NA SAME 28
28
A masu ni tamata lotu dina.
A Same i Tevita.
1Au na tagi vei kemuni Jiova: Na noqu uluvatu, ni kakua ni galuvi au;
De ko ni galu vei au,
Ka'u na vakataki ira era sa lako sobu ki nai bulubulu.
2Ni rogoca na domo ni noqu masu ni'u sa tagi vei kemuni;
Ni ka'u sa dulaka cake na ligaqu vaka ki na nomuni loqi tabu.
3Me'u kakua ni kau tani vata kei ira na tamata ca,
Kei ira sa daucaka ca;
Ko ira era sa vosaveivakacegui vei ira na kai nodra,
Ia ka sa tu e na yalodra na ca.
4Ni solia vei ira me vaka na nodra cakacaka, me vaka na ca era kitaka;
Ni solia vei ira me vaka na cakacaka ni ligadra;
Vakayacora vei ira na kenai sau ni nodra i valavala.
5Ni ra sa sega ni vakananuma na cakacaka i Jiova,
Se na ka sa kitaka tiko na ligana;
Ena talaraki ira sobu ko koya, ka sega sara ni tarai ira cake.
6Vakavinavinaka vei Jiova,
Ni sa rogoca na domo ni noqu masu.
7A noqu kaukauwa kei na noqu i sasabai ko Jiova;
Sa vakararavi vua na yaloqu, ka sa vukei au mai;
Ka sa reki vakalevu kina na yaloqu;
Ka'u na vakavinavinaka talega vua e na noqu sere.
8A nodra kaukauwa ko Jiova,
Kei nai vakabula kaukauwa vua sa lumuta ko koya.
9Ni vakabulai ira na nomuni tamata, ka vakalougatataka na nomuni votavota;
Mo ni lewai ira talega, ka laveti ira cake ka tawa mudu.
Currently Selected:
NA SAME 28: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
