NA SAME 45
45
A Same kei Karisito kei nai soqosoqo lewe ni lotu.
Vua na Domo-ni-sere e na Sosanimi. A nodra na luve i Kora; a Masikili. A Sere ni veivinakati.
1Sa vuabale na yaloqu e na vosa vinaka;
Au sa vosataka na ka ka'u sa cakava ka sa baleta na Tui:
A yamequ na peni ni dauvolavola totolo.
2A nomuni rairai vinaka sa uasivi cake e na nodra na luve ni tamata:
Sa livi ki na tebenigusumuni na loloma:
Ia na Kalou sa vakalougatataki kemuni kina ka sega ni mudu.
3Kemuni na Qaqa, mo ni vauca e na dibimuni, na nomuni seleiwau,
Kei na nomuni ukuuku kei na nomuni ka vakaturaga.
4Mo ni vodo lako tiko vakaturaga, mo ni mani yaco
E na vuku ni dina kei na yalomalumalumu, kei nai valavala dodonu;
Ka na vakavulici kemuni na ka ni veivakarerei na ligamuni matau.
5Sa gata na nomuni gasau
E na lomadra na meca ni Tui;
Era sa bale e matamuni na veimatanitu.
6Ena sega ni mudu na nomuni tikotiko vakaturaga, na Kalou:
Ai titoko ni caka dodonu nai titoko ni nomuni matanitu.
7Kemuni sa vinakata nai valavala dodonu, ka cata nai valavala ca;
O koya sa lumuti kemuni kina na Kalou, na nomuni Kalou,
E na waiwai ni reki sa levu ka lailai na nodra na nomuni tokani.
8A nomuni sulu kecega sa boi mura, kei na yasi, kei na kasia,
Mai na vale tabua ni Tui, era sa vakamarautaki kemuni kina.
9A goneyalewa ka marama era kenai tikovaki:
Sa tu ko koya na ranadi e na ligamuni matau sa vakaisulu e na koula mai Ofa.
10Na luvequ yalewa, mo rogoca ka vakanananu, ka vakatu daligamu;
Mo guilecava na kai nomu, kei na vale nei tamamu;
11Ena qai gadreva vakalevu na nomu matavinaka na tui:
Ni sa nomu Turaga ko koya; ia mo vakarokoroko ga vua.
12Ia na goneyalewa ni Taia ena kauta kina e dua na nonai loloma,
Ia ko ira era sa vutuniyau vei ira na tamata era na kere loloma vei iko.
13Sa vakaiukuuku na lomana taucoko na luvena yalewa na tui:
Sa tali vata kei na koula na nonai sulu.
14Ena kau mai vua na tui e nai sulu talitali:
Ko ira talega na goneyalewa na nonai tokani era muri koya,
Era na kau mai vei kemuni
15Era na kau mai e na marau kei na reki:
Era na curu ki na vale vakaturaga ni tui.
16O ira na luvemu era na tubu mei sosomi kei ira na tamamu,
O na lesi ira me ra turaga e vuravura taucoko.
17Au na cakava na yacamuni me nanumi e nai tabatamata kecega:
Era na vakavinavinaka kina vei kemuni na veimatanitu ka sega ni mudu.
Currently Selected:
NA SAME 45: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
