1 San Pedro 3:3-4 Amach eꞌñe pathrra semaꞌyoxhratsto attho sekowentena eꞌñe orrena. Ateth ñerraꞌm sechpaꞌ amach ñeñtha sellkëno oꞌch saññoꞌteñ eꞌñe kowen atthoch enteney yamoꞌtseshaꞌ eꞌñe kowen, tharraña ñeñthpaꞌ eꞌñe | Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho (AME)

1 San Pedro 3:3-4 AME

Amach eꞌñe pathrra semaꞌyoxhratsto attho sekowentena eꞌñe orrena. Ateth ñerraꞌm sechpaꞌ amach ñeñtha sellkëno oꞌch saññoꞌteñ eꞌñe kowen atthoch enteney yamoꞌtseshaꞌ eꞌñe kowen, tharraña ñeñthpaꞌ eꞌñe orrena. Ñamha amach eꞌñe pathrra semaꞌyoxhratsto atthoch sech alloch sekowenta ateth ñerraꞌm oro, tharraña ñeñthpaꞌxhoꞌña eꞌñe orrena. Amach semaꞌyoxhratsto ñamha atthoch sechorraꞌyesa eꞌñe koxhneshaꞌ. Añ aññoꞌteñets ñeñth yentapretannena eꞌñe yechtsopaꞌ ñeñthpaꞌ eꞌñe orrena orrtateney eꞌñe kowen. Añchaꞌña yemaꞌyoxhra oꞌch yekowentena yeyoxhro atthoch Yomporpaꞌ entapretey eꞌñe kowen. Añ kowenteñets yeyoxhro ñeñthpaꞌ ama entpawoyaye tharraña ñeñthpaꞌ amach awañañathterro. Ateth ñerraꞌm moereñets ñeñthpaꞌ eꞌñech kowen entapreteney Yompor. Ñerraꞌm ama atsrreꞌmñatheyayye ñeñthpaꞌxhoꞌña eꞌñech kowen entapreteney Yompor. Ñerraꞌm eꞌñe kowen yokthapeꞌchen, Yomporpaꞌ entapreteney yokthaphña ateth ñerraꞌm ñeñth nanak sherbets, ñamha ñeñth nanak koxhneshaꞌ.

Read 1 San Pedro 3

Listen to 1 San Pedro 3