Evangelio según San Lucas) 18: AGR
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.
